Kampjunar: Tessuti, ġilda u ġlud tal-pelliċċerija

Tessuti, ġilda u ġlud tal-pelliċċerija (ċekken il-lista)
*Intestatura tas-SA^)**	Deskrizzjoni
4007	Ħajt u korda tal-lastiku vulkanizzat
4101	Ġlud grezzi tal-annimali bovini (inkluż tal-buflu) jew ekwini (friski, jew immellħin, imnixxfin, ittrattati bil-ġir, piklati jew ippreservati b’mod ieħor, iżda mhux ikkonzati, ipparċminati jew ippreparati mod ieħor), kemm jekk imxerrħa jew bix-xagħar imneħħi kemm jekk le
4102	Ġlud grezzi tan-nagħaġ jew tal-ħrief (friski, jew immellħin, imnixxfin, ittrattati bil-ġir, piklati jew ippreservati b’mod ieħor, iżda mhux ikkonzati, ipparċminati jew ippreparati mod ieħor), kemm dawk imġiżża, jew imxerrħa, kif ukoll dawk li mhumiex, għajr dawk esklużi bin-nota 1(c) ta’ dan il-kapitolu
4103	Ġlud grezzi oħrajn (friski, jew immellħin, imnixxfin, ittrattati bil-ġir, immarinati jew ippreservati b’mod ieħor, iżda mhux ikkonzati, ipparċminati jew ippreparati mod ieħor), kemm jekk imxerrħa jew bix-xagħar imneħħi kemm jekk le, għajr dawk esklużi bin-nota 1(b) jew 1(c) ta’ dan il-kapitolu
4104	Ġlud ikkonzati jew “in crust” tal-annimali bovini (inkluż tal-buflu) jew ekwini, imġiżża, kemm dawk imxerrħa kif ukoll dawk li mhumiex, iżda mhux ippreparati mod ieħor
4105	Ġlud ikkonzati jew “in crust” tan-nagħaġ jew tal-ħrief, imġiżża, kemm imxerrħa kif ukoll le, iżda mhux ippreparati mod ieħor
4106	Ġlud ikkonzati jew in crust ta’ annimali oħrajn, imġiżża, kemm dawk imxerrħa kif ukoll dawk li mhumiex, iżda mhux ippreparati mod ieħor
4107	Ġilda li ngħatat aktar trattament wara l-ikkonzar u l-crusting, din tinkludi l-ġilda pparċminata, tal-annimali bovini (fosthom il-buflu) jew tal-ekwini, imġiżża, kemm dawk imxerrħa kif ukoll dawk li mhumiex, għajr il-ġilda tal-intestatura 4114
4112	Ġilda li ngħatat aktar trattament wara l-ikkonzar u l-crusting, din tinkludi l-ġilda pparċminata, tan-nagħaġ jew tal-ħrief, imġiżża, kemm jekk tkun imxerrħa kif ukoll jekk le, għajr il-ġilda tal-intestatura 4114
4113	Ġilda li ngħatat aktar trattament wara l-ikkonzar u l-crusting, din tinkludi l-ġilda pparċminata, ta’ annimali oħrajn, imġiżża, kemm jekk tkun imxerrħa kif ukoll jekk le, għajr il-ġilda tal-intestatura 4114
4114	Ġilda tal-Kamoxxa (anki l-kamoxx ikkombinat); ġilda tal-alakka u ġilda tal-alakka laminata; ġilda metallizzata
4115	Ġilda rikostitwita b’bażi tal-ġilda jew tal-fibra tal-ġilda, fil-forma, ta’ blokok, ta’ folji jew ta’ strixex, irrumblati jew le; qtugħ jew skart ieħor tal-ġilda jew tal-ġilda rikostitwita, mhux tajbin għall-manifattura ta’ oġġetti tal-ġilda; trab, terra u dqiq tal-ġilda
4203	Oġġetti ta’ lbies u aċċessorji tal-ħwejjeġ, tal-ġilda jew tal-ġilda rikostitwita
4205	Oġġetti oħrajn tal-ġilda jew tal-ġilda rikostitwita
4206	Oġġetti magħmulin mill-imsaren (għajr il-musrana tad-dudu tal-ħarir), ġilda tal-battiloro, mill-bżieżaq tal-awrina jew mill-għeruq
4301	Ġlud tal-pelliċċerija grezzi (bl-irjus, bid-dnub, bis-saqajn u partijiet jew qatgħat oħrajn, tajbin biex jintużaw mill-pelliċċier), għajr il-ġlud grezzi u l-ġlud tal-intestaturi 4101, 4102 jew 4103
