Il-Pjan ta’ Azzjoni tal-Pilastru Ewropew tad-Drittijiet Soċjali
Il-Pilastru Ewropew tad-Drittijiet Soċjali jistabbilixxi 20 prinċipju u dritt ewlenin essenzjali għal swieq tax-xogħol u sistemi ta’ protezzjoni soċjali ġusti u li jiffunzjonaw tajjeb.
Il-Pjan ta’ Azzjoni tal-Pilastru Ewropew tad-Drittijiet Soċjali jibdel il-Prinċipji f’azzjonijiet konkreti għall-benefiċċju taċ-ċittadini. Hu jipproponi wkoll miri ewlenin biex l-UE tilħaqhom sal-2030.
It-twettiq tal-Pilastru tad-Drittijiet Soċjali hu responsabbiltà komuni għall-istituzzjonijiet tal-UE, l-awtoritajiet nazzjonali, reġjonali u lokali, is-sħab soċjali u s-soċjetà ċivili.
Tliet miri ambizzjużi tal-UE sal-2030
Inbiddlu l-prinċipji f'realtà
Fejn ninsabu
- Il-kriżi tal-coronavirus waqqfet il-progress pożittiv fl-impjiegi ta’ 6 snin, b’rata ta’ impjieg ta’ 72.4% sat-3 trimestru tal-2020.
- Sal-2016, 37% biss tal-adulti kienu qed jipparteċipaw f’attivitajiet ta’ tagħlim kull sena.
- Iċ-ċifri tal-Eurostat juru li fl-2021, aktar minn persuna waħda minn kull ħamsa fl-UE kienet f’riskju ta’ faqar jew esklużjoni soċjali (21.7% tal-popolazzjoni jew 95.4 miljun persuna). Il-faqar fost it-tfal kien ta’ 24.4%.
Miri nazzjonali
Il-ministri għall-impjiegi u l-affarijiet soċjali tal-UE ppreżentaw il-miri nazzjonali tagħhom fis-16 ta’ Ġunju 2022. Flimkien, l-impenji tal-Istati Membri jidderieġu lill-UE fit-triq it-tajba biex tilħaq jew saħansitra taqbeż il-miri ewlenin tal-UE.
X’jaħsbu l-Ewropej dwar l-Ewropa Soċjali
Konsultazzjoni pubblika
Dawn it-testimonjanzi huma parti minn konsultazzjoni pubblika fuq skala kbira b’aktar minn 1,000 kontribuzzjoni bil-miktub mill-Istati Membri, ir-reġjuni, il-bliet, is-sħab soċjali, l-organizzazzjonijiet tas-soċjetà ċivili, l-organizzazzjonijiet internazzjonali, in-negozji, il-gruppi ta’ riflessjoni u ċ-ċittadini. Barra minn hekk, permezz ta’ webinars iddedikati għal dan is-suġġett, il-Kummissjoni kkonsultat ma’ aktar minn 1,500 parti ikkonċernata – fosthom il-Parlament Ewropew, il-Kumitat Ekonomiku u Soċjali Ewropew, u l-Kumitat tar-Reġjuni. Il-Pjan ta’ Azzjoni jibbaża fuq ir-riżultati tiegħu.
Stħarriġ tal-Ewrobarometru
9 minn kull 10 Ewropej (88%) iqisu li l-Ewropa soċjali hi importanti għalihom personalment, skont stħarriġ tal-Ewrobarometru tal-2021 dwar kwistjonijiet soċjali.
Aktar dwar l-istħarriġ tal-Ewrobarometru
Summit Soċjali ta’ Porto u Impenn Soċjali ta’ Porto
Is-Summit Soċjali f’Porto fis-7-8 ta’ Mejju 2021 organizzat mill-Presidenza Portugiża tal-Kunsill, ipprovda l-opportunità li jiġu kkonfermati mill-ġdid l-impenn u l-ambizzjoni li n-nies jitpoġġew l-ewwel fl-irkupru tal-Ewropa u lil hinn. Is-Summit Soċjali ta’ Porto kien ukoll okkażjoni biex ningħaqdu biex fl-ogħla livell politiku nġeddu l-impenn li nimplimentaw il-Pilastru Soċjali.
