Il-Kontenituri għat-Teħid tal-Kampjuni

Meta l-oġġetti jkunu fil-pakketti għall-bejgħ bl-imnut, dejjem għandek tieħu pakketti sħaħ bħala kampjun. Tista’ tieħu aktar minn pakkett wieħed jekk ikun hemm bżonn biex tilħaq id-daqs minimu tal-kampjun.

Meta l-oġġetti jkunu f’biċċiet (eż. injam, ikkastjar jew folji tal-metall) ġeneralment għandek tieħu biċċiet sħaħ.

Madankollu, fil-każ ta’ oġġetti li jkunu f’forma sfuża jew f’pakketti bl-ingrossa normalment ikollok tieħu kampjuni iżgħar. Huwa importanti li tuża t-tip adattat ta’ kontenitur biex taħżen l-oġġetti fih.

It-tip ta’ kontenitur li għandek tuża għall-ħażna u t-trasport tal-kampjuni huwa ddeterminat mill-proprjetajiet fiżiċi u kimiċi tal-oġġetti u r-rekwiżiti ta’ ħażna u ta’ trasport.

Il-kontenitur użat għall-ippakkjar tal-kampjuni li tieħu għandu jissodisfa r-rekwiżiti li ġejjin:

• m’għandux ikun affettwat mill-kampjun (importanti b’mod speċjali għall-kampjuni ta’ sustanzi kimiċi, prodotti tal-petroleum, solventi, oġġetti tal-ikel — li jistgħu jkunu aċidużi, eċċ.);
• għandu jiżgura li tinżamm il-kwalità (l-integrità) tal-kampjuni;
• għandu jkun iddisinjat u mmanifatturat b’mod li ma jgħaddux la likwidi u lanqas arja minnhom;
• għandu jkun b’saħħtu biżżejjed biex ikun jiflaħ għat-trasport u l-ħażna;
• għandu jkun iddisinjat b’mod li jkun jista’ jiġi ssiġillat tajjeb u ma jintmissx minn min mhux awtorizzat.

Meta tagħżel il-kontenituri tal-kampjuni għandek issegwi l-prinċipji elenkati fit-Tabella 1.

It-tappijiet u l-għotjien li tuża biex tagħlaq ir-reċipjent tal-kampjuni (fliexken/kontenituri) għandhom ikunu jingħalqu tajjeb biex ma jkunx hemm ħruġ jew evaporazzjoni tal-kampjuni. Il-materjal li minnu jkunu magħmula l-kontenituri u t-tappijiet għandu jkun reżistenti għall-attakki mill-kimiċi tal-kampjuni u m’għandux jinteraġixxi magħhom jew jikkontaminhom.

Skont in-natura tal-kampjuni li jittieħdu, jistgħu jintużaw tappijiet bis-snien, tappijiet bil-kamin tal-plastik jew tal-metall rinforzati ulterjorment biex jingħalqu aħjar. L-użu tat-tappijiet tas-sufra u tal-lastiku għandu jiġi evitat.

L-aktar kontenituri li jintużaw għall-kampjuni huma l-kontenituri tal-plastik jew tal-metall, fliexken tal-ħġieġ, bottijiet tal-metall u boroż jew kaxex tal-plastik (ara t-Tabella 2). Id-disinn tal-kontenituri tal-kampjuni jistgħu jvarjaw fi Stati Membri differenti. Il-lista’ ta’ kontenituri tal-kampjuni għaldaqstant mhijiex eżawrjenti u jistgħu jintużaw tipi oħrajn ta’ pakketti diment li dawn ikunu jissodisfaw ir-rekwiżiti kollha.