4302	Ġlud tal-pelliċċerija kkunzati jew imnaddfin (inklużi l-irjus, id-dnub, is-saqajn u partijiet jew qatgħat oħrajn), mhux assemblati, jew assemblati (mingħajr iż-żieda ta’ materjali oħrajn) għajr dawk tal-intestatura 4303
4303	Oġġetti ta’ ħwejjeġ, aċċessorji tal-ilbies u oġġetti oħrajn magħmulin mill-ġlud tal-pelliċċerija
4304	Fer artifiċjali u oġġetti magħmula minnu
5001	Fosdqiet tad-dudu tal-ħarir tajbin għat-tkebbib
5002	Ħarir grezz (mhux miftul)
5004	Raden tal-ħarir (għajr ir-raden magħżul mill-iskart tal-ħarir) mhux offrut għal bejgħ bl-imnut
5005	Raden magħżul mill-iskart tal-ħarir, mhux offrut għal bejgħ bl-imnut
5006	Raden tal-ħarir u raden magħżul mill-iskart tal-ħarir, offrut għall-bejgħ bl-imnut; l-imsaren tad-dud tal-ħarir
5007	Drappijiet minsuġin mill-ħarir jew mill-iskart tal-ħarir
5101	Suf, mhux imqardax jew mimxut
5102	Xagħar fin jew aħrax tal-annimali, mhux imqardax jew mimxut
5104	Materjal imrixtel tas-suf jew tax-xagħar fin jew aħrax tal-annimali
5105	Suf u xagħar fin jew aħrax tal-annimali; imqardax jew mimxut (inkluż is-suf mimxut fil-forma ta’ frammenti)
5106	Raden tas-suf imqardax, mhux offrut għall-bejgħ bl-imnut
5107	Raden tas-suf mimxut, mhux offrut għal bejgħ bl-imnut
5108	Raden tax-xagħar fin (imqardax jew mimxut) tal-annimali, mhux offrut għall-bejgħ bl-imnut
5110	Raden tax-xagħar aħrax tal-annimali jew tal-krin (inkluż ir-raden tal-krin midfur), kemm dak offrut għall-bejgħ bl-imnut kif ukoll dak li mhuwiex
5111	Drappijiet minsuġin tas-suf imqardax jew tax-xagħar fin imqardax tal-annimali
5112	Drappijiet minsuġin mis-suf mimxut jew mix-xagħar fin mimxut tal-annimali
5113	Drappijiet minsuġin mix-xagħar aħrax tal-annimali jew mill-krin
5201	Qoton, mhux imqardax jew mimxut
5203	Qoton, imqardax jew mimxut
5204	Ħajt tal-qoton għall-ħjata, kemm jekk ikun offrut għall-bejgħ bl-imnut kif ukoll jekk ma jkunx
5205	Raden tal-qoton (għajr il-ħajt tal-ħjata), li fih 85 % jew aktar tal-piż tiegħu magħmul mill-qoton, offrut għall-bejgħ bl-imnut
5206	Raden tal-qoton (għajr il-ħajt tal-ħjata), li fih anqas minn 85 % tal-piż tiegħu magħmul mill-qoton, mhux offrut għall-bejgħ bl-imnut
5208	Drappijiet minsuġin tal-qoton, fihom 85 % jew aktar tal-piż tagħhom magħmul mill-qoton, ma jiżnux aktar minn 200 g/m²
5209	Drappijiet minsuġin tal-qoton, li fihom 85 % jew aktar tal-piż tagħhom magħmul mill-qoton, jiżnu aktar minn 200 g/m²
5210	Drappijiet tal-qoton minsuġin, fihom anqas minn 85 % tal-piż tagħhom magħmul mill-qoton, imħalltin prinċipalment, jew biss, bil-fibri magħmulin mill-bniedem, ma jiżnux aktar minn 200 g/m²
5211	Drappijiet minsuġin tal-qoton, fihom anqas minn 85 % tal-piż tagħhom magħmul mill-qoton, imħalltin prinċipalment, jew biss, bil-fibri magħmulin mill-bniedem, jiżnu aktar minn 200 g/m²
5212	Drappijiet tal-qoton oħrajn minsuġin
5301	Kittien, grezz jew ipproċessat iżda mhux magħżul; l-istopop u l-iskart tal-kittien (inkluż l-iskart tar-raden u l-materjal imrixtel)
5302	Qanneb veru (Cannabis sativa L.); grezz jew ipproċessat iżda mhux magħżul; stoppa u skart tal-qanneb (inkluż l-iskart tar-raden u l-materjal imrixtel)
