Il-Kroazja
Emerġenza
- Ċempel il-112
Hrvatski zavod za zdravstveno osiguranje
(Fond Kroat tal-Assigurazzjoni tas-Saħħa – CHIF)
Margaretska 3, 10 000 Zagreb
Tel: +385 1 4806 333
Kura, kopertura u spejjeż
Tobba
- Għall-kura medika bla ħlas, ikkonsulta tabib li jaħdem b'kuntratt mal-Fond Kroat tal-Assigurazzjoni tas-Saħħa (CHIF).
- Se tintalab tħallas tariffa standard ta' €1.32 għal kull konsultazzjoni.
Dentisti
- Għandek tikkonsulta dentist b’kuntratt mal-Fond Kroat tal-Assigurazzjoni tas-Saħħa (CHIF) peress li s-servizzi neċessarji tagħhom huma bla ħlas.
- Se tħallas tariffa ta' €1.32 għal kull żjara.
Sptar
- Il-kura hi bla ħlas jekk l-isptar għandu kuntratt mal-Fond Kroat tal-Assigurazzjoni tas-Saħħa (CHIF).
- Trid tiġi riferut minn tabib tal-kura primarja.
- Se tintalab tħallas tariffa ta' kuljum ta' €17.70 meta jkollok toqgħod l-isptar. It-tariffi tal-pazjent huma limitati għal €530.88.
Riċetti
- Tista' tikseb il-mediċini li jiktiblek tabib tal-kura primarja minn spiżerija li għandha kuntratt mal-Fond Kroat tal-Assigurazzjoni tas-Saħħa (CHIF)
- Se tintalab tħallas tariffa standard ta' €1.32 għal kull preskrizzjoni.
Ambulanza
- L-ivvjaġġar neċessarju bl-ambulanza hu kopert.
Ambulanza bl-ajru
- Ebda informazzjoni disponibbli.
Rimborż
- Ma tistax tiġi rimborżat permezz tal-Fond Kroat tal-Assigurazzjoni tas-Saħħa.
- Jekk ikollok tħallas għall-kura, ikkuntattja lill-fornitur tal-assigurazzjoni tas-saħħa tiegħek meta tirritorna f'pajjiżek biex titlob rimborż.
Kontribuzzjoni tal-pazjent
L-EHIC tagħti aċċess lill-persuni assigurati kollha mill-pajjiżi tal-UE, l-Iżlanda, il-Liechtenstein, in-Norveġja u l-Iżvizzera u r-Renju Unit għall-kura tas-saħħa bl-istess kundizzjonijiet bħall-Kroati bl-assigurazzjoni tas-saħħa.
Se jkollok tħallas għal ċerti servizzi li għalihom il-Kroati bl-assigurazzjoni tas-saħħa huma obbligati li jħallsu (kopagament). Il-persuni assigurati li jibbenefikaw mill-benefiċċji għall-kura tas-saħħa fil-Kroazja huma obbligati li jkopru 20% tal-prezz tagħhom. Madankollu, l-ammont minimu tal-kopagament ma jistax ikun inqas minn:
- €1.32 għal kura minn tabib li jipprovdi kura tas-saħħa primarja
- €17.70 kuljum għal meta jkollok toqgħod l-isptar
- €1.32 għal kull riċetta tat-tabib
- €4.41 għall-kura minn speċjalista tal-kura tas-saħħa
- €8.83 għal djanjożi ta' speċjalista mhux ikklassifikata bħala kura tas-saħħa primarja
- €8.83 għal tagħmir ortopediku u tagħmir ieħor
- €4.41 kuljum għar-riabilitazzjoni fiżika
- €176.97 għal tagħmir tas-snien
- €88.46 għal tagħmir tas-snien għal nies ta' aktar minn 65 sena
Dijaliżi, ossiġenu u kimoterapija
- Int minn pajjiż ieħor tal-UE, mill-Iżlanda, mil-Leichtenstein, min-Norveġja, mill-Iżvizzera jew mir-Renju Unit? Jekk iva, tista' tikseb id-dijaliżi, it-terapija tal-ossiġenu jew il-kimoterapija fuq il-bażi tal-EHIC tiegħek.
- Biex ikollok aċċess immedjat għall-kura, kun żgur li tikkuntattja fornitur tal-kura tas-saħħa qabel ma tasal il-Kroazja. Agħmel appuntament għal data u ħin speċifiċi.
- Ġib id-dokumentazzjoni medika kollha tiegħek li turi t-tip ta' kura li għandek bżonn.
Kif napplika għal EHIC?
- Il-kura tas-saħħa meħtieġa | HZZO għal persuna barranija assigurat u 2. Il-proċedura għall-ħruġ tal-EHIC | HZZO għal persuna assigurata Kroata - bl-Ingliż
- Nužna zdravstvena zaštita | HZZO għal persuna barranija assigurat u 2. Postupak za izdavanje EKZO | HZZO għal persuna Kroata assigurata - bil-Kroat biss
Fejn jaċċettaw l-EHIC
Kard mitlufa jew misruqa
Kuntatti għal min għandu EHIC li nħarġet fil-Kroazja
Persuna li għandha assigurazzjoni li titlef l-EHIC trid tikkuntattja lill-eqreb uffiċċju tas-CHIF / HZZO malajr kemm jista' jkun.
Għal aktar informazzjoni:
Tel: +385 1 644 90 90