Mur fil-path tan-navigazzjoni, billi taqbeż is-site tools u s-selettur tal-lingwa

Leġiżlazzjoni tal-UE

Koordinazzjoni modernizzata

Il-koordinazzjoni modernizzata ilha tapplika fl-UE mill-1 ta' Mejju 2010. Din tinkludi dawn ir-regolamenti konsolidati:

Dawn it-testi jinkludu l-modifiki għar-Regolamet (KE) Nru 883/2004 u r-Regolament (KE) Nru 987/2009 li saru mir-Regolament (KE) Nru 988/2009, ir-Regolament tal-Kummissjoni (UE) Nru 1244/2010, ir-Regolament (UE) Nru 465/2012 u r-Regolament tal-Kummissjoni (UE) Nru 1224/2012.

Id-dispożizzjonijiet tal-UE dwar il-koordinazzjoni tal-iskemi tas-sigurtà speċjali bdew jeżistu mill-1958 bir-Regolamenti Nri 3 u 4. Ġew aġġornati u estiżi ħafna drabi.

Madankollu, il-koordinazzjoni modernizzata hi l-ewwel riforma ewlenija mir-regolamenti tas-snin sebgħin.

Ċittadini li mhumiex mill-pajjiżi tal-UE

Mill-1 ta' Jannar 2011, ir-Regolament (UE) Nru 1231/2010 estenda l-koordinazzjoni modernizzata għaċ-ċittadini li mhumiex mill-pajjiżi tal-UE (ċittadini ta' pajjiżi terzi) li jgħixu legalment fl-UE u li huma f'sitwazzjoni transkonfinali. Il-membri tal-familja tagħhom u s-superstiti huma koperti wkoll jekk jinsabu fl-UE.

Ma japplikax għad-Danimarka jew għar-Renju Unit.

Ir-Regolament (UE) Nru 1231/2010 hu sors ta' drittijiet, pereżempju, fil-każ ta' ċittadin ta' pajjiż terz li ċċaqlaq minn pajjiż tal-UE għal ieħor minħabba x-xogħol, iżda li wliedu baqgħu jgħixu fil-pajjiż preċedenti tal-UE.

Iċ-ċittadini li mhumiex tal-UE jistgħu jkomplu jgawdu mir-regoli preċedenti tal-koordinazzjoni tal-UE, fil-każ tar-Renju Unit billi r-Regolament (KE) Nru 859/2003 (estenda r-Regolament (KEE) Nru 1408/71 għaċ-ċittadini li mhumiex tal-UE) ikompli japplika hemmhekk.

L-Isvizzera

Il-koordinazzjoni modernizzata fl-Isvizzera bdiet tapplika mill-1 ta' April 2012.

Iż-ŻEE (Żona Ekonomika Ewropea)

Il-koordinazzjoni modernizzata fin-Norveġja, l-Islanda, u l-Liechtenstein (il-pajjiżi taż-ŻEE) bdiet tapplika mill-1 ta' Ġunju 2012 .

    Aqsam

  • Twitter Facebook Ixxerja fuq Google+