Impjiegi, affarijiet soċjali u inklużjoni

Portugal

Emerġenza

  • Ċempel il-112
  • Ċempel 808 24 24 24 (SNS 24 – Centro de Contacto)
  • Tista' tmur direttament
    • fiċ-ċentri tas-saħħa pubbliċi (Centros de Saúde)
    • fis-servizzi 24 siegħa kuljum (Serviços de Atendimento Permanente)
    • fl-isptarijiet (f'emerġenza)
  • Sit web tas-Servizz tas-Saħħa Nazzjonali (bil-Portugiż)

Kura, kopertura u spejjeż

Tobba / Dentisti / Kura fi Sptar

  • B'mod ġenerali, il-kura tas-saħħa pubblika hi bla ħlas. Madankollu, f'xi każijiet, hemm imnejn ikollok tħallas tariffa standard.
  • Hemm għadd limitat ta’ servizzi pubbliċi tal-kura tas-snien, u trid tħallas tariffa standard skont it-trattament. Il-kura tas-snien bażika hi disponibbli għal ċerti gruppi eleġibbli, inklużi t-tfal, u hi parzjalment appoġġjata mill-Programm tal-Promozzjoni Nazzjonali tas-Saħħa Orali. Dan il-programm japplika biss għar-residenti u l-benefiċjarji tas-Servizz Nazzjonali tas-Saħħa.

Riċetti tat-tabib

  • Parti mill-ispiża tal-mediċini elenkati fil-"Lista Uffiċjali ta' Mediċini Sussidjati mis-Servizzi tas-Saħħa" hija koperta mill-Istat. Ikollok tħallas dak li mhux kopert mill-ewwel. Il-proporzjon tvarja bejn 10% u 85% tal-prezz.
  • L-ispiżeriji normalment jiftħu mit-Tnejn sal-Ġimgħa, mid-9am sas-1pm, u mit-3pm sas-7pm. Nhar ta' Sibt jiftħu mid-9am sas-1pm.
  • Tista' ssib listi ta' spiżeriji li jipprovdu servizz ta' 24 siegħa fi kwalunkwe spiżerija.

Ambulanza

  •  It-trasport bl-ambulanza f’sitwazzjoni ta' emerġenza hu inkluż fl-għoti tal-kura, peress li hu appoġġjat mill-isptar li jagħti t-trattament. Hu disponibbli wkoll it-trasport mhux urġenti ta' pazjent, li jista’ jintuża f’sitwazzjonijiet waqt soġġorn temporanju, bħall-ivvjaġġar mill-post fejn wieħed joqgħod sal-unità fejn il-pazjent ikollu s-sessjoni tad-dijalisi tad-demm jew meta l-pazjent ma jkollux mezz alternattiv ta’ trasport.

Ambulanza bl-ajru

  • Ebda informazzjoni disponibbli.

Rimborż

  • Ma tistax tiġi rimborżat waqt li tkun fil-Portugall.
  • Jekk ikollok tħallas għall-kura tiegħek, ikkuntattja lill-fornitur tal-assikurazzjoni tas-saħħa nazzjonali tiegħek meta tmur lura f'pajjiżek u itlob għal rimborż.

Kontribuzzjoni tal-pazjent

  • Il-kura tas-saħħa taħt is-Servizz Nazzjonali Portugiż tas-Saħħa (NHS) ġeneralment hi bla ħlas, għalkemm hemm mnejn ikollok tħallas tariffa standard.
  • Xi drabi jintalbu tariffi standard biex ikun evitat l-użu mhux meħtieġ tas-servizzi tas-saħħa pubbliċi.
  • It-tfal sa 17-il sena u n-nisa tqala huma eżentati. Hemm ukoll eċċezzjonijiet oħrajn.

Dijaliżi, ossiġenu u kimoterapija

  • Fil-prinċipju, irid ikun hemm arranġamenti minn qabel bejn il-persuna bl-assikurazzjoni u l-isptar/l-unità li se jipprovdi/tipprovdi l-kura sabiex ikun żgurat li l-kura hi disponibbli waqt iż-żjara tal-persuna bl-assikurazzjoni fil-Portugall.
  • Hi meħtieġa riċetta jew rapport mediku li jikkonferma l-marda kronika.

Għal aktar informazzjoni, ikkuntattja lill-awtorità tas-saħħa reġjonali (ARS) rilevanti, li tista’ tagħtik lista tal-fornituri tal-kura tas-saħħa li għandhom ftehim mas-Servizz tas-Saħħa Nazzjonali.


Kif napplika għal EHIC?


Fejn jaċċettaw l-EHIC


Kard mitlufa jew misruqa

Kuntatti għal min għandu EHIC li nħarġet fil-Portugall

Ir-Reġjun tat-Tramuntana

Administração Regional de Saúde do Norte (ARS Norte)

Rua de Santa Catarina, 1288

4000 – 447 Porto

Tel: +351 220 411 000

Email: arsn@arsnorte.min-saude.pt

Ir-Reġjun Ċentrali

Administração Regional de Saúde do Centro (ARS Centro)

Alameda Júlio Henriques S/n

Apartado 1087

3001 – 553 Coimbra

Tel: +351 239 796 800

Email: secretariado.ca@arscentro.min-saude.pt

Liżbona u Tagus Valley

Administração Regional de Saúde de Lisboa e Vale do Tejo (ARS LVT)

Av. Estados Unidos da América, N.° 77

1749 – 096 Lisboa

Tel: +351 218 424 800

Email: geral@arslvt.min-saude.pt

Ir-Reġjun ta' Alentejo

Administração Regional de Saúde do Alentejo (ARS Alentejo)

Largo do Jardim do Paraíso, N.º 1

7000 – 864 Évora

Tel: +351 266 758 770

Email: arsa@arsalentejo.min-saude.pt

L-Algarve

Administração Regional de Saúde do Algarve (ARS Algarve)

E.N. 125 Sítio das Figuras, lote 1, 2º andar

8005 – 145 Faro

Tel: +351 289 889 900

Email: arsalgarve@arsalgarve.min-saude.pt

Madeira

Serviço de Saúde da Região Autónoma da Madeira, E.P.E.

Avenida Luís de Camões, 57

9004 – 514 Funchal

Tel: +351 291 705 600

Email: sri@srs.pt

L-Azores

Direção Regional de Saúde dos Açores

Solar dos Remédios

9701 – 855 Angra do Heroísmo

Tel: +351 295 204 200

E-mail: sres-drs@azores.gov.pt

Ebda aħbar relatata fl-aħħar sitt xhur.

Ixxerja din il-paġna