Passi legali fil-livell nazzjonali

• Jekk id-drittijiet jinkisru bid-deċiżjoni ta' awtorità nazzjonali, l-ewwel fittex kumpens permezz tal-metodi ta' appell ipprovduti mil-leġiżlazzjoni nazzjonali tagħha.
• Meta tingħata deċiżjoni, hemm perjodu limitat ta' żmien li matulu hi tista' tkun appellata. Importanti li tkun taf u li tikkonforma ma' dawn il-limiti taż-żmien.
• Il-liġi tal-UE dwar il-moviment ħieles tal-ħaddiema tista' ssir referenza għaliha quddiem awtoritajiet u qrati nazzjonali fi proċeduri nazzjonali.

Il-ħaddiema tal-UE u l-membri tal-familja tagħhom jistgħu jiksbu assistenza fir-rigward tar-regoli tal-Unjoni u dawk nazzjonali dwar il-moviment liberu tal-ħaddiema mill-korpi li jippromwovu t-trattament ugwali għall-ħaddiema f’kull Stat Membru. Xogħol mhux iddikjarat jista’ jiġi rrappurtat ukoll lill-awtoritajiet nazzjonali li jindirizzaw ix-xogħol mhux iddikjarat.

Informazzjoni dwar l-UE u strumenti għar-riżoluzzjoni tal-problemi 

• Ikkuntattja Europe Direct għal informazzjoni dwar il-kwistjonijiet kollha tal-UE
• Staqsi permezz ta' Solvit biex issolvi problema ma' amministrazzjoni nazzjonali f'pajjiż ieħor tal-UE.
• Staqsi permezz tas-servizz Il-Parir tal-Ewropa Tiegħek biex tirċievi parir legali proprju għalik, mingħajr ħlas.
• Jekk taħseb li drittijietek skont il-liġi tal-UE qed jinkisru mil-liġijiet f'pajjiż partikulari jew bil-mod li l-awtoritajiet qed jaġixxu, tista' tilmenta billi tikteb lill-Kummissjoni Ewropea.