5303	Ġuta u fibri oħrajn tessili tat-tilju (minbarra tal-kittien, tal-qanneb veru, u tar-rami), grezzi jew ipproċessati iżda mhux magħżulin; l-istoppa u l-iskart ta’ dawn il-fibri (inkluż l-iskart tar-raden u l-materjal imrixtel)
5305	Ġewż tal-Indi, abaca (qanneb ta’ Manila jew Musa textilis Nee), rami u fibri tessili veġetali oħrajn, li mhumiex speċifikati jew inklużi band’oħra, grezzi jew ipproċessati iżda mhux magħżulin; stoppa, fdalijiet tal-imxit u skart ta’ dawn il-fibri (inkluż l-iskart tar-raden u l-materjal imrixtel)
5306	Raden tal-kittien
5307	Raden tal-ġuta jew ta’ fibri oħrajn tessili tat-tilju tal-intestatura 5303
5308	Raden ta’ fibri tessili veġetali oħrajn; raden tal-karta
5309	Drappijiet minsuġin tal-kittien
5310	Drappijiet minsuġin tal-ġuta jew ta’ fibri oħrajn tessili tat-tilju tal-intestatura 5303
5311	Drappijiet minsuġin ta’ fibri tessili veġetali oħrajn; drappijiet minsuġin mir-raden tal-karta
5401	Il-ħajt tal-ħjata magħmul mill-filamenti magħmulin mill-bniedem, kemm jekk ikunu offruti għall-bejgħ bl-imnut kif ukoll jekk le
5402	Raden ta’ filament sintetiku (għajr il-ħajt tal-ħjata), mhux offrut għall-bejgħ bl-imnut, inkluż il-monofilament sintetiku ta’ anqas minn 67 deċiteks
5403	Raden ta’ filamenti artifiċjali (għajr il-ħajt tal-ħjata), mhux offrut għall-bejgħ bl-imnut, inkluż il-monofilament artifiċjali ta’ anqas minn 67 deċiteks
5404	Monofilament sintetiku ta’ 67 deċiteks jew aktar li l-ebda dimensjoni trasversali tiegħu ma taqbeż il-1 mm; strixxi u oġġetti simili (pereżempju, tiben artifiċjali), ta’ materjali tessili sintetiċi, b’wisgħa apparenti li ma taqbiżx il-5 mm
5405	Monofilament artifiċjali ta’ 67 deċiteks jew aktar li l-ebda dimensjoni trasversali tiegħu ma taqbeż il-1 mm; strixxi u oġġetti simili (pereżempju, tiben artifiċjali), ta’ materjali tessili artifiċjali, b’wisgħa apparenti li ma taqbiżx il-5 mm
5407	Drappijiet minsuġin minn raden ta’ filament sintetiku, inklużi d-drappijiet minsuġin magħmulin minn materjali tal-intestatura 5404
5408	Drappijiet minsuġin mir-raden ta’ filament artifiċjali, inklużi drappijiet minsuġin magħmulin minn materjali tal-intestatura 5405
5501	Stoppa tal-filamenti sintetiċi
5502	Stoppa tal-filamenti artifiċjali
5503	Fibri staple sintetiċi, mhux imqardxin, mimxutin, jew ipproċessati mod ieħor għall-għażil
5504	Fibri staple artifiċjali, mhux imqardxin, mimxutin, jew ipproċessati mod ieħor għall-għażil
5506	Fibri staple sintetiċi, imqardxin mimxutin, jew ipproċessati mod ieħor għall-għażil
5507	Fibri staple artifiċjali, imqardxin mimxutin, jew ipproċessati mod ieħor għall-għażil
5508	Ħajt tal-ħjata magħmul minn fibri staple magħmulin mill-bniedem, kemm jekk ikun offrut għall-bejgħ bl-imnut kif ukoll jekk le
5509	Raden (għajr il-ħajt tal-ħjata) magħmul minn fibri staple sintetiċi, mhux offrut għall-bejgħ bl-imnut
5510	Raden (għajr il-ħajt tal-ħjata) magħmul minn fibri staple artifiċjali, mhux offrut għall-bejgħ bl-imnut
5512	Drappijiet minsuġin minn fibri staple sintetiċi, li fihom 85 % jew aktar tal-piż tagħhom magħmul minn fibri staple sintetiċi