Fis-7 ta’ Mejju, is-sħab iffirmaw it-tliet miri ewlenin tal-2030 stabbiliti fil-Pjan ta’ Azzjoni tal-Pilastru Ewropew tad-Drittijiet Soċjali tal-Kummissjoni f’Impenn Soċjali ta’ Porto konġunt.
Fit-8 ta’ Mejju, il-membri tal-Kunsill Ewropew adottaw id-Dikjarazzjoni ta’ Porto dwar l-affarijiet soċjali.
Fil-25 ta’ Ġunju, il-Kunsill Ewropew wera s-sodisfazzjon tiegħu għall-miri ewlenin tal-UE stabbiliti fil-Pjan ta’ Azzjoni tal-Pilastru Ewropew tad-Drittijiet Soċjali, bi qbil mad-Dikjarazzjoni ta’ Porto.
Ilħna minn madwar l-Ewropa fis-Summit Soċjali ta’ Porto
Ningħaqdu flimkien biex inwasslu Ewropa aktar soċjali
It-twettiq tal-Pilastru Ewropew tad-Drittijiet Soċjali hu impenn politiku komuni u r-responsabbiltà tal-istituzzjonijiet tal-UE, tal-awtoritajiet nazzjonali, reġjonali u lokali, tas-sħab soċjali u tas-soċjetà ċivili, li lkoll għandhom rwol x’jaqdu f’konformità mal-kompetenzi tagħhom.
L-Istati Membri għandhom jagħmlu użu sħiħ mill-fondi tal-UE bla preċedent disponibbli biex jappoġġjaw ir-riformi u l-investimenti: il-baġit tal-UE, in-NextGenerationEU, il-Fond Soċjali Ewropew Plus, u aktar.
Kronoloġija u azzjonijiet ewlenin
Il-Pjan ta’ Azzjoni jistabbilixxi numru ta’ azzjonijiet tal-UE li l-Kummissjoni hi impenjata li tieħu matul il-mandat attwali (sa tmiem l-2024), filwaqt li tibni fuq il-ħafna azzjonijiet li diġà ttieħdu sa mill-proklamazzjoni tal-Pilastru Ewropew tad-Drittijiet Soċjali f’Gothenburg, l-Iżvezja, fl-2017. Dan il-Pjan ta’ Azzjoni hu l-kontribuzzjoni tal-Kummissjoni biex il-prinċipji tal-Pilastru Soċjali jsiru realtà.
-
Diġà nkisbu fl-2020
Strateġija Ewropea dwar l-Ugwaljanza bejn il-Ġeneri
Strateġija Industrijali u Strateġija għall-SMEs
Appoġġ Temporanju biex Jittaffew ir-Riskji ta’ Qgħad f’Emerġenza (SURE)
Qafas Finanzjarju Pluriennwali Rivedut għall-perjodu 2021-2027
Faċilità għall-Irkupru u r-Reżiljenza u REACT-EU
Aġenda Ewropea għall-Ħiliet għall-kompetittività sostenibbli, il-ġustizzja soċjali u r-reżiljenza
Rakkomandazzjoni tal-Kunsill għall-Edukazzjoni u t-Taħriġ Vokazzjonali
Appoġġ għall-Impjieg taż-Żgħażagħ, akkumpanjat minn Garanzija għaż-Żgħażagħ Imsaħħa
Żona Ewropea tal-Edukazzjoni
Pjan ta’ Azzjoni għall-Edukazzjoni Diġitali (2021-2027)
Pjan ta’ Azzjoni Kontra r-Razziżmu
Qafas Strateġiku tal-UE għar-Rom dwar l-Ugwaljanza, l-Inklużjoni u l-Parteċipazzjoni, akkumpanjat minn Rakkomandazzjoni tal-Kunsill dwar l-Ugwaljanza, l-Inklużjoni u l-Parteċipazzjoni tar-Rom
Mewġa ta’ Rinnovazzjoni
Patt għall-Ħiliet
Pjan ta’ Azzjoni dwar l-Integrazzjoni u l-Inklużjoni
Strateġija dwar l-Ugwaljanza tal-LGBTIQ
