Karolina Pelendritou

Il-verżjoni Faċli biex tinqara ta’ dan it-test hi disponibbli hawn.

Karolina Pelendritou kienet l-ewwel Ċiprijotta atleta li qatt rebħet midalja paralimpika tad-deheb għall-għawm f’Ateni fl-2004. Il-fatt li għandha insuffiċjenza fil-vista qatt ma waqqafha minn erba’ Logħobiet Paralimpiċi, b’iktar midalji tad-deheb, tal-fidda u tal-bronze li żdiedu mal-lista tal-midalji tagħha. Hija rebħet ukoll żewġ midalji tad-deheb fil-Kampjonati tad-Dinja IBSA u sebgħa fil-Kampjonat Dinji tal-Għawm tal-IPC, flimkien ma’ għadd ta’ medalji oħra f’avvenimenti. Magħrufa bħala l-“Prinċipessa tal-pixxina”, hija bdiet tgħum meta kellha 9 snin, wara li membru tal-familja innota t-talent tagħha. Imma hija iktar minn sempliċi atleta, billi ħadet ir-rwol ta’ Ambaxxatriċi għal ħafna organizzazzjonijiet, inkluż bħala parti mill-movimenti tal-UE “Żgħażagħ Attivi” u “Waqqfu d-Diskriminazzjoni”, kif ukoll għall-Organizzazzjoni Ċiprijotta tat-Turiżmu u oħrajn. Hija rċeviet premjijiet multipli nazzjonali u internazzjonali, inkluż rikonoxximent onorarju mir-Repubblika ta’ Ċipru għal kisbiet f’Tokyo fl-2021, l-Aqwa Atleta ltas-Sena tal-Commonwealth Brittanniku fl-2007, u rikonoxximent mill-Presidenza Franċiża biex tirrappreżenta lil Ċipru bħala parti mill-Jum Internazzjonali tan-Nisa fl-2022. Hija xxandret bi prominenza fil-media, inkluż f’rivisti u artikli li koprew ħajjitha u l-kisbiet tagħha. Fl-aħħar, b’mod regolari hija tissejjaħ biex taħdem bħala kelliema motivazzjonali, li tispira n-nies biex jirriflettu dwar ħajjithom u jbiddlu l-imġiba jew jieħdu azzjoni għal titjibr.

Website: www.karolinapelendritou.com
Instagram: karolina_pelendritou
Facebook: KarolinaPelendritouOfficial
YouTube: Karolina Pelendritou