Dan id-dokument jipprovdi l-kriterji tal-GPP Ekoloġiku tal-UE rrakkomandati għall-akkwist tal-proġetti ta’ infrastruttura għall-ilma mormi. Ir-Rapport Tekniku ta’ Sfond li jakkumpanja dan id-dokument jipprovdi dettalji sħaħ dwar ir-raġunijiet għall-għażla ta’ dawn il-kriterji u r-referenzi għal aktar informazzjoni. L-użu tal-kriterji tal-GPP għandu jitqies bħala opportunità għall-awtoritajiet li jimmaniġġjaw l-ilma mormi sabiex jibnu u jħaddmu infrastrutturi għall-ilma li jintrema b’tali mod li ma jagħmlux ħsara lill-ambjent.