5513	Drappijiet minsuġin minn fibri staple sintetiċi, li fihom anqas minn 85 % tal-piż tagħhom magħmul minn dawn il-fibri, imħalltin prinċipalment, jew biss, bil-qoton, mhux itqal minn 170 g/m²
5514	Drappijiet minsuġin minn fibri staple sintetiċi, li fihom anqas minn 85 % tal-piż tagħhom magħmul minn dawn il-fibri, imħalltin prinċipalment, jew biss, bil-qoton, itqal minn 170 g/m²
5515	Drappijiet oħrajn minsuġin minn fibri staple sintetiċi
5516	Drappijiet oħrajn minsuġin minn fibri staple artifiċjali
5601	Wattiet magħmulin minn materjali tessili u oġġetti magħmula minnhom; fibri tessili, li ma jkunux itwal minn 5 mm (trofof), trab u żlielem tat-tessut
5602	Feltru, kemm dak imprenjat, miksi, mgħotti jew laminat kif ukoll dak li ma jkunx
5603	Drappijiet mhux minsuġin, kemm dawk imprenjati, miksijin, mgħottijin jew laminati u kif ukoll dawk li mhumiex
5604	Ħjut u kurduni tal-lastiku, miksijin bit-tessuti; bir-raden tessili u bl-istrixxi tessili, u oġġetti simili tal-intestatura 5404 jew 5405, imprenjati, miksijin, mgħottijin jew inforrati bil-lastiku jew bil-plastik
5605	Raden immetallizzat, kemm dak midfur kif ukoll dak li mhuwiex, li jkun raden tessili, strixxi jew oġġetti bħalhom tal-intestatura 5404 jew 5405, ikkombinati mal-metall f’għamla ta’ ħjut, strixxi jew trab jew miksijin bil-metall
5606	Raden iggimmjat u strixxi u oġġetti simili tal-intestaturi 5404 jew 5405, midfura (għajr dawk tal-intestatura 5605 u raden tal-krin midfur); raden tax-xinilja (inklużi t-trofof tar-raden tax-xinilja); u raden katinella
5607	Spag, kurduni, ħbula u gumna, immaljati jew le, u imprenjati, miksijin, mgħottijin jew inforrati bil-lastiku jew bil-plastik inkella le
5608	Xbieki bl-għoqod magħmulin minn spag, kurduni jew ħbula; xbieki tas-sajd maħdumin u xbieki oħrajn maħdumin, magħmulin minn materjali tessili
5801	Drappijiet tal-pil u tax-xinilja minsuġin, għajr id-drappijiet tal-intestatura 5802 jew 5806
5802	Drapp tax-xugaman terri u drappijiet minsuġin terri simili, għajr id-drappijiet id-dojoq tal-intestatura 5806; drappijiet tat-tessut bil-bżiebeż, għajr il-prodotti tal-intestatura 5703
5803	Garża, għajr id-drappijiet id-dojoq tal-intestatura 5806
5804	Tullijiet u drappijiet tax-xibka oħrajn, mhumiex inklużi d-drappijiet minsuġin u d-drappijiet innittjati u tal-ganċ; il-bizzilla tal-biċċa, fi strixxi, jew f’biċċiet sħaħ skont id-disinn, għajr id-drappijiet tal-intestaturi 6002 sa 6006
5805	Tapizzeriji minsuġin bl-idejn tat-tip Gobelins, Flanders, Aubusson, Beauvais u oġġetti bħalhom, u tapizzeriji maħdumin bil-labra (per eżempju, petit point, pont xewka), ikkonfezzjonati jew le
5806	Drappijiet b’nisġa dejqa, għajr l-oġġetti tal-intestatura 5807; drappijiet dojoq magħmulin minn medd mingħajr tagħma magħqudin flimkien bil-kolla (bolducs)
5807	Tikketti, badges u oġġetti simili ta’ materjali tessili, bil-biċċa, fil-forma ta’ strixxi mfasslin jew maqtugħin għall-qies, mhux irrakkmati
5808	Orlaturi bil-biċċa; tberfil ornamentali bil-biċċa, mingħajr rakkmu, għajr dawk innittjati jew tal-ganċ; ġmiemen, pompons u oġġetti simili
