Relazzjonijiet Esterni Il-Kummissjoni Ewropea taħdem mal-organizzazzjonijiet internazzjonali, il-pajjiżi u s-soċjetà ċivili biex: tippromwovi żvilupp soċjali u ekonomiku sostenibbli u impjiegi deċenti lil hinn mill-fruntieri tal-UE f’konformità mal-valuri tal-UE, il- Pilastru Ewropew tad-Drittijiet Soċjali u l- Għanijiet ta’ Żvilupp Sostenibbli trawwem globalizzazzjoni ġusta billi tikkontribwixxi għall-adozzjoni u s-superviżjoni ta’ standards tax-xogħol internazzjonali u l-inklużjoni ta’ dispożizzjonijiet tax-xogħol f’arranġamenti kummerċjali tal-UE u s-segwitu tagħhom tgħin tipprepara l-pajjiżi kandidati u l-kandidati potenzjali għas-sħubija mal-UE. Il-Kummissjoni Ewropea taħdem biex tiżgura li l-impjieg u l-aspetti soċjali jitqiesu fil-politiki esterni tal-UE. Permezz tal- kummerċ, il-kooperazzjoni għall-iżvilupp, il-politiki tal-viċinat u d-dimensjoni esterna tal-politiki interni tagħha, il-Kummissjoni tiffoka b'mod partikolari fuq il-kunċetti tal-iżvilupp sostenibbli u impjiegi deċenti. Organizzazzjonijiet internazzjonali u forums L-Unjoni Ewropea taħdem ma’ u fi ħdan l- ILO, l-OECD, in-NU kif ukoll ma’ u fi ħdan il- G20, il-G7 u organizzazzjonijiet internazzjonali u forums oħrajn biex: tippromwovi impjiegi deċenti għal kulħadd tippromwovi d-dimensjoni soċjali tal-globalizzazzjoni timplimenta d-dimensjoni esterna tal-politiki Ewropej ILO L-UE żviluppat relazzjoni strateġika fit-tul mal-Organizzazzjoni Internazzjonali tax-Xogħol (ILO). Il-kooperazzjoni tagħna tippromwovi impjiegi deċenti u l-aġenda tal-2030 għal żvilupp sostenibbli. Il-kooperazzjoni bejn l-UE u l-ILO tiffoka fuq il-promozzjoni tal-prinċipji u d-drittijiet fundamentali fuq il-post tax-xogħol, inkluż fil-kummerċ, u dwar oqsma ta’ politika soċjali oħrajn. L-UE twettaq proġett konġunt mal-ILO u tikkontribwixxi għal ħidmitha, flimkien mal-Istati Membri tal-UE, b’mod partikolari permezz ta’ dikjarazzjonijiet tal-UE. G7 L-UE hija involuta bis-sħiħ fil-G7. L-ewwel laqgħa formali tal-ministri tax-xogħol u l-impjieg tal-G7 (flimkien mal-ministri tal-politika għall-iżvilupp) seħħet fl- 2015 taħt il-Presidenza Ġermaniża tal-G7. L-inizjattivi tal-G7 fl-affarijiet soċjali jinkludu: Fond Viżjoni Żero, biex jgħin itejjeb l-impjiegi deċenti u s-sikurezza fuq il-post tax-xogħol u s-saħħa fil-katini tal-provvista globali, li għalihom il-Kummissjoni tipprovdi appoġġ finanzjarju Forum tal-G7 dwar il-Futur tax-Xogħol, biex jiġi diskuss il-futur tax-xogħol Laqgħat ministerjali u impenji ta’ segwitu fi gruppi tekniċi, inkluża t- Task Force tal-Impjieg tal-G7 il-ġdida, fejn id-DĠ EMPL iħejji l-partiċipazzjoni u l-kontribuzzjonijiet tal-UE G20 L-UE hija membru sħiħ tal-G20. Il-ministri tax-xogħol tal-G20 iltaqgħu għall-ewwel darba f’Washington fl-2010 u kellhom laqgħat ta’ kull sena minn dak iż-żmien. L-inizjattivi tal-G20 fl-affarijiet soċjali jinkludu: il- mira tal-G20 għall-parteċipazzjoni tan-nisa, biex tittejjeb il-parteċipazzjoni tan-nisa fil-forza tax-xogħol il- mira taż-żgħażagħ, biex jitnaqqas l-ammont ta’ żgħażagħ f’riskju Saru wkoll diskussjonijiet tul is-sena bejn l-uffiċjali għolja u fi gruppi ta’ ħidma taħt il-Grupp ta’ Ħidma tal-Impjiegi (EWG), fejn id-DĠ EMPL