CAS #: 71-43-2
UN #: 1114
numru EC: 200-753-7 |
| PERIKLI AKUTI | PREVENZJONI | TIFI TAN-NAR |
NAR U SPLUŻJONI
| Jaqbad malajr. Taħlitiet ta’ fwar/arja huma splussivi. Riskju ta’ nar u splużjoni. Ara l-Perikli Kimiċi.
| M’GĦANDUX IKUN HEMM fjammi fil-miftuħ, xrar u tipjip. Sistema magħluqa, ventilazzjoni, tagħmir elettriku li jiflaħ għall-isplużjonijiet u dawl. TUŻAX arja kkompressata biex timla, biex tiskarika, jew biex timmaniġġa. Uża għodod tal-idejn li ma jtajrux xrar. Evita l-akkumulazzjoni ta’ kargi elettrostatiċi (eż. bl-inkaljar).
| Uża ragħwa, sprej tal-ilma, diossidu tal-karbonju, trab. F’każ ta’ nar: żomm iċ-ċilindri u tagħmir ieħor bierda billi tbexxixhom bl-ilma.
|
| EVITA KULL KUNTATT! |
| SINTOMI | PREVENZJONI | L-EWWEL GĦAJNUNA |
Teħid man-nifs
| Sturdament. Nagħas. Uġigħ ta’ ras. Dardir. Qtugħ ta’ nifs. Konvulżjonijiet. Telf mis-sensi.
| Uża l-ventilazzjoni, protezzjoni kontra l-egżost lokali jew protezzjoni għan-nifs.
| Arja friska, mistrieħ. Fittex l-attenzjoni medika.
|
Ġilda
| JISTA’ JIĠI ASSORBIT! Ġilda xotta. Ħmura. Uġigħ. Ara wkoll Inalazzjoni.
| Ingwanti protettivi. Ilbies protettiv.
| Inża’ l-ħwejjeġ ikkontaminati. Laħlaħ il-ġilda sew bl-ilma/ħu doċċa. Fittex l-attenzjoni medika.
|
L-għajnejn
| Ħmura. Uġigħ.
| Ilbes maskra protettiva tal-wiċċ jew nuċċali protettiv tal-għajnejn flimkien ma’ protezzjoni għan-nifs.
| L-ewwel laħlaħ b’ħafna ilma għal diversi minuti (neħħi l-lentijiet tal-kuntatt jekk tista’ tagħmel hekk faċilment), imbagħad fittex l-attenzjoni medika.
|
Inġestjoni
| Uġigħ addominali. Uġigħ tal-gerżum. Rimettar. Ara wkoll Inalazzjoni.
| Tikolx, tixrobx u tpejjipx waqt ix-xogħol.
| Laħlaħ ħalqek. IĠĠEGĦILX lill-vittma tirremetti. Fittex l-attenzjoni medika.
|
| RIMI TA’ LIKWIDU LI JIXXERRED | KLASSIFIKAZZJONI u TIKKETTAR |
Eħles minn kull sorsi ta’ tqabbid. Evakwa ż-żona perikoluża! Ikkonsulta espert! Protezzjoni personali: Ilbies protettiv komplut inkluż apparat awtonomu għat-teħid tan-nifs. TITFAX is-sustanza u l-ilma tat-tlaħliħ fid-drenaġġ. TĦALLIX din is-sustanza kimika tidħol fl-ambjent. Kemm jista’ jkun iġbor il-likwidi li jnixxu u mxerrda f’kontenituri li jistgħu jiġu ssiġillati. Uża r-ramel jew assorbent inerti biex jassorbi l-likwidu li jifdal. Imbagħad aħżen is-sustanza li tkun ġbart u armiha skont ir-regolamenti lokali.
|
Skont il-Kriterji tal-GHS tan-NU
Il-likwidu u l-fwar jieħdu n-nar malajr ħafna
Jistgħu jkunu fatali jekk jinbelgħu u jidħlu fil-pajpijiet tan-nifs
Jikkawżaw irritazzjoni tal-ġilda
Jikkawżaw irritazzjoni serja tal-għajnejn
Jistgħu jikkawżaw id-difetti ġenetiċi
Jistgħu jikkawżaw il-kanċer
Jagħmlu ħsara għall-mudullun tal-għadam u għas-sistema nervuża ċentrali b’esponiment fit-tul jew ripetut
Jagħmlu ħsara lill-organiżmi akkwatiċi b’effetti fit-tul
Trasportazzjoni
Klassifikazzjoni tan-NU
Klassi ta’ Periklu tan-NU: 3; Grupp tal-Imballaġġ tan-NU: II
|
| ĦŻIN |
| Reżistenti għan-nar. Separati mill-ikel u l-għalf, ossidanti u aloġeni. Aħżen f’żona mingħajr drenaġġ jew mingħajr aċċess għad-drenaġġ |
| IPPAKKJAR |
| Tittrasportax mal-ikel u l-għalf. |
Imħejji minn grupp internazzjonali ta’ esperti f’isem l-ILO u d-WHO, bl-għajnuna finanzjarja tal-Kummissjoni Ewropea. © ILO u WHO 2017
|
| INFORMAZZJONI FIŻIKA u KIMIKA |
Stat Fiżiku; Dehra
LIKWIDU BLA KULUR B’RIĦA KARATTERISTIKA.
