Plean Gníomhaíochta Cholún Eorpach na gCeart Sóisialta
I gColún Eorpach na gCeart Sóisialta leagtar amach 20 croíphrionsabal agus ceart atá ríthábhachtach do chothroime agus dea-fheidhmiú na margaí saothair agus na gcóras cosanta sóisialta.
Le Plean Gníomhaíochta Cholún Eorpach na gCeart Sóisialta déantar gníomhaíochtaí nithiúla de na Prionsabail, gníomhaíochtaí a rachaidh chun tairbhe do na saoránaigh. Moltar ann freisin príomhspriocanna a bheidh le baint amach ag an Aontas faoi 2030.
Is freagracht chomhroinnte institiúidí an Aontais, údaráis náisiúnta, réigiúnacha agus áitiúla, comhpháirtithe sóisialta agus an tsochaí shibhialta é Colún na gCeart Sóisialta a fhíorú.
Trí sprioc uaillmhianacha de chuid an Aontais faoi 2030
Na prionsabail a fhíorú
Staid na himeartha faoi láthair
- Mar gheall ar ghéarchéim an choróinvíris, cuireadh stad leis an dul chun cinn dearfach a bhí déanta le sé bliana anuas i leith na fostaíochta. 72.4% ab ea an ráta fostaíochta sa tríú ráithe de 2020.
- Faoi 2016, ní raibh ach 37% de dhaoine fásta ag glacadh páirt i ngníomhaíochtaí foghlama ar bhonn bliantúil.
- Léirítear i bhfigiúirí Eurostat go raibh níos mó ná duine as gach cúigear san Aontas i mbaol bochtaineachta nó eisiaimh shóisialta in 2021 (21.7% den daonra, nó 95.4 milliún duine). 24.4% ab ea an ráta bochtaineachta leanaí.
Spriocanna náisiúnta
Chuir airí fostaíochta agus gnóthaí sóisialta an Aontais a spriocanna náisiúnta i láthair an 16 Meitheamh 2022. I dteannta a chéile, le gealltanais na mBallstát leagtar an tAontas Eorpach go daingean ar an gconair chun príomhspriocanna an Aontais a bhaint amach, nó dul tharstu go fiú.
Tuairimí mhuintir na hEorpa faoin Eoraip Shóisialta
“Ba cheart go mbeadh sé éasca rudaí beaga praiticiúla a dhéanamh, cuir i gcás dioplóma a fháil bailíochtaithe, uimhir shóisialta a fháil, riarachán tuarastal agus gach a mbaineann le haistriú ó Bhallstát amháin den Aontas go ceann eile.”
“Táimse ag obair i gcuideachta a thugann tús áite don éagsúlacht agus don lánpháirtiú agus ina ndéantar iarracht mhór chun claontachtaí a sheachaint atá bunaithe ar inscne nó ar aon éagsúlacht eile. Measaim gur cheart don Aontas breathnú ar na samplaí sin, ó tharla go bhfuil smaointe iontacha againn a d’fhéadfaí a úsáid i gcuideachtaí eile.”
“Ba cheart go mbeadh sé éasca tarraingteach a bheith féinfhostaithe san Eoraip, mar an gcéanna le post, oiliúint nó pinsean. Ar an lámh amháin, d’fhéadfadh ioncam níos fearr a bheith mar thoradh air sin, agus ar an lámh eile, beidh suim ag daoine de gach aois, idir óg agus aosta, ann agus cruthófar nasc eatarthu, thar teorainneacha náisiúnta.”
Comhairliúchán poiblí
Is cuid iad na teistiméireachtaí sin de chomhairliúchán poiblí ar mhórscála, ina bhfuarthas níos mó ná 1,000 aighneacht i scríbhinn ó Bhallstáit, réigiúin, cathracha, páirtithe sóisialta, eagraíochtaí de chuid na sochaí sibhialta, eagraíochtaí idirnáisiúnta, gnólachtaí, meithleacha machnaimh agus saoránaigh. Ina theannta sin, chuaigh an Coimisiún i gcomhairle le níos mó ná 1,500 príomhpháirtí leasmhar, Parlaimint na hEorpa, Coiste Eacnamaíoch agus Sóisialta na hEorpa agus Coiste na Réigiún ina measc, trí sheimineáir thiomnaithe ar líne. Tá torthaí an chomhairliúcháin sin curtha san áireamh sa Phlean Gníomhaíochta.
