Il-Kummissjoni Ewropea > Tassazzjoni u Unjoni Doganali > Databases > SAMANCTA

Navigazzjoni


SAMANCTA >

Lingwi oħra >  
SAM-105

Il-laħam, iffriżat
Kampjunar

Il-laħam, iffriżat
Id-Definizzjoni

(lista ta’ kodiċijiet SA koperti minn din il-karta)		 Laħam iffriżat f’karkassi, nofs karkassi, kwarti jew biċċiet u ġewwieni tal-laħam li jittiekel, anki meta maqtugħin, imqattgħin jew mitħunin, tal-annimali kollha (minbarra ħut, krustaċji, molluski u invertebrati akkwatiċi oħrajn).

Għal-laħam mhux iffriżat, ara l-iskeda speċifika għal ”Il-laħam, mhux iffriżat”.

Għall-prodotti f’pakketti individwali ara l-iskeda speċifika għall-“Pakketti għall-bejgħ bl-imnut u oġġetti lesti”.


Il-laħam, iffriżat
Il-kwantità minima rrakkomandata għal kull kampjun finali Għall-analiżi kimika: 1 kg.

Għall-analiżi morfoloġika: biċċa waħda (prodotti tan-numri tal-HS 020110, 020120, 020311, 020410, 020421).

Numri oħrajn tal-HS: mill-inqas żewġ biċċiet jew kaxxa waħda (li jkun fiha mill-inqas sitt biċċiet).

Prodotti li jaqgħu taħt ir-Regolament tal-Kummissjoni (KE) Nru 765/2002 (Numru tal-HS 020230): żewġ kaxex.
Standards applikabbli (ISO u Normi tal-UE) u leġiżlazzjoni rilevanti Għal-laħam tan-numru tal-HS 020130:
  • Ir-Regolament tal-Kummissjoni (KE) Nru 765/2002 dwar il-ġbir tal-kampjuni u l-adozzjoni ta’ ċerti regoli ddettaljati marbuta mal-kontrolli fiżiċi fuq qatgħat taċ-ċanga bla għadam li jikkwalifikaw għar-rifużjonijiet għall-esportazzjoni: laħam tal-HS 020130.
Għandek tirreferi wkoll għal-leġiżlazzjoni nazzjonali u l-linji gwida nazzjonali tiegħek rigward il-kampjunar.


It-tagħmir meħtieġ
L-għodda ssuġġerita għat-teħid tal-kampjuni skont il-metodu użat

 Huma meħtieġa biss għodod ġenerali.
Il-kontenituri li għandhom jintużaw għat-teħid tal-kampjuni
  • Boroż tal-plastik, disinni u daqsijiet differenti (P00)
  • Plastik li jitkebbeb l-ikel fih.
Il-kontenituri jridu jkunu magħmulin minn materjal tajjeb għall-ikel.
Il-prekawzjonijiet ta’ sigurtà u l-valutazzjoni tar-riskju
  • Għandek tkun taf kull struzzjoni dwar is-saħħa u s-sikurezza fil-valutazzjoni tar-riskju lokali u/jew il-prattiki tax-xogħol mingħajr periklu b'rabta mal-post fejn se jsir il-kampjunar, u ssegwihom.
  • Ara Is-Saħħa u s-Sikurezza għall-”Kampjunar ta’ Prodotti tal-Ikel” għal parir fid-dettall dwar l-iġjene u r-riskji tal-prodotti mkessħin.
  • Trid tinżamm l-iġjene tal-prodotti tal-ikel.
  • Ara li tkun żgur li għandek PPE nadif u xieraq għaċ-ċirkostanzi.

Il-pjan għat-teħid tal-kampjuni
It-tip ta’ kunsinna Proċedura
Kunsinni għall-approvazzjoni mid-dwana Il-kampjun aggregat jikkonsisti minn għadd xieraq ta’ kampjuni inkrimentali. Meta tkun sodisfatt li l-kunsinna hija omoġenja, kampjun inkrimentali wieħed normalment jitqies li jirrappreżenta l-oġġetti koperti bl-istess dikjarazzjoni doganali.

