| Kampjunaturi devjaturi, kampjunaturi li jieħdu l-kampjuni permezz ta’ immersjoni |
Tagħmir awtomatizzat għat-teħid ta’ kampjuni standardizzati ta’ prodott. Dawn jinkludu:
- Kampjunaturi awtomatiċi bil-vakwu għat-teħid ta’ kampjuni ta’ ħbub minn vagun fit-triq jew ferrovjarju.
- Rampi devjaturi awtomatiċi għat-teħid ta’ kampjuni ta’ ħbub jew materjal granulari ieħor minn sistema ta’ conveyor.
- Valvi devjaturi awtomatiċi għat-teħid ta’ kampjuni ta’ likwidi jew gassijiet fil-pipelines.
Dan it-tip ta’ tagħmir normalment jiġi installat f’postijiet fejn il-prodott kampjunat jinħażen jew jiġi mmaniġġjat fuq bażi regolari ħafna. (Portijiet, imħażen jew stazzjonijiet tal-ippumpjar tal-pipelines.)
|
Kampjunatur Awtomatiku tal-Ħbub
Kampjunatur Robotiku tal-Ħbub - li jieħu l-kampjuni tal-ħbub minn trakk tat-triq f’punti determinati minn qabel, pereżempju
 
Valv devjatur fuq sistema ta’ conveyor
Valv devjatur awtomatiku - Faċilità bħal din, mibnija apposta għall-immaniġġjar tal-ħbub, tista’ tkun mgħammra b’hoppers li jiżnu l-merkanzija u valvi devjaturi li jieħdu kampjuni f’intervalli regolari mill-conveyor jew mill-hopper tal-użin.
Il-kostruzzjoni u t-tħaddim se jvarjaw minn post għall-ieħor.
 
|
Kampjunar inkrementali frekwenti ta’ prodotti bl-ingrossa minn vaguni fit-triq jew ferrovjarji miftuħa – jew meta l-prodotti bl-ingrossa jkunu qed jiġu mċaqalqa permezz ta’ conveyor jew ta’ pipeline.
It-tagħmir jiġi installat, imħaddem u miżmum min-negozjant jew mill-operatur tal-port jew tal-faċilità.
|
It-tħaddim ta’ kull tip ta’ kampjunatur jiddependi mit-tip u l-metodu tal-installazzjoni.
Huwa meħtieġ fehim sħiħ tat-tħaddim tal-kampjunatur individwali qabel ma l-kampjuni jkunu jistgħu jiġu aċċettati għal skopijiet uffiċjali. Qabel ma jibda l-kampjunar, għandhom jinkisbu kopji tal-proċeduri operattivi flimkien ma’ dijagrammi (jekk disponibbli). L-operazzjoni sħiħa ta’ kampjunar għandha tkun sorveljata mill-Uffiċjali.
|
- Ħbub bl-ingrossa jew prodotti granulari oħrajn f’vaguni miftuħa
- Ħbub bl-ingrossa jew prodotti granulari oħrajn li jiġu mċaqalqa permezz ta’ conveyor
- Likwidi jew gassijiet li jiġu mċaqalqa permezz ta’ pipeline
|
Il-manutenzjoni għandha titwettaq mis-sid tal-faċilità. It-tagħmir għandu jiġi ttestjat u ċċertifikat mill-manifattur fuq bażi regolari biex jiġi żgurat it-tħaddim korrett. Kontroll tal-iskeda tal-manutenzjoni/tal-ittestjar qabel ma jibda l-kampjunar (Ara l-linji gwida lokali jew nazzjonali.)
|
