Minn Paola Testori, id-Direttur Ġenerali għas-Saħħa u l-Konsumaturi tal-Kummissjoni Ewropea
Hu bi pjaċir kbir li nistgħu niċċelebraw magħkom il-mitt edizzjoni ta' din in-newsletter li bdiet 5 snin ilu. Minn dakinhar 'l hawn kibret għal kważi 14,000 abbonament mill-Ewropa kollha, bi 22 lingwa. Hi wkoll opportunità kbira li nintroduċu ma' din il-ħarġa l-format u t-tqassim ġdid tagħha, li nittama se jżidu l-gost tal-qari tagħkom.
Billi l-għadd ta' Ewropej bl-età ta' 65 sena u aktar se jirdoppja f'dawn l-aħħar 50 sena, hu importanti li l-Kummissjoni Ewropea tkompli tindirizza l-kwistjoni tal-anzjanità attiva u f'saħħitha. Li nikbru fl-età llum il-ġurnata ma għadux l-istess bħal snin ilu. Flimkien ma' stennija ta' għajxien aktar fit-tul, aktar u aktar ċittadini anzjani jħossuhom li għad baqgħalhom ħafna x'jagħtu u x'jesperjenzaw anki wara li jkunu laħqu età avvanzata, u billi jibqgħu attivi, iċ-ċittadini anzjani jistgħu wkoll jikkontribwixxu għat-tkabbir sostenibbli tas-soċjetà tagħna.
Madankollu, filwaqt li ħafna nies jgħixu ħajja attiva u f'saħħitha għal żmien twil wara li jirtiraw, oħrajn ma jistgħux jagħmlu dan. Nofs il-persuni bl-età bejn 65 u 74 fl-Ewropa rrapportaw huma stess problema ta' saħħa. Din is-sitwazzjoni tħalli impatt fuq il-benesseri tas-soċjetà u taffettwa l-politika pubblika u s-sostenibilità tas-sistema tal-kura tas-saħħa.
Biex dan jiġi indirizzat, ħloqna "Il-Partenarjat Ewropew ta' Innovazzjoni dwar l-Anzjanità Attiva u f'Saħħitha , li tlaqqa' flimkien il-partijiet interessati kollha, kemm pubbliċi (awtoritajiet lokali eċċ.) u privati (sptarijiet, negozji eċċ.) mal-Ewropa kollha. L-idea hi li dawn jaħdmu flimkien biex jiġu adottati malajr ideat ġodda, teknoloġiji innovattivi u l-aħjar prattiki għall-benefiċċju tal-ġenerazzjonijiet anzjani. Wieħed mill-għanijiet ta' din l-inizjattiva hu biex jiżdiedu sentejn ta' saħħa aktar f'saħħitha mal-istennija ta' għajxien taċ-ċittadini Ewropej sal-2020.
Il-Partenarjat tnieda s-sena l-oħra, u minn dakinhar, ġew attwati riżultati u benefiċċji ta' innovazzjoni u twasslu liċ-ċittadini tal-Ewropa, kif ippreżentat fil- Konferenza organizzata fis-6 ta' Novembru fi Brussell. Issa hu l-waqt li jsiru kummenti li jservu fit-tul biex tinħoloq Unjoni Ewropea aktar ta' għajnuna lill-anzjani li tippermetti lin-nies li jikbru fl-età f'saħħithom u biex jikkontribwixxu b'mod attiv għas-soċjetà b'mod li hu ġust u sostenibbli għall-ġenerazzjonijiet kollha.
Nittamaw li n-newsletter tagħna tkompli taqdikom bl-aħbarijiet u l-informazzjoni kemm dwar anzjanità attiva u f'saħħitha kif ukoll dwar kwistjonijiet ta' saħħa pubblika oħrajn fl-Ewropa għal bosta aktar snin fil-ġejjieni.
