< < > >

Il-Pilastru Ewropew tad-Drittijiet Soċjali jistabbilixxi 20 prinċipju ewlieni u drittijiet li jappoġġjaw swieq tax-xogħol ġusti u li jiffunzjonaw tajjeb, strutturati madwar tliet kapitli:

• opportunitajiet indaqs u aċċess għas-suq tax-xogħol
• kundizzjonijiet tax-xogħol ġusti
• protezzjoni u inklużjoni soċjali

Pjan ta’ Azzjoni

Il-Pjan ta’ Azzjoni tal-Pilastru Ewropew tad-Drittijiet Soċjali jistabbilixxi azzjonijiet konkreti biex l-20 prinċipju tal-Pilastru isiru realtà. Dawn l-azzjonijiet se jeħtieġu sforz konġunt mill-Istati Membri u l-UE b’involviment attiv tas-sħab soċjali u s-soċjetà ċivili. Il-Pjan ta’ Azzjoni jippromwovi it-3 miri fuq il-livell tal-UE fl-oqsma tal-impjiegi, il-ħiliet u l-protezzjoni soċjali li jridu jintlaħqu sal-2030.

Il-Pjan ta’ Azzjoni jissejjes fuq konsultazzjoni pubblika wiesgħa fejn waslu aktar minn 1000 kontribuzzjoni.

L-inizjattivi l-aktar riċenti taħt il-Pjan ta’ Azzjoni

• Il-konsultazzjoni tal-ewwel stadju tas-sħab soċjali tal-UE fuq il-pjattaforma tax-xogħol
• L-istrateġija dwar id-drittijiet tal-persuni b’diżabilità 2021-2030
• Ir-Rakkomandazzjoni dwar l-għajnuna attiva effettiva għall-impjiegi (EASE)