Tá an taispeántas nua ‘Art in Democracy’ (‘Ealaín an Daonlathais’) le fáil ar líne i 24 theanga, agus scrúdaíonn sé an daonlathas trí shúile ealaíontóirí éagsúla de chuid na hEorpa. Scrúdaíonn sé an gaol idir an ealaín agus an daonlathas trí rogha saothar ealaíne i bhfoirmeacha agus stíleanna éagsúla ó Bhailiúchán Ealaíne Comhaimseartha Pharlaimint na hEorpa. Tugann na saothair éagsúla léiriú pearsanta ar roinnt gnéithe den daonlathas, cuir i gcás an éagsúlacht, an chuimsitheacht agus an tsaoirse chun tuairimí a nochtadh.
Cuirtear sraith uirlisí oideachasúla ar fáil do mhúinteoirí mar chuid den taispeántas chun cuidiú leat beocht a thabhairt do na saothair agus an teachtaireacht taobh thiar díobh a chur i láthair a ndaltaí.
An bhfuil sé i gceist agat taisteal chun na Bruiséile sna seachtainí atá le teacht? Beidh an taispeántas oscailte don phobal sa Parlamentarium go dtí an 7 Eanáir. Ina dhiaidh sin, beidh sé go fóill le fáil ar líne mar chuid de chuairt iomlán ar an bParlaimint go dtí mí an Mheithimh.