Foirm chun gearán a dhéanamh faoi shárú ar dhlí an Aontais Eorpaigh

Is féidir an fhoirm seo a úsáid chun gearán a dhéanamh má shíleann tú go bhfuil dlí an Aontais sáraithe ag Ballstát.

Tabhair do d'aire, áfach, nach dócha gur réiteach díreach ar do chás féin a bheidh sa mhéid a dhéanfaidh an Coimisiún mar gheall ar do ghearán:

1. Níl aon cheangal ar an gCoimisiún an nós imeachta foirmiúil um shárú a thionscnamh – fiú má tá sé den tuairim go bhfuil sárú ann.
2. Sa chás go gcuirfidh an Coimisiún próiseas foirmiúil ar bun i leith do ghearáin, is aidhm ghinearálta a bheidh aige – a chinntiú go ndéanfar dlíthe an Bhallstáit atá i gceist a chur ar aon dul le dlí an Aontais agus iad a chur i bhfeidhm i gceart.
   Má dheimhníonn Cúirt Bhreithiúnais na hEorpa go bhfuil sárú ar dhlí an Aontais ann, caithfidh an Ballstát atá i gceist beart a dhéanamh chun an sárú a chur ina cheart.

Chun réiteach a fháil láithreach ar do chás féin, nó chun cúiteamh a fháil, ní mór duit sásamh a lorg sa Bhallstát a mbaineann an gearán leis.

• más gá cinneadh a rinneadh ar an leibhéal náisiúnta a chur ar ceal chun do ghearán a réiteach, is iad cúirteanna na tíre sin, agus iadsan amháin, atá in ann sin a dhéanamh.
• má tá tú ag lorg cúiteamh i leith damáistí, is ag cúirteanna na tíre sin amháin atá an chumhacht tabhairt ar na húdaráis i ndlínse na tíre sin an cúiteamh sin a íoc.

Nuair a chuirtear gearán faoi bhráid an Choimisiúin, ní chuirtear ar fionraí an teorainn ama le tús a chur le caingean dlí faoin dlí náisiúnta.

Má tá comhairle níos sainiúla de dhíth ort, is féidir leat dul i dteagmháil leis an tseirbhís fiosrúcháin. Is féidir leat eolas a fháil sa ráiteas príobháideachais faoin gcaoi a gcosnaíonn an Coimisiún do shonraí pearsanta. Ná bíodh aon sonraí pearsanta de chuid tríú páirtithe nó sonraí pearsanta íogaire i do ghearán, mura bhfuil géarghá leo chun do ghearán a láimhseáil.

Tabhair do d'aire: Réimsí a bhfuil réiltín ((éigeantach)) ag gabháil leo, is gá iad a líonadh isteach.

Liostaigh aon doiciméad tacaíochta nó aon fhianaise a d'fhéadfá a chur chuig an gCoimisiún dá n-iarrfaí sin ort.

Tabhair do d'aire nach féidir leat aon doiciméad a chur i gceangal ag an gcéim seo, ach d'fhéadfadh sé go mbeimis i dteagmháil leat lena iarraidh ort na doiciméid a chur chugainn más gá.

Tabhair do d'aire:

Beart a dhéanamh nó caingean a thabhairt sa Bhallstát lena mbaineann, sin an t-aon bhealach chun réiteach díreach ar do chás féin a fháil, nó chun cúiteamh a fháil. Ní bheidh tionchar ag nós imeachta foirmiúil um shárú a chuirfidh an Coimisiún ar bun air.

Cliceáil ar an gcnaipe Seol isteach chun do ghearán a sheoladh isteach chuig an gCoimisiún Eorpach.

Tar éis dó do ghearán a fháil, déanfaidh an Coimisiún an méid seo a leanas:

• clárófar do ghearán agus dearbhófar, laistigh de 15 lá oibre, go bhfuarthas é
• déanfar do ghearán a mheas laistigh de 12 mhí (más ceist an-chasta atá ann, d'fhéadfadh tuilleadh ama a bheith de dhíth)
• más cuí, molfar an gearán a chur ar aghaidh chuig an sásra réitithe fadhbanna is oiriúnaí
• coinneofar ar an eolas thú faoin méid atá déanta i leith do ghearáin.