Suirbhé Eorabharaiméadair
Measann naonúr as gach deichniúr Eorpach (88%) go bhfuil Eoraip shóisialta tábhachtach dóibh féin go pearsanta, de réir shuirbhé de chuid Eorabharaiméadair a rinneadh in 2021 maidir le ceisteanna sóisialta.
Tuilleadh eolais faoin suirbhé Eorabharaiméadair
Cruinniú Mullaigh Sóisialta Porto agus Gealltanas Sóisialta Porto
Leis an gCruinniú Mullaigh Sóisialta in Porto an 7-8 Bealtaine 2021, rud a bhí á eagrú ag Uachtaránacht na Portaingéile ar an gComhairle, cuireadh deis ar fáil athdhearbhú a dhéanamh ar an tiomantas agus an uaillmhian tús áite a thabhairt do na daoine maidir le téarnamh na hEorpa agus níos faide anonn. Deis a bhí sa Chruinniú Mullaigh Sóisialta in Porto freisin chun na grúpaí éagsúla a spreagadh leis an ngealltanas a athnuachan, ar an leibhéal polaitiúil is airde, an Colún Sóisialta a chur chun feidhme.
An 7 Bealtaine chláraigh na comhpháirtithe le trí phríomhsprioc 2030 a leagadh amach i bPlean Gníomhaíochta an Choimisiúin um Cholún Eorpach na gCeart Sóisialta i nGealltanas Sóisialta Porto comhpháirteach.
An 8 Bealtaine ghlac comhaltaí na Comhairle Eorpaí Dearbhú Porto maidir le gnóthaí sóisialta.
An 25 Meitheamh ba dhíol sásaimh don Chomhairle Eorpach príomhspriocanna an Aontais i bPlean Gníomhaíochta Cholún Eorpach na gCeart Sóisialta, i gcomhréir le Dearbhú Porto.
Guthanna ó gach cearn den Eoraip ag Cruinniú Mullaigh Sóisialta Porto
Teacht le chéile chun Eoraip níos sóisialta a chur ar fáil
Is tiomantas agus freagracht pholaitiúil chomhroinnte de chuid Institiúidí an Aontais, údaráis náisiúnta, réigiúnacha agus áitiúla, comhpháirtithe sóisialta agus an tsochaí shibhialta é Colún Eorpach na gCeart Sóisialta a thabhairt i gcrích, agus tá ról acu go léir i gcomhréir lena n-inniúlachtaí.
Ba cheart do na Ballstáit leas iomlán a bhaint as na cistí gan fasach de chuid an Aontais atá ar fáil chun tacú le hathchóirithe agus infheistíochtaí: buiséad an Aontais, NextGenerationEU, Ciste Sóisialta na hEorpa Plus, agus tuilleadh
Amlíne agus príomhghníomhaíochtaí
Sa phlean gníomhaíochta leagtar amach roinnt gníomhaíochtaí de chuid an Aontais atá an Coimisiún tiomanta a dhéanamh faoin sainordú reatha (go dtí deireadh 2024), lena gcuirfear leis an iliomad gníomhaíochtaí atá déanta cheana féin ó fógraíodh Colún Eorpach na gCeart Sóisialta in Göteborg na Sualainne in 2017. Is é an Plean Gníomhaíochta an bealach ina gcuirfidh an Coimisiún le fíorú phrionsabail an Cholúin Shóisialta.