Tabella 1

Tip ta’ oġġetti	Rekwiżiti għall-pakkett
Oġġetti li għandhom ikunu eżaminati għall-kontenut ta’ umdità jew ta’ xaħam	l-imballaġġ m’għandux ikun jassorbi l-umdità jew ix-xaħam.
Oġġetti li jitħassru, iffriżati, u mkessħa	L-imballaġġ m’għandux ikun affettwat minn temperaturi baxxi.
Oġġetti li fihom komponenti volatili	It-tapp jew l-għatu għandu jkun jingħalaq b’mod li ma tgħaddix arja minnu.
Oġġetti likwidi, li jistgħu jiffermentaw	L-imballaġġ għandu jingħalaq b’tapp jew għatu bil-kamin. Il-kampjuni ta’ meraq tal-frott jew ta’ meraq li ġej mill-pjanti għandhom ikunu ffriżati minnufih u jinżammu ffriżati sakemm jiġu analizzati. Il-likwidi l-oħrajn kollha li jistgħu jiffermentaw għandhom jitħalltu ma’ 2 g ta’ aċidu saliċiliku għal kull litru ta’ kampjun jew xi sustanza oħra li twaqqaf il-fermentazzjoni f’konċentrazzjoni xierqa.

Tabella 2

Nru	Tip ta’ oġġetti	Imballaġġ rakkomandat
1	Prodotti tal-petroleum — fjuwils likwidi, lubrikanti	Kontenituri tal-metall Fliexken tal-ħġieġ Fliexken tal-polipropilen (PP) Fliexken tal-polietilentereftalat (PET)
2	Solventi organiċi	Kontenituri tal-metall Fliexken tal-ħġieġ Fliexken tal-polipropilen (PP) Fliexken tal-polietilentereftalat (PET)
3	Żjut u xaħmijiet veġetali likwidi	Kontenituri tal-metall Fliexken tal-ħġieġ Bottijiet tal-ħġieġ Fliexken tal-polipropilen (PP) Fliexken tal-polietilentereftalat (PET)
4	Tipi differenti ta’ sustanzi kimiċi	Kontenituri tal-metall Fliexken tal-ħġieġ Fliexken tal-polipropilen (PP) Fliexken tal-polietilentereftalat (PET)
5	Prodotti tal-ikel	Boroż tal-karti Boroż, fliexken eċċ. tal-polietilen (PE) u tal-polipropilen (PP) Bottijiet tal-ħġieġ
6	Spirti u alkoħol etiliku	Fliexken tal-ħġieġ Fliexken tal-polipropilen (PP) Fliexken tal-polietilentereftalat (PET)

