united kingdom
Éigeandáil
NHS 111 (Seirbhís de chuid na Seirbhíse Náisiúnta Sláinte)
- Is féidir le NHS 111 cuidiú leat má bhíonn fadhb phráinneach leighis agat agus mura mbíonn tú cinnte cad is ceart a dhéanamh. Chun cabhair a fháil ó NHS 111 téigh chuig 111.nhs.uk nó glao ar 111.
- Tuilleadh eolais faoi rochtain a fháil ar sheirbhísí cúraim sláinte i Sasana.
- Tuilleadh eolais faoi rochtain a fháil ar sheirbhísí NHS sa Bhreatain Bheag, in Albain agus i dTuaisceart Éireann.
EHIC a úsáid sa Ríocht Aontaithe
An méid is gá duit a dhéanamh
Má bhíonn tú ar cuairt sa Ríocht Aontaithe ó Bhallstát den Aontas agus má éiríonn tú tinn nó má bhíonn éigeandáil leighis agat le linn do thréimhse fanachta sealadaí i Sasana, is féidir leat Cárta Eorpach um Árachas Sláinte atá bailí, ar cárta é a eisíodh sa tír a bhfuil cónaí ort, a úsáid chun rochtain a fháil ar chúram sláinte.
Beidh ort do EHIC a thabhairt leat má tá tú incháilithe é a úsáid sa Ríocht Aontaithe.
Ní malairt rogha ar árachas taistil é EHIC. Ní chlúdóidh sé aon chúram sláinte príobháideach leighis, cóireáil a bhí beartaithe roimh ré, eitilt a fháil ar ais abhaile, ná rudaí a chailltear nó a ghoidtear uait. Molaimid árachas taistil nó sláinte a bheith agat lena dtabharfar clúdach duit go dtí deireadh do thurais.
Cúram sláinte éigeandála i Sasana
Baineann an t-eolas seo a leanas le cúram sláinte a fháil i Sasana.
D’fhéadfadh difríochtaí a bheith ann idir an chaoi a bhfaighfeá rochtain ar chúram sláinte in Albain, sa Bhreatain Bheag agus i dTuaisceart Éireann agus an chaoi a bhfaighfeá é i Sasana.
Is córas cúraim sláinte atá bunaithe ar chónaí é an córas atá i bhfeidhm ag NHS. Is éard is brí leis sin go bhféadfadh sé go mbeadh ar chuairteoirí go Sasana íoc as cúram sláinte NHS, rud a bhraitheann ar a gcúinsí.
Tá seirbhísí áirithe ann atá saor in aisce do chách, cuir i gcás seirbhísí timpiste agus éigeandála agus cuairteanna ar dhochtúir ginearálta.
Cóireáil phráinneach nó cóireáil nach féidir fanacht uirthi go sábháilte go dtí go bhfágann tú an tír agus go bhfilleann tú abhaile, cuirfear é sin ar fail i gcónaí agus pléifear leis an íocaíocht ina diaidh. Ní féidir ach le cliniceoir an cinneadh a dhéanamh an bhfuil an chóireáil práinneach nó an bhfuil gá léi láithreach.
null
Dochtúirí ginearálta
- Seirbhísí cúraim phríomhúil, cóireáil ó dhochtúir ginearálta san áireamh, cuireann dochtúirí (dochtúirí ginearálta) na Seirbhíse Náisiúnta Sláinte (NHS) na seirbhísí sin ar fáil. Aimsigh dochtúir i ngar duit.
Fiaclóirí
- Gach cóireáil fiaclóireachta ó NHS a bhfuil gá léi go cliniciúil, cuirtear ar fáil iad ar phraghas caighdeánach neamh-in-aisíoctha. Aimsigh fiaclóir i ngar duit.
Cóireáil ospidéil (NHS)
- Seachas cúram éigeandála, déantar cúram ospidéil a eagrú trí do dhochtúir, d’fhiaclóir nó do radharceolaí. An chuid is mó de chóireálacha in ospidéil NHS, tá siad saor in aisce má tá Cárta Eorpach um Árachas sláinte atá bailí agat. Aimsigh ospidéal i ngar duit.
- Mar chuairteoir a bhfuil cárta bailí aige, tá tú i dteideal gach cóireáil leighis, a chuirtear ar fáil tríd an stát agus a bhfuil gá léi go cliniciúil saor in aisce. Ní chlúdaíonn an cárta cóireáil a bhí beartaithe roimh ré.
Oidis
- Aon chógas forordaithe, is féidir leat é a fháil ó aon chógaslann ach an t-oideas a thabhairt dóibh. Aimsigh cógaslann i ngar duit.
- Gearrtar ráta caighdeánach neamh-in-aisíoctha ar chógais fhorordaithe.
Otharcharr
- Iompar d’otharcharr a bhfuil gá leis, tá sé saor in aisce.
null
- Sa Ríocht Aontaithe, is iondúil go mbíonn sé saor in aisce cóireáil a fháil, mar sin ní ann do chóras aisíocaíochta.
- Nuair a ghearrtar costais chaighdeánacha ort (cuir i gcás táillí le haghaidh fiaclóirí NHS nó costais oideas), ní bhíonn siad in-aisíoctha sa Ríocht Aontaithe.
