Deza Nguembock

Il-verżjoni Faċli biex tinqara ta’ dan it-test hi disponibbli hawn.

Deza Nguembock hi imprenditriċi soċjali bbażata f'Pariġi, Franza u ddedikat ħajjitha biex tiddefendi bidla fil-mentalitajiet permezz tal-innovazzjoni soċjali, għal dinja aktar inklużiva. Imwielda fil-Kamerun, Deza soffriet minn kwistjonijiet severi mentali meta kellha 4 snin, u dan wassal għal diżabilità fiżika fl-adoloxxenza tagħha. Fl-2011, waqfet E&H LAB, aġenzija tal-komunikazzjoni li tiżviluppa programmi u kampanji ta' interess ġenerali permezz tal-arti għal gvernijiet lokali. Deza hi magħrufa għall-kampanji fuq skala immensa internazzjonali li jbiddlu n-narrativa u l-perċezzjonijiet rigward nies bħalha. L-isforzi tagħha jinkludu l-ħolqien tal-kunċett 'Estetika u d-Diżabilità' bbażat fuq immaġnijiet pożittivi ta' nies b'diżabilita fiżika, il-kampanja 'CHAOS' dwar il-mard mentali permezz tal-installazzjoni tal-arti immersiva u diġitali, u l-inizzjattiva 'Ejja nirfsu fuq il-preġudizzji' biex inwaqqfu ideat imsawra minn qabel u nkissru l-ostakli. F'10 snin biss, iddisinnjat sitt kampanji fuq sensibilizzazzjoni b'impatt soċjali enormi u ħadmet għal 60 klijent fis-setturi privati u pubbliċi. Deza hi magħrufa wkoll bħala esperta tal-inklużjoni fil-qasam tal-komunikazzjoni u pedamenti ta' diżabilità fejn hi taħdem bħala voluniera. Hi tħobb taqsam l-esperjenzi tal-ħajja, partikolarment permezz ta' konferenzi, biex tispira ġenerazzjoni ġdida ta' mexxejja.

Instagram: dezanguembock
Facebook: Deza Nguembock
YouTube: DEZA
LinkedIn: Deza NGUEMBOCK