Kodiċi	Tip ta’ Kontenitur	Adattat għal
P00	Boroż tal-plastik Daqsijiet differenti Bit-tikketta stampata minn qabel jew le Ikklikkja biex tkabbar l-istampa	Oġġetti meħuda fil-forma ta’ biċċiet bħal madum, injam, karti, tessuti, folji tal-metall, oġġetti varji, eċċ. oġġetti fil-pakketti tagħhom għall-bejgħ bl-imnut tabakk frott imnixxef dqiq ramel zokkor lamtu
P01	Flixkun tal-plastik Bokka dejqa Daqs normali 100 ml sa 500 ml Tapp li ma jnixxix Ikklikkja biex tkabbar l-istampa	Likwidi mhux volatili, bħal: prodotti tal-petroleum, bħal kerosen, żejt tal-gass, żjut għat-tisħin, lubrikanti eċċ. minbarra l-gażolina aċidi xaħmin metilesteri (FAME) u taħlitiet ta’ FAME ma’ żjut minerali żjut veġetali meraq u xiroppi xarbiet mhux alkoħoliċi aġenti u preparati tensjoattivi sustanzi kimiċi mhux volatili u preparati kimiċi
P02	Flixkun tal-plastik Bokka dejqa Daqs normali 50 ml sa 100 ml Tapp li ma jnixxix Ikklikkja biex tkabbar l-istampa	Oġġetti ta’ valur għoli, bħal: frammenti ta’ metalli prezzjużi djamanti sustanzi kimiċi puri ħwawar ċipep jew frammenti tal-metall
P03	Flixkun tal-plastik Bokka wiesgħa Daqs normali 100 ml sa 500 ml Tapp li ma jnixxix Ikklikkja biex tkabbar l-istampa	Materjal f’għamla ta’ trab jew granuli jew pastes, bħal: griż lubrikanti Vażelina ramel zokkor lamtu xarbiet istantanji te żjut u xaħmijiet veġetali ssolidifikati tabakk
P04	Flixkun tal-plastik Bokka wiesgħa Daqs normali 500 ml sa 1000 ml Tapp li ma jnixxix Ikklikkja biex tkabbar l-istampa	Frott imnixxef, materjal f’għamla ta’ trab u pastes, bħal: dqiq żebgħa u verniċ
P05	Flixkun tal-plastik Daqs żgħir 50 ml sa 100 ml Tapp li ma jgħaddix arja minnu Ikklikkja biex tkabbar l-istampa	Likwidi ta’ valur għoli volatili, bħal: aromatiċi tal-oġġetti tal-ikel supplimenti tal-oġġetti tal-ikel fwejjaħ, kożmetiċi, essenzi, eċċ. materjali sensittivi għad-dawl (merfugħin f’kontenituri skuri)
P06	Flixkun tal-plastik Daqs żgħir 100 ml sa 500 ml Tapp li ma jgħaddix arja minnu Ikklikkja biex tkabbar l-istampa	Likwidi, bħal: spirti u xarbiet alkoħoliċi spirtu denaturat soluzzjonijiet kontra l-iffriżar sapun u soluzzjonijiet għat-tindif solventi u thinners organiċi
P07	Flixkun tal-plastik Daqs normali 500 ml sa 1000 ml Tapp li ma jgħaddix arja minnu Ikklikkja biex tkabbar l-istampa	Oġġetti tal-ikel likwidi, bħal: inbid birra xarbiet u soluzzjonijiet b’livell baxx ta’ alkoħol
R00	Boroż tal-karti Daqsijiet differenti Bit-tikketta stampata minn qabel jew le Ikklikkja biex tkabbar l-istampa	Tabakk Pjanti Oġġetti meħudin fil-forma ta’ biċċiet, bħal: madum, injam, karti, tessuti, folji tal-metall u oġġetti.
R01	Boroż tal-kartun, kaxxi tal-kartun Daqsijiet differenti Bit-tikketta stampata minn qabel jew le Ikklikkja biex tkabbar l-istampa	Tabakk Pjanti Oġġetti meħudin fil-forma ta’ biċċiet, bħal: madum, injam, karti, tessuti, folji tal-metall u oġġetti.
G01	Flixkun tal-ħġieġ Daqs kbir 500 ml sa 1000 ml Tapp li ma jnixxix Ikklikkja biex tkabbar l-istampa	Likwidi speċjali, bħal: spirtu abjad gażolina spirti u xarbiet alkoħoliċi kampjuni sensittivi għad-dawl (eż. żejt taż-żebbuġa) solventi u thinners organiċi likwidi sensittivi għad-dawl (maħżuna f’reċipjenti skuri)
M01	Bott tal-metall Daqs kbir 500 ml sa 1000 ml Tapp li ma jnixxix Ikklikkja biex tkabbar l-istampa	Likwidi speċjali, bħal: spirtu abjad gażolina spirti u xarbiet alkoħoliċi solventi u thinners organiċi likwidi sensittivi għad-dawl (eż. żjut veġetali)
M02	Flixkun tal-metall Daqs kbir 500 ml sa 1000 ml Bokka dejqa Tapp li ma jnixxix Ikklikkja biex tkabbar l-istampa	Likwidi speċjali, bħal: spirtu abjad gażolina spirti u xarbiet alkoħoliċi solventi u thinners organiċi Tużahx għal likwidi aċidużi jew alkalini, bħall-ħall jew is-salmura!
M10	Ċilindru tal-gass tal-metall Daqs medju Ikklikkja biex tkabbar l-istampa	Gassijiet u gassijiet likwifikati