5809	Drappijiet minsuġin minn ħjut tal-metall u drappijiet minsuġin minn raden metallizzat tal-intestatura 5605, ta’ tipi li jintużaw fl-ilbies, għat-tagħmir tad-dar jew għal finijiet oħrajn simili, mhux speċifikati jew inklużi banda oħra
5810	Rakkmu bil-biċċa, fi strixxi jew skont il-motivi
5811	Prodotti tessili kkuttunati bil-biċċa, magħmulin minn saff wieħed jew aktar ta’ materjali tessili magħqudin mal-ikkuttunar bit-tpannit jew b’mod ieħor, għajr ir-rakkmu tal-intestatura 5810
5901	Drappijiet tessili miksijin bil-lastiku jew b’sustanzi amilaċejużi, ta’ tip li jintuża għall-qxur ta’ barra tal-kotba jew oġġetti simili; drapp għall-ittrejsjar; kanavazz ippreparat għat-tpinġija; buckram u drappijiet tessili simili mwebbsin tat-tip li jintuża għall-oqfsa tal-kpiepel
5902	Tessut tal-kordi tat-tajers magħmul minn raden b’tenaċità qawwija tan-najlon jew ta’ poliammidi oħrajn, ta’ poliesteri jew tar-rayon viskuż
5903	Drappijiet tessili imprenjati, miksijin, mgħottijin jew laminati bil-plastik, għajr dawk tal-intestatura 5902
5906	Drappijiet tessili ttrattati bil-lastiku, għajr dawk tal-intestatura 5902
5907	Drappijiet tessili imprenjati, miksijin jew mgħottijin mod ieħor; kanavazz miżbugħ għax-xeni tal-isfond teatrali, fundali tal-istudji jew oġġetti simili
5908	Ftejjel tessili, minsuġin, immaljati jew innittjati, għal-lampi, għall-istufi, għal-lighters, għax-xemgħat jew oġġetti simili; mantijiet tal-gass inkandexxenti u drapp tal-mantijiet innittjat f’forma ta’ tubu, imprenjati jew le
5909	Manek tessili u tubi simili tat-tessut, kemm jekk ikunu inforrati, ikkorazzati jew b’aċċessorji ta’ materjali oħrajn kif ukoll jekk le
5910	Belts tat-trażmissjoni jew conveyor belts jew belting, ta’ materjal tessili, kemm jekk imprenjat, miksi, mgħotti jew laminat bil-plastik kif ukoll jekk le, inkella rinfurzat bil-metall jew b’materjal ieħor
5911	Prodotti u oġġetti tessili, għall-użi tekniċi, speċifikati fin-nota 7 ta’ dan il-kapitolu
6001	Drappijiet tal-pil, inklużi d-drappijiet “tal-pil twil” u drappijiet terri, innittjati jew tal-ganċ
6002	Drappijiet innittjati jew tal-ganċ ta’ wisa’ li ma taqbiżx it-30 cm, li fihom 5 % jew aktar tal-piż tagħhom magħmul minn raden elastomeriku jew ħjut tal-lastiku, għajr dawk tal-intestatura 6001
6003	Drappijiet innittjati jew tal-ganċ ta’ wisa’ li ma taqbiżx it-30 cm, għajr dawk tal-intestaturi 6001 jew 6002
6004	Drappijiet innittjati jew tal-ganċ ta’ wisa’ li taqbeż it-30 cm, li 5 % jew aktar tal-piż tagħhom huwa magħmul minn raden elastomeriku jew ħjut tal-lastiku, għajr dawk tal-intestatura 6001
6005	Drappijiet innittjati fil-medd (inklużi dawk magħmulin fuq magni tan-niting li jaħdmu l-orlaturi), għajr dawk tal-intestatura 6001 sa 6004
6006	Drappijiet oħrajn innittjati jew tal-ganċ
6806.10	Fibri tal-gagazza, fibra tal-ġebel u fibri minerali simili
7019	Fibri tal-ħġieġ (inkluż suf tal-ħġieġ) u oġġetti magħmula minnhom (pereżempju, ħjut, fibri minsuġin)

^*) Il-komoditajiet imsemmija jistgħu jkunu koperti wkoll minn skedi speċifiċi oħrajn għall-kampjunar skont in-natura eżatta tagħhom.