Proposta għal Direttiva dwar Pagi Minimi Adegwati
Strateġija Farmaċewtika -
Diġà nkisbu fi Q1 2021
Green Paper dwar it-Tixjiħ
Pjan tal-Ewropa biex Jingħeleb il-Kanċer
Pjan ta’ Azzjoni tal-Pilastru Ewropew tad-Drittijiet Soċjali
Proposta għal Reviżjoni tat-Tabella ta’ Valutazzjoni Soċjali
Strateġija dwar id-Drittijiet tal-Persuni b’Diżabbiltà
Ġdida Miżuri Vinkolanti ta’ Trasparenza fil-Pagi
Appoġġ Attiv Effettiv għall-Impjiegi
Deċennju Diġitali tal-Ewropa
Strateġija tal-UE dwar id-Drittijiet tat-Tfal, akkumpanjata minn Garanzija Ewropea għat-Tfal
Rapport Konġunt dwar l-Applikazzjoni tad-Direttiva dwar l-Ugwaljanza fl-Impjiegi u d-Direttiva dwar l-Ugwaljanza Razzjali -
Diġà nkisbu fi Q2 2021
Segwitu għal White Paper dwar l-Intelliġenza Artifiċjali
Identifikazzjoni Elettronika Ewropea Affidabbli u Sigura
Aġġornament tal-Istrateġija Industrijali għall-Ewropa l-ġdida
Reviżjoni tad-Direttiva dwar ir-Rappurtar Mhux Finanzjarju
Avviżi ta’ Gwida dwar l-Akkwist Pubbliku tal-Innovazzjoni u dwar l-Akkwist Pubbliku Soċjalment Responsabbli
Strateġija dwar is-Saħħa u s-Sikurezza Okkupazzjonali ġdida
Pjattaforma Ewropea għall-Ġlieda kontra l-Kundizzjoni ta' Persuni Mingħajr Dar -
Diġà nkisbu fi Q4 2021
Inizjattiva dwar Governanza Korporattiva Sostenibbli
Komunikazzjoni dwar Xogħol Deċenti madwar id-Dinja
Pjan ta’ Azzjoni għall-Ekonomija Soċjali
Kontijiet ta’ Tagħlim Individwali u Qafas tal-Mikrokredenzjali
Rakkomandazzjoni tal-Kunsill dwar l-edukazzjoni għas-sostenibbiltà ambjentali
Pakkett dwar il-ħiliet u t-talenti
Estensjoni u adattament tar-Rapport Konġunt dwar l-Impjiegi
Spazju Ewropew tad-Data dwar is-Saħħa
Inizjattiva dwar in-negozjar kollettiv għal dawk li jaħdmu għal rashom
Inizjattiva leġiżlattiva dwar ix-xogħol fuq pjattaforma diġitali
-
2022
Rapport ta’ Implimentazzjoni tad-Direttiva dwar il-Ħin tax-Xogħol
Reviżjoni tal-miri ta’ Barċellona
Inizjattiva dwar il-Perkorsi lejn is-Suċċess fl-Iskejjel
Rieżami tal-Qafas ta’ Kwalità għall-Iskemi ta’ Taħriġ
Inizjattiva dwar il-kura fit-tul
Inizjattiva dwar in-negozjar kollettiv għal dawk li jaħdmu għal rashom
Rapport tal-grupp ta’ esperti ta’ livell għoli l-ġdid dwar l-aċċess għal protezzjoni soċjali adegwata u sostenibbli
Għodod u indikaturi ġodda dwar l-aċċess għall-kura tas-saħħa
Rakkomandazzjoni tal-Kunsill dwar l-introjtu minimu
Inizjattiva dwar id-djalogu soċjali
Gwida dwar il-valutazzjonijiet tal-impatt distribzzjonali ex ante
L-ewwel rapport tal-UE dwar l-aċċess għal servizzi essenzjali
-
2025Rieżami mill-ġdid tal-Pjan ta' Azzjoni dwar il-Pilastru Ewropew tad-Drittijiet Soċjali