Additional tools

•  
•  

Tiftix Avvanzat

L-Istrateġija Ewropea għall-Impjiegi

L-istrateġija Ewropea dwar l-impjiegi tara li toħloq iktar impjiegi ta' kwalità aħjar fl-UE. Tispira ruħha mill-istrateġija Ewropa 2020 għat-tkabbir ekonomiku.

Pakkett għall-Impjiegi

Bi tweġiba għar-rata għolja ta' qgħad fl-Ewropa, f'April 2012 il-Kummissjoni Ewropea nediet sett ta' miżuri biex tistimola l-impjiegi, l-hekk imsejjaħ "Pakkett għall-Impjiegi" Dan għandu l-għan li:

• Jappoġġa l-ħolqien tal-impjiegi
  • inaqqas it-taxxi fuq ix-xogħol
  • juża s-sussidji tar-reklutaġġ b'mod effettiv
  • jisfrutta l-potenzja tas-setturi ewlenin, bħall-ekonomija favur l-ambjent, l-ICT, jew is-saħħa u s-settur tal-kura.
• Jirristawra d-dinamika tas-swieq tax-xogħol
  • jgħin lill-ħaddiema jirnexxilhom ibiddlu l-impjiegi jew jerġgħu jsibu impjieg
  • jimmobilizza lill-atturi kollha jimplimentaw ir-riformi meħtieġa
  • jinvestiga l-ħiliet abbażi ta' tbassir u monitoraġġ aħjar tal-bżonnijiet
  • jippromwovi l-moviment liberu tal-ħaddiema.
• Isaħħaħ il-governanza tal-politiki dwar l-impjieg
  • isaħħaħ il-monitoraġġ tagħhom mal-pajjiżi tal-UE biex it-tħassib dwar l-impjiegi u t-tħassib soċjali ma jibqgħux wara t-tħassib ekonomiku.

Il-pakkett għall-impjiegi jibni fuq l-Aġenda għal kapaċitajiet u impjiegi ġodda ta' Ewropa 2020 u hu appoġġat mill-Osservatorju Ewropew għall-Impjiegi u l-Programm ta' Tagħlim Reċiproku.

Aktar informazzjoni dwar il-pakkett għall-impjiegi tal-UE

Koordinazzjoni tal-Politika

L-istrateġija Ewropea dwar l-impjiegi tipprovdi qafas (il-"metodu miftuħ ta' koordinazzjoni") biex il-pajjiżi tal-UE jiskambjaw l-informazzjoni, jiddiskutu u jikkoordinaw il-politiki tal-impjieg tagħhom.

Hi bbażata fuq l-istħarriġ annwali dwar it-tkabbir, li jistabbilixxi l-prijoritajiet tal-UE għas-sena sussegwenti biex jiġu stimulati t-tkabbir ekonomiku u l-ħolqien tal-impjiegi u jiftaħ is-semestru Ewropew ta' kull sena, li jippromwovi koordinazzjoni eqreb bejn il-gvernijiet nazzjonali tal-politiki ekonomiċi u fiskali tagħhom.

Kull sena, dan il-proċess (appoġġat bil-ħidma tal-kumitat tal-impjiegi) jinvolvi dawn il-passi:

• Linjigwida dwar l-impjiegi – prijoritajiet u miri komuni għall-politiki tal-impjiegi. Il-Kummissjoni tipproponihom, il-gvernijiet nazzjonali jaqblu dwarhom, il-Kunsill tal-UE jadottahom.
• Rapport konġunt dwar l-impjiegi - ibbażat fuq (a) evalwazzjoni tal-qagħda tal-impjieg fl-Ewropa (b) implimentazzjoni tal-Linjigwida dwar l-Impjieg (c) eżami tal-Programmi abbozz ta' Riforma Nazzjonali mill-Kumitat tal-Impjiegi. Parti mill-istħarriġ annwali dwar it-tkabbir. Ippubblikat mill-Kummissjoni, adottat mill-Kunsill tal-UE.
• Programmi Nazzjonali ta' Riforma (PNR) – sottomessi mill-gvernijiet nazzjonali, analizzati mill-Kummissjoni għall-konformità ma' Ewropa 2020. (bażi tad-dejta – PNR qabel l-2011)
• Rakkomandazzjonijiet għal pajjiżi speċifiċi – maħruġa mill-Kummissjoni, ibbażati fuq l-evalwazzjoni tal-PNR.