-
An méid atá bainte amach cheana féin in 2020
An Straitéis Eorpach um Chomhionannas Inscne
Straitéis Tionsclaíochta agus Straitéis FBManna
Tacaíocht shealadach chun rioscaí dífhostaíochta a mhaolú i gcás éigeandála (SURE)
An Creat Airgeadais Ilbhliantúil Athbhreithnithe 2021-2027
An tSaoráid Téarnaimh agus Athléimneachta agus REACT-EU
An clár oibre scileanna don Eoraip don iomaíochas inbhuanaithe, don chothroime shóisialta agus don athléimneacht
Moladh ón gComhairle maidir leis an nGairmoideachas agus an Ghairmoiliúint
Tacaíocht fostaíochta don Aos Óg, lena ngabhann an Ráthaíocht atreisithe don Aos Óg
Limistéar Eorpach Oideachais
An Plean Gníomhaíochta don Oideachas Digiteach (2021-2027)
An Plean Gníomhaíochta maidir le Frithchiníochas
Creat Straitéiseach an Aontais maidir le Comhionannas, Ionchuimsiú agus Rannpháirtíocht na Romach, lena ngabhann Moladh ón gComhairle maidir le Comhionannas, Ionchuimsiú agus Rannpháirtíocht na Romach
Rabharta Athchóiriúcháin
An Comhshocrú um Scileanna
An Plean Gníomhaíochta um Imeascadh agus Ionchuimsiú
An Straitéis um Chomhionannais LGBTIQ
Togra le haghaidh Treoir maidir le Pá Íosta Leordhóthanach
An Straitéis Chógaisíochta -
An méid atá bainte amach cheana féin sa chéad ráithe de 2021
Páipéar Uaine maidir le haosú
Plean Sáraithe Ailse na hEorpa
An Plean Gníomhaíochta um Cholún Eorpach na gCeart Sóisialta
Moladh maidir le hAthbhreithniú ar an Scórchlár Sóisialta
Straitéis nua maidir le Cearta Daoine faoi Mhíchumas
Bearta Ceangailteacha Trédhearcachta Pá
Tacaíocht Ghníomhach Éifeachtach don Fhostaíocht
Deacáid Dhigiteach na hEorpa
Straitéis an Aontais um Chearta an Linbh, lena ngabhann an Ráthaíocht Eorpach do Leanaí
Tuarascáil Chomhpháirteach ar Chur i bhFeidhm na Treorach um Chomhionannas Fostaíochta agus na Treorach maidir le Comhionannas Ciníoch -
An méid atá bainte amach cheana féin sa dara ráithe de 2021
Obair leantach ar an bPáipéar Bán maidir leis an Intleacht Shaorga
Ríomhaitheantas Eorpach atá Iontaofa Slán
Nuashonrú ar an Straitéis nua Tionsclaíochta don Eoraip
Athbhreithniú ar an Treoir maidir le Tuairisciú Neamhairgeadais
Fógraí Treorach maidir le Soláthar Poiblí na Nuálaíochta agus Soláthar Poiblí atá Freagrach ar bhonn Sóisialta
An Straitéis Nua maidir le Sábháilteacht agus Sláinte ag an Obair
An tArdán Eorpach chun an Easpa Dídine a Chomhrac -
An méid atá bainte amach cheana féin sa tríú ráithe de 2021
-
An méid atá bainte amach cheana féin sa cheathrú ráithe de 2021
Tionscnamh maidir le Rialachas Corparáideach Inbhuanaithe
Teachtaireacht maidir le hObair Chuibhiúil ar fud an Domhain
Plean Gníomhaíochta an Aontais don Gheilleagar Sóisialta
Cuntais Foghlama Aonair agus Creat Micridhintiúr
Moladh ón gComhairle maidir le hoideachas ar mhaithe le hinbhuanaitheacht chomhshaoil
An pacáiste scileanna agus tallann
An Tuarascáil Chomhpháirteach ar Fhostaíocht a fhadú agus a chur in oiriúint
-
2022
Tuarascáil ar chur chun feidhme na Treorach maidir le hAm Oibre
Tionscnamh maidir le Conairí i dtreo na Rathúlachta Scoile
Athbhreithniú ar an gCreat Cáilíochta do Thréimhsí Oiliúna
Tionscnamh maidir le cúram fadtéarmach
Tionscnamh maidir le cómhargáil do dhaoine féinfhostaithe
Tuarascáil ón sainghrúpa nua ardleibhéil maidir le rochtain ar chosaint shóisialta leordhóthanach inbhuanaithe
Uirlisí agus táscairí nua maidir le rochtain ar chúram sláinte
Moladh ón gComhairle maidir le hioncam íosta
Tionscnamh maidir le hidirphlé sóisialta
Treoraíocht maidir le measúnuithe tionchair dáileacháin ex-ante
An chéad tuarascáil ón Aontas maidir le rochtain ar sheirbhísí riachtanacha
-
2025Athbhreithniú ar an bPlean Gníomhaíochta maidir le Colún Eorpach na gCeart Sóisialta