Tessuti, ġilda u ġlud tal-pelliċċerija
Kwantità minima rrakkomandata għal kull kampjun finali	Fibri tat-tessuti: 150 g Raden: 2 m (200 m għad-determinazzjoni tat-TEX) Suf: 1 kg Drappijiet Minsuġin Omoġeni: 15-il cm li jkopru l-wisa’ totali tal-biċċa Drappijiet Minsuġin Eteroġeni: Tul sħiħ tad-disinn li jkopri l-wisa’ totali tal-biċċa Drappijiet mhux minsuġin; drappijiet innittjati jew maħdumin bil-ganċ: 1 m² Ġilda u ġlud tal-pelliċċerija: biċċa ta’ 50 x 50 cm
Standards applikabbli (ISO u Normi tal-UE) u leġiżlazzjoni rilevanti	ISO 1130 Fibri tat-tessuti – Xi metodi ta’ kampjunar għall-ittestjar ISO 5086 Kisi tal-art tat-tessuti – Twapet innittjati bl-idejn – Kampjunar u għażla taż-żoni li jridu jiġu ttestjati EN 12751 Tessuti - Kampjunar tal-fibri, tar-raden u tad-drappijiet għall-ittestjar Ir-Regolament tal-Kunsill (KE) Nru 338/97 tad-9 ta’ Diċembru 1996 dwar il-protezzjoni ta’ speċi ta’ fawna u flora selvaġġi billi jkun regolat il-kummerċ fihom Għandek tirreferi wkoll għal-leġiżlazzjoni nazzjonali u l-linji gwida nazzjonali ta’ pajjiżek rigward il-kampjunar.

Tagħmir meħtieġ
Għodda ssuġġerita għall-kampjunar skont il-metodu użat	Għodod ġenerali: sikkina, imqass, serrieq eċċ.
Kontenituri li għandhom jintużaw għall-kampjunar	Boroż tal-plastik, daqsijiet differenti, b’tikketta stampata fuqhom minn qabel jew le (P00). Fliexken tal-plastik, daqsijiet differenti (P01, P03, P04). Karta għat-tgeżwir, karta jew kaxxa tal-plastik. Boroż tal-karta jew kaxxi tal-kartun, daqsijiet differenti, bit-tikketta stampata fuqhom minn qabel jew le (R00, R01). Il-kontenituri għall-kampjuni għandhom ikunu nodfa u mingħajr ebda sustanza li tista’ tikkontamina l-materjal li minnu jrid jittieħed kampjun (bħal pereżempju l-ilma, il-ħmieġ, it-tentux, il-komposti tal-ħasil, il-fibri maħlulin, in-nafta u solventi oħrajn, il-flussi tal-issaldjar, l-aċidi, is-sadid, u ż-żejt).
