Ainmnigh do chathair don 10ú Ghradam don Chathair is Inrochtana 2020

Ar an 29 Samhain 2019, bronnfaidh an Coimisiún Eorpach duaiseanna ar na 10^ú buaiteoirí den Ghradam don Chathair is Inrochtana (duaiseanna don chéad, don dara, agus don tríú háit, agus suas le ceithre thagairt speisialta). Arís eile, bronnfar duaiseanna ar chathracha as obair den scoth a dhéanamh lena chinntiú go bhfuil a gcathracha níos inrochtana do dhaoine faoi mhíchumas agus do dhaoine scothaosta.

Chun an chloch mhíle iontach seo a cheiliúradh, bronnfaidh an Coimisiún Eorpach duais airgid ar na buaiteoirí agus ar an mbeirt a thagann sa dara háit mar seo a leanas:

• An chéad duais: €150 000;
• An dara duais €120 000;
• An tríú duais €80 000.

Conas is féidir le mo chathair iarratas a dhéanamh?

Tá cathracha ar fud an AE ina bhfuil breis is 50 000 cónaitheoir incháilithe chun iarratas a dhéanamh. Má tá níos lú ná dhá chathair leis an líon sin cónaitheoirí ann i dtír, is féidir le dhá chathair bheaga nó níos mó sa tír iarratas a dhéanamh i gcomhpháirt. Má tá níos mó ná 50 000 cónaitheoir acu le chéile, is féidir leo páirt a ghlacadh sa Ghradam don Chathair is Inrochtana chomh maith

Ní mór iarratais a dhéanamh tríd an bhfoirm iarratais a chomhlánú agus a chur isteach ar líne faoin 11 Meán Fómhair 2019 (suas go dtí 23:59 am na Bruiséile) ar a dhéanaí.

Beidh nóta treorach do na hiarratasóirí mar aon leis na rialacha rannpháirtíochta ar fáil i ngach teanga oifigiúil AE agus ar shuíomh gréasáin oifigiúil an Ghradaim don Chathair is Inrochtana. Léigh go cúramach iad.