- Má bhíonn ort íoc as cúram, déan teagmháil le do sholáthraí náisiúnta um árachas sláinte nuair a fhilleann tú abhaile chun aisíocaíocht a fháil.
null
- Sa Ríocht Aontaithe is iondúil go mbíonn cóireáil saor in aisce ach ní mór duit do EHIC a thaispeáint nuair a fhaigheann tú rochtain ar chúram sláinte.
- Costais chaighdeánacha is gá d’othair a íoc, is infheidhme iad le haghaidh fiaclóirí NHS.
- I Sasana amháin, gearrtar costas ort le haghaidh oideas freisin, ar costas é is féidir a íoc sa chógaslann. Tá oidis saor in aisce i dTuaisceart Éireann, in Albain agus sa Bhreatain Bheag.
null
- Teiripe ocsaigine agus scagdhealú, ní mór iad sin a shocrú le soláthraí cúraim sláinte sula gcuirtear tús le do thréimhse fanachta i Sasana.
- Sonraí soláthróirí ocsaigine i Sasana
- Sonraí aonaid scagdhealaithe duán
null
- An chuid is mó de chóireálacha in ospidéil NHS, tá siad saor in aisce má tá Cárta Eorpach um Árachas sláinte atá bailí agat. Aimsigh ospidéal i ngar duit nó aimsigh dochtúir ginearálta i ngar duit
- Tuilleadh eolais faoi rochtain a fháil ar sheirbhísí NHS sa Bhreatain Bheag, in Albain agus i dTuaisceart Éireann.
Clúdach do chónaitheoirí na Ríochta Aontaithe atá ar cuairt san Aontas
Má thugann tú cuairt ar Bhallstát den Aontas ón Ríocht Aontaithe, is féidir leat Cárta Domhanda na Ríochta Aontaithe um Árachas Sláinte (UK GHIC) nó Cárta Eorpach na Ríochta Aontaithe um Árachas Sláinte (UK EHIC) a úsáid chun rochtain a fháil ar chóireáil a bhfuil gá léi ó thaobh na sláinte de.
Na difríochtaí idir na cártaí atá le fáil
Tá 2 chineál clúdaigh ar fáil do dhaoine a bhfuil árachas acu sa Ríocht Aontaithe. Is féidir leat iarratas a dhéanamh ar aon cheann acu seo a leanas:
- Cárta Domhanda na Ríochta Aontaithe um Árachas Sláinte
- Cárta Eorpach na Ríochta Aontaithe um Árachas Sláinte, má tá cearta agat faoin gComhaontú um Tharraingt Siar
I gcás an chuid is mó de dhaoine a dhéanann iarratas as an nua, bronntar orthu Cárta Domhanda na Ríochta Aontaithe um Árachas Sláinte in ionad an Chárta Eorpaigh um Árachas Sláinte atá ann cheana.
Tuilleadh eolais maidir le conas iarratas a dhéanamh ar EHIC nó ar GHIC
Conas do chárta a úsáid
Is féidir leat do chárta a úsáid chun rochtain a fháil ar chúram sláinte a bhfuil gá leis ó thaobh na sláinte de agus a chuirtear ar fáil tríd an stát nuair atá tú ar cuairt i mBallstát den Aontas.
Is éard is brí le cúram sláinte a bhfuil gá leis ó thaobh na sláinte de cúram sláinte nach féidir fanacht uirthi go sábháilte go dtí go bhfilleann tú ar an Ríocht Aontaithe. An soláthraí cúraim sláinte sa tír a bhfuil tú ar cuairt uirthi, is é sin an té a chinneann an bhfuil gá leis an gcóireáil nó nach bhfuil.
Tuilleadh eolais faoi thíortha ina bhfuil do chárta bailí
Má tá EHIC agat cheana
Má tá EHIC agat cheana arna eisiúint sular fhág an Ríocht Aontaithe an tAontas, beidh sé bailí go dtí go mbeidh an dáta éaga istigh. Is féidir leat iarratas a dhéanamh ar chárta nua suas le 6 mhí sula dtéann an cárta atá agat faoi láthair in éag.
Má tá tú i dtír eile agus mura bhfuil do chárta leat
Is féidir leat Deimhniú Athsholáthair Sealadach (PRC) a fháil le cruthú go bhfuil tú i dteideal cúram sláinte a bhfuil gá leis ó thaobh na sláinte de má thaistealaíonn tú go dtí an Eoraip gan an EHIC, UK GHIC nó UK EHIC nua atá agat cheana, agus más gá duit cóireáil a fháil le linn do chuairte.
Tabharfaidh PRC an clúdach céanna duit agus a gheofá le EHIC, UK GHIC nó UK EHIC nua atá agat cheana go dtí go bhfilleann tú abhaile.
Chun iarratas a dhéanamh ar PRC, téigh i dteagmháil le Seirbhísí Cúraim Sláinte NHS i dTír eile.
null
Sonraí teagmhála do dhaoine a bhfuil EHIC acu arna n-eisiúint sa Ríocht Aontaithe agus a dteastaíonn cóireáil uathu nuair atá siad i dtír eile.
Seirbhísí Cúraim Sláinte i dTír eile:
Teil: 0191 218 1999 (ón Ríocht Aontaithe)
+44 191 218 1999 (ó thír eile)
Cuir isteach an athuair ar chárta a cailleadh nó a goideadh nuair atá tú ar ais sa Ríocht Aontaithe.