Prekawzjonijiet ta’ sikurezza u valutazzjoni tar-riskju	Jekk jogħġbok irreferi għal-leġiżlazzjoni u l-linji gwida nazzjonali tiegħek dwar is-saħħa u s-sikurezza. Ara l-SDS jew l-ADR jekk ikunu disponibbli. Oqgħod attent waqt il-kampjunar tal-prodotti li jkun fihom fibri tal-ħġieġ jew fibri minerali, ilbes ingwanti tal-idejn u pproteġi għajnejk; u evita l-kuntatt dirett! Oqgħod attent għas-sinjali ta’ sikurezza u ta’ twissija. Għandek tkun konxju minn kull struzzjoni dwar is-saħħa u s-sikurezza fil-valutazzjoni tar-riskju lokali u/jew il-prattiki tax-xogħol mingħajr periklu b’rabta mal-post fejn ikunu se jittieħdu l-kampjuni, u ssegwihom. Meta jkun possibbli, qabel jibda l-ħatt/il-kampjunar, għandha ssir spezzjoni viżwali preliminari tat-tagħbija għal sinjali ta’ infestazzjonijiet ta’ insetti jew vermini u/jew sinjali ta’ fungus jew moffa. Jekk ikun meħtieġ, għandhom jittieħdu miżuri preventivi addizzjonali sabiex tevita l-inalazzjoni aċċidentali ta’ trab jew spori. Tagħmir ta’ protezzjoni personali Protezzjoni għall-għajnejn: goggles tas-sikurezza, jekk ikun hemm bżonn Protezzjoni għall-idejn: jekk ikun hemm bżonn Protezzjoni għar-ras: jekk ikun hemm bżonn Twissija: Il-ġlud u l-ġlud tal-pelliċċerija friski jew mhux ittrattati jistgħu jkollhom pesti jew mard, b’mod partikolari l-ispori tal-Antraċe. Għandek taħdem fi spazju vventilat tajjeb. Għandu jintuża t-tagħmir ta’ protezzjoni personali addizzjonali li ġej: Protezzjoni għan-nifs Coveralls protettivi Għandha tingħata attenzjoni addizzjonali meta jitneħħa t-tagħmir ta’ protezzjoni personali peress li jista’ jkun hemm il-possibbiltà li ġie kkontaminat.

Pjan għall-kampjunar
Tip ta’ konsenja	Pjan għall-kampjunar
Konsenja għall-iżdoganar tal-merkanzija	Kampjun inkrimentali wieħed normalment jitqies li jirrappreżenta l-oġġetti koperti mill-istess dikjarazzjoni doganali. Il-proċeduri għall-kampjunar imbagħad jiddependu mit-tip ta’ konsenja msemmija fit-tabella ta’ hawn taħt.
Fibri sfużi	Ħu kampjuni inkrimentali bl-idejn (20 troffa jew aktar ta’ 0,25-0,5 g kull waħda) minn partijiet differenti tal-konsenja magħżula b’mod aleatorju.
Balal ta’ fibri (<5 balal)	Ħu żewġ kampjuni inkrimentali bl-idejn (wieħed minn barra l-balla, wieħed minn ġewwa l-balla) minn balla waħda jew aktar bl-użu tal-għodda xierqa (imqass jew sikkina).
Balal ta’ fibri (>5 balal)	Ħu erba’ kampjuni inkrimentali bl-idejn (tnejn minn barra l-balal, tnejn minn ġewwa l-balal) b’għażla aleatorja, minn balal differenti tal-konsenja, bl-użu tal-għodda xierqa (imqass jew sikkina).
Pakketti ta’ materjali pproċessati eż. raden (<4 pakketti)	Warrab l-ewwel 2 m u ħu 2 m minn kull pakkett bl-għodda xierqa (imqass jew sikkina), filwaqt li tuża tensjoni minima biex tevita li l-materjal jiġġebbed. Għall-kampjun ta’ riżerva, warrab iż-2 m li jmiss tal-istess pakkett u mbagħad aqta’ l-kampjuni l-oħra tar-raden.
Pakketti ta’ materjali pproċessati eż. raden (>4 pakketti)	Għażel partijiet differenti tal-konsenja b’mod aleatorju, imbagħad warrab l-ewwel 2 m u ħu 2 m minn pakkett wieħed jew aktar, bl-għodda xierqa (imqass jew sikkina), filwaqt li tuża tensjoni minima biex tevita li l-materjal jiġġebbed. Għall-kampjun ta’ riżerva, warrab iż-2 m li jmiss tal-istess pakkett u mbagħad aqta’ l-kampjuni l-oħra tar-raden.
Rombli tad-drapp	Warrab is-saff ta’ barra tar-romblu tad-drapp u aqta’ bejn wieħed u ieħor 1 m² (biċċa ta’ 100 x 100 cm) bl-għodda xierqa (imqass jew sikkina) minn romblu wieħed jew aktar, minn partijiet differenti tal-konsenja magħżula b’mod aleatorju.
