Oiliúint ateangaireachta – bosca uirlisí

Uirlisí agus acmhainní úsáideacha le haghaidh scileanna ateangaireachta a chleachtadh.

Ranganna fíorúla

Tá ranganna fíorúla ceaptha cur le cúnamh oiliúna ar an láthair i gcás inar gá é sin a dhéanamh.

Cuirimid oiliúint agus ranganna fíorúla idirghníomhacha ar fáil le haghaidh cláir Mháistreachta san Ateangaireacht Chomhdhála.

Sa chomhthéacs sin, tugann ár oiliúnóirí ateangaireachta, a bhfuil ardtaithí acu, treoir agus aiseolas do mhic léinn trí fhíschomhdháil nó ardáin ar líne.

Tá níos mó ná 40 ollscoil ar fud an domhain páirteach sa 'seomra ranga fíorúil' seo againn.

Físeán faoi na ranganna fíorúla

Application for universities: Onsite pedagogical assistance and virtual classes

10 Aibreán 2019

Béarla (504.5 KB - PDF)

Íoslódáil

Teagmháil

Seoladh R-phost

scic-virtual-class@ec.europa.eu

Speech Repository 2.0

Is é atá sa Stór Óráidí (Speech Repository 2.0) uirlis ríomhfhoghlama a d'ullmhaigh Ard-Stiúrthóireacht na hAteangaireachta ina bhfuil ábhar oiliúna closamhairc do mhic léinn agus oiliúnóirí ateangaireachta comhdhála.

Tá bailiúchán d'óráidí taifeadta ann, sleachta as comhdhálacha nó cruinnithe poiblí eile agus óráidí oiliúna a d'ullmhaigh ateangairí de chuid na n-institiúidí Eorpacha. Tá siad curtha in eagar de réir teanga, leibhéal na deacrachta, an mhodha ateangaireachta agus ábhair.

Is féidir rochtain láithreach a fháil ar bhreis agus 4,000 óráid. Cuimsítear ann 24 theanga oifigiúla an Aontais, teanga roinnt de na tíortha is iarrthóir, maille leis an Rúisis, an Araibis agus an tSínis.