Kumment ġenerali Jekk ikun possibbli ħu pakketti sħaħ bħala kampjuni. Meta tkun qed tieħu kampjuni minn prodotti tal-massa evita biċċiet żgħar (biċċiet imqatta’ bi trapan jew laqx) bħala kampjuni. Aqta’ biċċa li hi kbira biżżejjed u ħu l-miżuri biex ma jkunx hemm kondensazzjoni tal-umdità fuq is-superfiċe tal-kampjun. Tippruvax tifforma kampjuni aggregati. Ara l-Proċeduri tal-Kampjunar tal- Prodotti ffriżati fil-Parti Ġenerali.

Karkassi u biċċiet tal-HS 020110, 020120, 020311, 020410, 020421

 Kampjun wieħed jitqies li jirrappreżenta l-oġġetti kollha koperti mill-istess dikjarazzjoni doganali.

Laħam tal-ifrat (kodiċi tal-HS 020130) iċċekkjat għall-finijiet ta’ rifużjonijiet għall-esportazzjoni

 Żewġ kaxxi differenti miġbura minn żewġ partijiet differenti tal-kunsinna li jippreżentaw l-akbar riskju.

Prodotti oħrajn tal-HS 02: kaxxa/pakkett li fih biċċiet li kull waħda tiżen sa 4 kg

 Kaxxa/pakkett wieħed sħiħ li jkun fih mill-inqas sitt biċċiet.

Prodotti oħrajn tal-HS 02: kaxxa/pakkett li fih biċċiet li kull waħda tiżen aktar minn 4 kg

 Żewġ biċċiet sħaħ.

Prodotti, imħawrin, miksijin, mgħaddsin jew immarinati Meta l-prodotti tal-laħam ikunu miksijin, mgħaddsin jew immarinati għandha tingħata attenzjoni li l-proċedura tal-kampjunar ma tneħħix jew ma taffettwax il-kisja. Jekk ikun meħtieġ, għandha tittieħed kaxxa sħiħa, irrispettivament mid-daqs, sabiex jiġi żgurat li l-kampjun ikun rappreżentattiv.


Immaniġġjar tal-kampjuni
Kummenti ġenerali
  • Kull kampjun għandu jittieħed minn dik il-parti tal-kunsinna li tippreżenta l-akbar riskju.
  • M’għandekx taqta’ l-laħam jew il-ġewwieni tal-laħam sakemm ma jkunx meħtieġ. Dejjem ipprova ħu biċċiet/pakketti/kaxxi sħaħ intatti.
  • Jekk il-pakkett oriġinali ma jkunx biżżejjed sabiex jiggarantixxi ħażna u trasport intatti, uża borża tal-plastik jew plastik li tkebbeb l-ikel fih biex tippakkja l-kampjun.
  • Żomm il-kampjun iffriżat. It-temperatura tal-katina ta’ tkessiħ għandha tiġi rreġistrata.
Il-formola għat-teħid tal-kampjuni
  • Imla l-formola għat-teħid tal-kampjuni. Kopja għandha tkun mehmuża mal-kampjuni u kopja oħra għandha tinżamm fir-reġistri.
It-trasport
  • Żomm il-kampjun iffriżat f’temperatura ta’ -18 °C jew anqas. It-temperatura tal-katina ta’ tkessiħ għandha tiġi rreġistrata.
  • Ipproteġi l-kampjuni minn sorsi ta’ kontaminazzjoni (irwejjaħ, likwidi, eċċ.) jew minn kwalunkwe ħaġa li tista’ tagħmel xi ħsara lill-pakkett.
Il-ħażna
  • Żomm il-kampjun iffriżat f’temperatura ta’ -18 °C jew anqas. It-temperatura tal-ħażna għandha tkun immonitorjata b’mod regolari u rreġistrata.
  • Ipproteġi l-kampjuni minn sorsi ta’ kontaminazzjoni (irwejjaħ, likwidi, eċċ.) u mill-kuntatt ma’ sustanzi oħrajn.

Il-laħam, iffriżat (espandi l-lista)
In-Numru tal-HS Id-Deskrizzjoni


Ir-Reviżjonijiet
Il-Verżjoni Id-Data Il-Bidliet
1.0 12.10.2012 L-ewwel verżjoni
1.1 15.07.2021 New format and small modifications