DIBATTITU ONLAJN DWAR YOUTH ON THE MOVE – FIS-17 TA' SETTEMBRU – TITILFUHX!
![](/commission_2010-2014/vassiliou/multimedia/photos/images/photos/logo_yom.jpg)
"Youth On the Move" – waħda mill-inizjattivi prinċipali fl-istrateġija għall-iżvilupp Ewropa 2020, tnediet fil-15 ta' Settembru 2010.
Il-pakkett jipproponi miżuri li l-għan tagħhom hu:
- li jittejbu l-prospettivi tal-impjiegi taż-żgħażagħ
- li l-edukazzjoni u t-taħriġ isiru aktar rilevanti għal ħtiġijiethom
- li jiżdied l-għarfien dwar l-għotjiet tal-UE għall-mobbiltà biex wieħed jistudja, jitħarreġ jew jagħti servizz voluntarju f'pajjiż ieħor - studji indipendenti juru li din l-esperjenza tingħata importanza qawwija minn dawk li jħaddmu.
Aktar informazzjoni dwar "Youth On the Move" tinsab disponibbli f'dawn id-dokumenti:
- Stqarrija għall-Istampa: Youth on the Move - tisħiħ tal-appoġġ għaż-żgħażagħ Ewropej
-
Taqsira għall-Pubbliku
-
Komunikazzjoni dwar Youth on the Move
- Mistoqsijiet frekwenti
Il-Kummissarju Vassiliou se tieħu sehem fid-dibattitu dwar "Youth on the Move" fis-17 ta' Settembru, mit-3 p.m sal-4 p.m (ħin ta' Brussell). Dan se jkun adattat għal web biex kull min għandu kompjuter ikun jista' jipparteċipa.
Din hi opportunità għalik li tistaqsi lill-Kummissarju kull ma tixtieq dwar il-politika tal-UE dwar l-edukazzjoni, it-taħriġ u l-mobbiltà. Tista' tistaqsi l-mistoqsija tiegħek f'kull lingwa uffiċjali tal-Unjoni Ewropea.
Għidilha dak li jogħgbok – u dak li ma jogħġbokx. Forsi diġà ħadt sehem fil-programmi Erasmus, Leonardo da Vinci, Comenius jew fl-iskambju Żgħażagħ f'Azzjoni. Tissuġġerixxih lil ħaddieħor? L-UE għandha tirsisti aktar biex tippromwovi l-mobbiltà?
Jekk tixtieq tattendi għall-avveniment b'mod dirett fi Brussell, jekk jogħġbok ibgħat email lil EAC-YOM@ec.europa.eu.
Jekk ma tistax tattendi iżda għandek kompjuter, tista':
- issegwi onlajn id-dibattitu Youth On the Move u tistaqsi mistoqsijiet lill-Kummissarju f'ħin reali - id-dibattitu se jixxandar b'xadira diretta minn hawn: http://webcast.ec.europa.eu/eutv/portal/index.html
- tippreżenta mistoqsijiet bil-quddiem lil EAC-YOM@ec.europa.eu (Din il-kaxxa postali tingħalaq fil-5 p.m. fis-16 ta' Settembru).
Għal aktar punti ta' għajnuna dwar kif tuża din l-applikazzjoni adattata għal web, jekk jogħġbok ikkonsulata t-tutorial, disponibbli bl-Olandiż, l-Ingliż, il-Franċiż, il-Ġermaniż, il-Grieg, it-Taljan, il-Pollakk, il-Portugiż, u l-Ispanjol.