jirrappreżenta lill-UE. L-EWG jagħmel ukoll segwitu tal-implimentazzjoni tal- Pjanijiet tal-Impjieg tal-G20, inklużi dawk tal-UE. Membri ġodda prospettivi tal-UE (Tkabbir) L-UE għandha l-għan li ttejjeb id- Dimensjoni soċjali fis-seba’ pajjiżi kandidati u kandidati potenzjali għas-sħubija mal-UE billi tappoġġja, tinnegozja u timmonitorja l-iżvilupp tal-politiki tal-impjieg u dawk soċjali skont l-istandards tal-UE, u l-kriterji ta’ adeżjoni. Il-Kummissjoni tmexxi proċess ta’ governanza ekonomika ma’ dawn il-pajjiżi, abbażi tal-programmi ta’ riforma annwali tagħhom. Id-DĠ EMPL huwa partikolarment involut fl-allinjament tal-leġiżazzjoni tal-pajjiżi kandidati ma’ dawn il- kapitoli tal-liġi tal-UE: Il-moviment liberu tal-ħaddiema u l-koordinazzjoni tas-sigurtà soċjali (Kapitolu 2) Il-politika soċjali u l-impjieg (Kapitolu 19) parzjalment l-edukazzjoni u l-kultura (Kapitolu 26) L- Istrument għall-Assistenza ta' Qabel l-Adeżjoni huwa l-mezz li bih l-UE tappoġġja r-riformi fil-pajjiżi kandidati u l-kandidati potenzjali b’għajnuna finanzjarja u teknika. Id-DĠ EMPL immaniġġja l-fondi tal-IPA I (2007-2013) iddedikati għall-iżvilupp tar-riżorsi umani għat-Turkija, il-Montenegro, il-Maċedonja ta’ Fuq u l-Kroazja (sal-adeżjoni fl-2013). Il-programmi tiegħu issa qegħdin fil-fażi tal-għeluq tagħhom. L-IPA II (2014-2020) huwa mmaniġġjat mid-DĠ NEAR. Pajjiżi ġirien oħrajn L-UE taħdem flimkien mal-pajjiżi ġirien dwar l-impjieg u kwistjonijiet soċjali permezz tal- Politika Ewropea tal-viċinat u inizjattivi reġjonali bħal: l- Unjoni għall-Mediterran (UgħM), li tgħaqqad 15-il pajjiż tal-Mediterran tan-Nofsinhar, Afrikan u tal-Lvant Nofsani u l-pajjiżi kollha tal-UE is-Sħubija tal-Lvant li tkopri l-Armenja, l-Ażerbajġan, il-Belarus, il-Ġeorġja, il-Moldova u l-Ukrajna. Il-Kummissjoni Ewropea taħdem ma’ dawn il-pajjiżi permezz ta’ ftehimiet, skambju ta’ prattiki tajba, b’appoġġ lil azzjonijiet konkreti. Din il-kooperazzjoni għandha l-għan li tippromwovi: kundizzjonijiet u relazzjonijiet tax-xogħol aħjar djalogu soċjali effettiv u istituzzjonijiet tas-suq tax-xogħol impjegabbiltà u impjiegi taż-żgħażagħ protezzjoni soċjali adegwata u sostenibbli. Pajjiżi żviluppati u swieq emerġenti Il-kooperazzjoni tieħu l-forma ta': djalogi bilaterali, partikolarment mal- Brażil, il-Kanada, iċ-Ċilì, iċ-Ċina, il-Ġappun, it-Tajlandja u l-Istati Uniti kooperazzjoni reġjonali – l-Unjoni għall-Mediterran (UgħM), is-Sħubija tal-Lvant, l-Asja (ASEM), l-Amerika Latina L-għan ta’ dawn id-djalogi u l-kooperazzjoni huwa li jippromwovu ftehim reċiproku u l-iskambju ta’ evidenza, esperjenzi u prattiki. Kummerċ u żvilupp sostenibbli Il-politika kummerċjali tal-UE għandha l-għan li tiżgura li l-iżvilupp ekonomiku jimxi id f’id mal-ġustizzja soċjali, ir-rispett għad-drittijiet tal-bniedem, standards tax-xogħol għoljin, u standards ambjentali għoljin. Għal dan il-għan, il-ftehimiet kummerċjali moderni tal-UE fihom regoli dwar il-kummerċ u l-iżvilupp sostenibbli. L-UE taħdem biex tiżgura li l-politika kummerċjali tgħin biex tippromwovi l-iżvilupp sostenibbli permezz ta’: ftehimiet kummerċjali tal-UE inċentivi speċjali għal pajjiżi li qed jiżviluppaw politika kummerċjali u tal-iżvilupp