Nutrizzjoni u attività fiżika

Ħarsa ġenerali

Biex tikseb livell tajjeb ta’ saħħa u benesseri, kull persuna għandha bżonn:

  • Dieta tajba għas-saħħa
  • Attività fiżika regolari
  • Piż tal-ġisem b’saħħtu

Id-dieti li mhumiex tajbin għas-saħħa u l-inattività fiżika jistgħu jwasslu għal piż kbir fuq is-settur tas-saħħa u baġitarju.

Bidliet żgħar fil-mod kif is-soltu tiekol u attività fiżika regolari jistgħu jagħmlu differenza kbira għal saħħtek u jnaqqsu r-riskju li tiżviluppa mard kroniku. It-titjib fl-istil tal-ħajja jista’ jkun ukoll direttament relatat ma’ titjib fil-prestazzjoni tat-tfal l-iskola u fil-produttività tal-ħaddiema.

X’qiegħda tagħmel l-UE?

L-azzjoni dwar in-nutrizzjoni u l-attività fiżika hi essenzjali għall-promozzjoni tas-saħħa u l-prevenzjoni tal-mard u f’xi oqsma hi biss il-koordinazzjoni tal-UE li tista’ tiżgura r-riżultati.

L-istrateġija dwar kwistjonijiet ta' saħħa relatati man-nutrizzjoni, il-piż żejjed u l-obeżità tal-2007.

  • Tinkoraġġixxi sħubijiet, li jinvolvu gruppi ta’ ħidma fl-oqsma tan-nutrizzjoni u tal-attività fiżika, is-settur privat, il-gvernijiet, il-Kummissjoni Ewropea u l-Organizzazzjoni Dinjija tas-Saħħa (WHO);
  • Tistabbilixxi serje ta’ sfidi għall-industrija tal-ikel, is-soċjetà ċivili u l-midja, billi ssejjaħ għal sforzi kbar lejn it-titjib tar-riċetti bil-prodotti tal-ikel, kummerċjalizzazzjoni u tikkettar responsabbli, u l-promozzjoni tal-attività fiżika fost oħrajn;
  • Tistabbilixxi l-pjanijiet tal-Kummissjoni biex issaħħaħ il-monitoraġġ u r-rappurtar, f’kollaborazzjoni mad-WHO, permezz ta’ inizjattivi bħall-Bażi tad-Data tal-Politika dwar in-Nutrizzjoni jew l-Inventarju Internazzjonali tad-dokumenti dwar il-promozzjoni tal-attività fiżika.

Inizjattivi tal-UE relatati

Koordinazzjoni

Finanzjament u appoġġ

Il-Kummissjoni tipprovdi fondi lil diversi inizjattivi li jindirizzaw in-nutrizzjoni u l-attività fiżika permezz tal-Programm dwar is-Saħħa Pubblika tagħha. Timmaniġġja wkoll proġetti pilota ffinanzjati mill-Parlament Ewropew li jittestjaw prattiki ġodda.

 
Ikklikkja l-buttuna tal-lemin/Issejvja f’format AVI (.avi) jew f'format Quicktime (.mov) biex tniżżel il-filmat