Kull sena, l-UE tinvesti miljuni ta' Euro fil-ħolqien tal-impjiegi u t-tkabbir ekonomiku biex tgħin tnaqqas id-differenzi soċjali u ekonomiċi bejn ir-reġjuni tagħha. Dan il-filmat qasir jurik aktar dwar kif dawn l-investimenti tal-UE jistgħu jtejbu ħajjet iċ-ċittadini billi jistimolaw it-tkabbir ekonomiku fir-reġjun tagħhom.
Tul dawn l-aħħar ħames snin, il-Politika ta' Koeżjoni tal-UE ħolqot aktar minn 600 000 impjieg. Kull sena investiet fit-taħriġ professjonali ta' 15-il miljun ruħ sabiex ittejjeb l-impjegabbiltà tagħhom; ikkofinanzjat il-bini ta' 25 000 km ta' toroq u 1 800 km ta' linji ferrovjarji; żgurat ukoll il-provvista ta' ilma tax-xorb nadif għal tliet miljun ruħ oħra; investiet f'200 000 kumpanija ta’ daqs żgħir u medju u f'61 000 proġett ta' riċerka. Dawn iċ-ċifri għadhom qed jiżdiedu, billi l-proġetti li nbdew matul dawn l-aħħar ħames snin għadhom qed jagħtu r-riżultati.
Dan kollu huwa possibbli bis-saħħa tal-Fond Ewropew għall-Iżvilupp Reġjonali, il-Fond ta' Koeżjoni u l-Fond Soċjali Ewropew, li flimkien jirrappreżentaw aktar minn terz tal-baġit tal-UE.
Data: 16 jul 2014
Tema: Transport, Business support, Education and training, Employment and social inclusion, Environment, Rural development, Structural Funds management and Governance, Information society, Research and innnovation
Lingwi: bg | cs | da | de | el | en | es | et | fi | fr | hr | hu | it | lt | lv | mt | nl | pl | pt | ro | sk | sl | sv
Sottotitli: bg | cs | da | de | el | en | es | et | fi | fr | hr | hu | it | lt | lv | mt | nl | pl | pt | ro | sk | sl | sv
Tul ta' żmien: 03:34