Il-valutazzjoni tar-riskji għas-saħħa umana u għall-ambjent saret rekwiżit legali għal firxa wiesgħa li dejjem qed tiżdied ta' kimiki, prodotti u proċessi.
Għalkemm il-metodoloġija użata hi stabbilita tajjeb, din hi taħt sfida li dejjem qed tiżdied minħabba:
• il-pressjonijiet biex ma jibqgħux jintużaw annimali sperimentali għall-ittestjar tat-tossiċità
• il-ħtieġa li jintużaw testijiet aktar ta' malajr u irħas, b'ammont akbar ta' xogħol li jrid isir
• l-iżvilupp ta' sistemi ġodda u ta' metodoloġiji u ta' ħolqien sussegwenti ta' dejta ġdida li se jkollha titqies
• id-domandi li l-valutazzjonijiet tar-riskju jkunu kompletament trasparenti u indipendenti
• l-għarfien li l-interazzjoni mal-partijiet interessati għandu jingħatalha aktar enfasi
• in-nuqqas ta' valutaturi ta' riskji "indipendenti".
Biex jilqgħu dawn l-isfidi, il-Kumitati Xjentifiċi tal-UE reċentement bdew jeżaminaw kif jista' jsir titjib xjentifiku validu:
• l-applikazzjonijiet ta' żviluppi teknoloġiċi ġodda
• l-utilità tal-valutazzjoni tar-riskju għall-finijiet tal-ġestjoni tar-riskju, tinkludi l-format għat-tqabbil tar-riskji u tal-benefiċċji
• it-trasparenza tal-proċeduri ta' xogħolhom.
Prerekwiżiti għal aktar titjib jinkludu aċċess immedjat mill-valutaturi tar-riskju għad-dejta rilevanti kollha, l-evitar ta' xogħol ripetut u mhux meħtieġ ta' sforz u użu tal-aħjar kompetenzi disponibbli. Għal dan l-għan, hi kruċjali kooperazzjoni intersettorjali u internazzjonali effettiva.
It-2 Konferenza Internazzjonali dwar il-Valutazzjoni tar-Riskju tirrappreżenta ġrajja importanti fl-identifikazzjoni tal-prijoritajiet għat-tisħiħ tal-proċeduri tal-valutazzjoni tar-riskju u biex tittieħed deċiżjoni dwar l-azzjonijiet meħtieġa biex jiġi żgurat li dawn jitwettqu. Din għandha sservi wkoll bħala pjattaforma għall-identifikazzjoni u l-eżaminazzjoni ta' kwistjonijiet transversali fil-proċess tal-analiżi tar-riskju biex titjib l-utilità tagħha għat-tfassil tal-politika.
