Cosán nascleanúna

Straitéis Fostaíochta na hEorpa

Cócaire i mbun cócaireachta

Tugadh Straitéis Fostaíochta na hEorpa isteach i 1992 in éindí leis an gConradh ar an Aontas Eorpach. Tá beartas fostaíochta an Aontais Eorpaigh ag brath go mór ar an straitéis sin ó shin i leith. Is é is cuspóir don straitéis breis fostaíochta agus poist níos fearr a chruthú ar fud an Aontais.

Is cuid den straitéis Eoraip 2020 i leith fáis í an straitéis fostaíochta. Cuirtear chun feidhme í mar chuid den seimeastar Eorpach, próiseas bliantúil ina spreagtar dlúthchomhordú beartais idir na Ballstáit agus institiúidí an Aontais.

Maidir le cur chun feidhme na straitéise – próiseas a fhaigheann tacaíocht ó obair an Choiste Fostaíochta – baintear úsáid shonrach as na ceithre chéim seo a leanas den seimeastar Eorpach:

  1. Treoirlínte Fostaíochta : seo tosaíochtaí agus spriocanna coiteanna le haghaidh na mbeartas fostaíochta. Is é an Coimisiún a mholann iad, bíonn ar na rialtais náisiúnta aontú leo agus bíonn ar Chomhairle an Aontais Eorpaigh iad a ghlacadh.
  2. An Tuarascáil Chomhpháirteach ar Fhostaíocht (JER) : tá trí ghné sa Tuarascáil seo (a) measúnú ar staid na fostaíochta san Eoraip (b) cur chun feidhme na dTreoirlínte Fostaíochta agus (c) measúnú ar Scórchlár na bPríomhtháscairí Fostaíochta agus Sóisialta. Is é an Coimisiún a fhoilsíonn í, agus an Chomhairle a ghlacann í.
  3. Cláir Náisiúnta um Athchóiriú : cuireann na rialtais náisiúnta faoi bhráid an Choimisiúin iad le go bhféadfaidh sé measúnú a dhéanamh orthu i dtaobh chomhlíonadh na straitéise Eoraip 2020. (bunachar sonraí – cláir náisiúnta um athchóiriú roimh 2011)
  4. I bhfianaise an mheasúnaithe a dhéantar ar na cláir náisiúnta um athchóiriú, foilsíonn an Coimisiún Tuarascálacha ar na tíortha ina ndéantar anailís ar bheartais eacnamaíocha na mBallstát agus eisíonn sé Moltaí a bhaineann go sonrach le tíortha faoi leith.

 

      Scaip

    • Twit it Twit it Roinn ar Facebook Roinn ar Facebook Scaip ar Google+