Oġġetti tal-ġilda jew tal-ġilda tal-pelliċċerija	Jekk ma jkunx possibbli li tieħu l-biċċa jew l-oġġett kollu, aqta’ bejn wieħed u ieħor biċċa ta’ 50 x 50 cm bl-għodda xierqa (imqass jew sikkina) minn partijiet differenti tal-konsenja magħżula b’mod aleatorju. Fil-każ ta’ fers għaljin fejn il-kampjunar jista’ jaffettwa l-valur jew l-użabbiltà tal-fer, ikkonsulta l-laboratorju. F’ċerti każijiet, jista’ jingħata permess li jittieħed kampjun ħafna iżgħar (2 g), iżda biss bi qbil mal-laboratorju.
Oġġetti individwali	Skont il-kwantità fil-konsenja, il-valur u d-daqs tal-oġġett, in-numru minimu ta’ oġġetti li jrid isir kampjunar fuqhom huwa wieħed. Meta l-oġġetti jkunu żgħar (id-dimensjonijiet kollha sa 10 cm) kun żgur li l-kampjun finali jkun jikkonsisti minn tal-inqas 3 biċċiet.

Immaniġġjar tal-kampjuni
Kummenti ġenerali	Teħid tal-kampjuni: Għandek tiżgura li l-oġġetti li qed tiċċekkja jikkonsistu f’konsenja waħda. Jekk ikun hemm diversi konsenji, dawn għandhom ikunu identifikati b’mod separat. Kampjun aggregat jista’ jiġi ffurmat biss minn oġġetti li jirrappreżentaw l-istess lott li jkun jinsab fl-istess konsenja. Il-kampjuni jintgħażlu b’metodu aleatorju jew b’mod sistematiku minn lott tal-konsenja. Kun żgur li ż-żona tkun nadifa minn fibri maħlulin. F’xi każijiet ta’ oġġetti magħmula mill-ġilda jew mill-ġlud tal-pelliċċerija, fejn il-kampjunar ma jkunx possibbli, l-evidenza fotografika meħuda mill-uffiċjali tal-kampjunar, u dokumenti, li jiddeskrivu l-oġġetti, id-dettalji u l-funzjoni tagħhom, jistgħu jkunu alternattiva sodisfaċenti għall-kampjunar. Jekk ikollok xi dubju, ikkonsulta lil-laboratorju tiegħek. Ippakkjar tal-kampjuni. Il-kampjuni finali għandhom ikunu ssiġillati f’imballaġġ sabiex tiġi evitata l-kontaminazzjoni u għandhom jinżammu barra mid-dawl tax-xemx dirett, sabiex tiġi ppreservata l-karatteristika tal-kampjuni.
Formola tal-kampjunar	Imla l-formola tal-kampjunar. Kopja waħda għandha tinhemeż mal-kampjuni u kopja oħra għandha tinżamm fir-reġistri.
Trasport	Kun żgur li l-kundizzjonijiet ta’ trasport jiggarantixxu l-integrità u l-karatteristiċi tal-kampjun ittrasportat.
Ħżin	Il-kampjuni għandhom jinżammu f’temperatura ambjentali f’post xott u vventilat tajjeb. Għandhom ikunu protetti mill-esponiment għal kundizzjonijiet li jistgħu jbiddlu l-proprjetajiet rilevanti tagħhom bħal pereżempju d-dawl tax-xemx. Il-kampjuni fejn il-kontenut ta’ ndewwa jista’ jaffettwa l-analiżi, għandhom jiġu ppakkjati f’kontenituri li ma jħallu la ndewwa u lanqas arja tgħaddi minnhom.

Reviżjonijiet
Verżjoni	Data	Bidliet
1.1	30.03.2019	L-ewwel verżjoni
1.1.1	01.11.2019	Aġġornament - modifika żgħira tat-test
1.2	15.07.2021	Aġġornament - reviżjoni totali tat-test

Navigazzjoni

Tessuti, ġilda u ġlud tal-pelliċċerija
Kampjunar

Tessuti, ġilda u ġlud tal-pelliċċerija (kabbar il-lista)
Intestatura tas-SA	Deskrizzjoni

Navigazzjoni

Tessuti, ġilda u ġlud tal-pelliċċerijaKampjunar

Tessuti, ġilda u ġlud tal-pelliċċerija
Kampjunar