Perikli fiżiċi
Il-fwar huwa itqal mill-arja u jista’ jinfirex fil-livell tal-art; jista’ jaqbad mill-bogħod. Jekk jinfirex jew jitħarrek, eċċ., jistgħu jiġu ġġenerati kargi elettrostatiċi.
Perikli kimiċi
Jirreaġixxi b’mod vjolenti mas-sustanzi ossidanti, mal-aċidu nitriku, mal-aċidu sulfuriku u mal-aloġeni. Dan jiġġenera periklu ta’ nar u splużjoni. Jiekol il-plastik u l-lastku.
|
Formula: C6H6
Massa molekulari: 78.1
Punt tat-togħlija: 80 °C
Punt tat-tidwib: 6 °C
Densità relattiva (ilma = 1): 0.88
Solubbiltà fl-ilma, g/100ml f’ 25 °C: 0.18
Pressjoni tal-fwar, kPa f’ 20 °C: 10
Densità relattiva tal-fwar (arja = 1): 2.7
Densità relattiva tat-taħlita tal-fwar/arja f’ 20 °C (arja = 1): 1.2
Punt ta’ fjammabbiltà: -11 °C c.c.
Temperatura ta’ tqabbid awtomatiku: 498 °C
Limiti splussivi, % ta’ volum fl-arja: 1.2-8.0
Koeffiċjent tal-partizzjoni ottanol/ilma bħala log Pow: 2.13
|
| L-ESPONIMENT u L-EFFETTI FUQ IS-SAĦĦA |
Ir-Rotot tal-esponiment
Is-sustanza tista’ tiġi assorbita fil-ġisem permezz tan-nifs, mill-ġilda u bl-inġestjoni.
Effetti tal-esponiment għal żmien qasir
Is-sustanza tirita l-għajnejn, il-ġilda u s-sistema respiratorja. Jekk jinbela’ dan il-likwidu, l-aspirazzjoni fil-pulmuni tista’ tirriżulta f’pulmonite kimika. Is-sustanza tista’ taffettwa s-sistema nervuża ċentrali. Dan jista’ jwassal biex wieħed jintilef minn sensih. L-esponiment ferm ogħla mill-OEL jista’ jwassal biex wieħed jintilef minn sensih u jista’ jikkawża l-mewt. Jekk tinbela’, is-sustanza tidħol faċilment fil-passaġġi tal-arja u tista’ twassal għall-pulmonite permezz tal-aspirazzjoni.
|
Riskju ta’ inalazzjoni
Meta din is-sustanza tevapora f’temperatura ta’ 20°C l-arja tista’ titniġġeż malajr ħafna b’sustanza dannuża.
L-effetti tal-esponiment fit-tul jew ripetut
Din is-sustanza tneħħi x-xaħam tal-ġilda u minħabba f’hekk il-ġilda tista’ tinxef u titqarqaċ. Is-sustanza tista’ taffettwa s-sistema nervuża ċentrali u s-sistema immunitarja. Is-sustanza tista’ taffettwa l-mudullun. Dan jista’ jirriżulta f’anemija. Din is-sustanza hija karċinoġenika għall-bnedmin. Tista’ tikkawża ħsara ġenetika li tintiret liċ-ċelloli ġerminali tal-bniedem. Ara n-Noti
|
| LIMITI TAL-ESPONIMENT FUQ IX-XOGĦOL |
TLV: 0.5 ppm bħala TWA; 2.5 ppm bħala STEL; (ġilda); A1 (karċinoġenu uman ikkonfermat); Inventarju ta’ bażi tal-emissjonijiet maħruġ
UE-OEL: 3.25 mg/m3, 1 ppm bħala TWA; (ġilda).
MAK: kategorija tal-karċinoġeni: 1; grupp tal-mutaġeni taċ-ċelloli ġerminali: 3A; assorbiment mill-ġilda (H) |
| AMBJENT |
| Is-sustanza hija tossika għall-organiżmi akkwatiċi. Is-sustanza tista’ tikkawża l-effetti fit-tul fl-ambjent akkwatiku. |
| NOTI |
L-użu tax-xorb alkoħoliku jsaħħaħ l-effett dannuż.
Huwa ssuġġerit eżami mediku perjodiku skont il-grad tal-esponiment.
Mhuwiex biżżejjed li wieħed jinduna dwar l-esponiment mir-riħa meta jinqabeż il-valur limitu tal-esponiment.
Il-benżen jikkawża l-lewċemija mijelojde akuta/il-lewċemija mhux limfoċitika akuta. Barra minn hekk, ġiet osservata rabta pożittiva bejn l-esponiment għall-benżen u l-lewċemija limfoċitika akuta, il-lewċemija limfoċitika kronika, il-mijeloma multipla, u l-linfoma mhux ta’ Hodgkin. |
| INFORMAZZJONI ADDIZZJONALI |
Is-simbolu tal-Klassifikazzjoni EC
: F, T; R: 45–46–11–36/38–48/23/24/25–65; S: 53-45; Nota: E |
Id-drittijiet kollha riżervati. Il-materjal ippubblikat qed jitqassam mingħajr garanzija ta’ ebda tip, la espressa u lanqas implikata. La l-ILO u lanqas id-WHO u l-Kummissjoni Ewropea m’għandhom ikunu responsabbli għall-interpretazzjoni u l-użu tal-informazzjoni li tinsab f’dan il-materjal.
www.ilo.org |
