|
Ħarġa 92,
IS 14 ta´ Ġunju 2012
|
|
|
L-14 ta' Ġunju 2012 – Il-Jum Dinji tad-Donaturi tad-Demm "Kull donatur tad-demm hu eroj"
Minn Dr Dominik Schnichels, il-Kap tal-Unità, Kummissjoni Ewropea, Unità għas-Sustanzi ta' oriġini mill-bniedem u l-kontroll tat-Tabakk, SANCO D4
Fl-14 ta' Ġunju niċċelebraw il-Jum Dinji tad-Donaturi tad-Demm b'diversi avvenimenti. It-tema ta' din is-sena hi "kull donatur tad-demm hu eroj". L-għan hu li jitqajjem għarfien għall-ħtieġa ta' aktar donaturi tad-demm voluntarji u regolari. Barra minn hekk, il-Kummissjoni Ewropea tixtieq tfakkar liċ-ċittadini dwar l-importanza li jingħata d-demm u li jingħata għarfien lid-donaturi tad-demm mad-dinja kollha għall-altruwiżmu tagħhom. Mingħajr is-solidarjetà tagħhom, l-isptarijiet ma jkunux jistgħu jagħmlu trasfużjonijiet tad-demm lill-persuni li jeħtiġuhom waqt operazzjonijiet serji, tqala bi problemi jew wara aċċident tat-traffiku. Dawn is-sitwazzjonijiet huma spissi u jistgħu jiġru lil kull wieħed minnha jew lil qrabatna.
Id-demm u l-prodotti tad-demm ma jistgħux jinħażnu għal dejjem, din hi r-raġuni għala l-isptarijiet jeħtiġilhom provvista stabbli ta' għotjiet tad-demm. Barra minn hekk, il-populazzjoni tal-Unjoni Ewropea qed tixjiħ, din qed tkabbar il-prevalenza ta' mard relatat max-xjuħija bħall-kanser jew il-ksur tal-ġenbejn, fejn il-kura tirrikjedi trasfużjonijiet tad-demm.
Il-leġiżlazzjoni tal-UE tgħin biex jiġu żgurati s-sikurezza u l-kwalità tal-għotijiet tad-demm, kemm għad-donaturi kif ukoll għall-pazjenti. Hi tistabbilixxi kriterji ta' eliġibilità u tgħin lid-donaturi jiddeċiedu b'mod responsabbli. Hi teħtieġ li l-boroż ta' demm mogħti fl-UE jiġu ttestjati, u għandha ċerti rekwiżiti ta' kwalità dwar il-mod kif jiġi ttrattat id-demm mill-ġbir sat-tqassim tiegħu, b'hekk id-demm ikun aktar sikur għal kulħadd.
Jekk tixtieq li ssir donatur, agħti daqqa t'għajn lejn il-websjat ta' SANCO fejn għandek issib link għall-programmi nazzjonali ewlenin tad-donazzjoni tad-demm, u l-informazzjoni meħtieġa li jeħtieġlek biex issir eroj.
|
Il-Kummissarju Dalli jniedi Kards b'Rapporti dwar is-Sikurezza tat-Tfal
L-Alleanza Ewropea għas-Sikurezza tat-Tfal ta' EuroSafe, f'partenarjat mad-WHO, il-UNICEF u pajjiżi mseħbin, ipproduċew Kards ta' Rapporti dwar is-Sikurezza tat-Tfal għal aktar minn 30 pajjiż u Kard Ewropea ta' Rapport fil-Qosor li tiġbor fi ftit kliem il-politiki tal-pajjiżi għall-appoġġ lis-sikurezza tat-tfal u tal-adolexxenti.
L-Aġenzija Ewropea għall-Mediċini nediet websajt dwar l-effetti sekondarji
L-Aġenzija Ewropea għall-Mediċini bdiet tippubblika rapport dwar l-effetti sekondarji ssuspettati għal mediċini awtorizzati fiż-Żona Ekonomika Ewropea (ŻEE) f'websajt ġdid: www.adrreports.eu
Il-Kummissjoni tal-UE tippubblika rapport dwar l-implimentazzjoni tal-Programm tas-Saħħa fl-2010
Ir-rapport jagħti informazzjoni dettaljata dwar il-baġit għall-2010, l-eżekuzzjoni tiegħu, inklużi r-riżultati ta' azzjonijiet ewlenin iffinanzjati.
Stqarrija mill-Kummissarju John Dalli dwar it-tabakk
Il-Kummissarju għas-Saħħa u l-Politika tal-Konsumaturi tal-UE jitkellem dwar it-tabakk f'messaġġ iffilmjat għall-Jum Dinji Mingħajr Tabakk – il-31 ta' Mejju 2012.
"Dawk li qatgħu t-tipjip ma jżommhom xejn" filmat ġdid onlajn
Il-Kummissjoni nediet il-fażi li jmiss tal-kampanja "Dawk li qatgħu t-tipjip ma jżommhom xejn" bi tliet filmati ġodda u b'kards biex ma jsirx tipjip fuq l-arjuplan għal passiġġieri tal-ajru.
Paola Testori Coggi, id-Direttur Ġenerali għas-Saħħa u l-Konsumaturi tagħmel diskors dwar l-istrateġiji għal anzjanità attiva u b'saħħitha
Paola Testori Coggi attendiet il-Konferenza dwar il-Governanza Tajba għal Anzjanità Attiva u b'Saħħitha fl-4 ta' Ġunju.
Il-Kummissarju Dalli jagħmel diskors dwar l-istrateġija għas-settur farmaċewtiku
John Dalli, il-Kummissarju għas-Saħħa u l-Politika tal-Konsumaturi tal-UE, attenda l-53 Laqgħa Annwali tal-Grupp Internazzjonali għad-Distribuzzjoni Parmaċewtika (GIRP) f'Lisbona.
Lejlet it-turnew tal-futbol Euro 2012 , l-FC Barcelona ħabbar kooperazzjoni tiegħu mal-kampanja "Dawk li qatgħu t-tipjip ma jżommhom xejn"
Barça u l-Kummissjoni Ewropa jaħdmu id f'id biex jiksbu l-għan komuni li jgħinu liċ-ċittadini Ewropej jeħilsu mill-vizzju tagħhom.
|
|
Spanja
Sforz ġdid biex tiġi evitata l-obeżità
Fit-28 ta' Mejju Spanja ħabbret il-ħolqien ta' Osservatorju nazzjonali għall-Istudji dwar it-Nutrizzjoni u l-Obeżità, li għandu jiġbor informazzjoni dwar id-drawwiet tal-ikel tal-Ispanjoli u dejta dwar l-obeżità u l-piż żejjed, b'mod speċjali fit-tfal. Kważi 46% ta' tfal Spanjoli bl-età ta' bejn is-6 u 9 snin huma ħoxnin jew għandhom piż żejjed.
Franza
Pjan għall-mewġa ta' sħana tas-sajf
Il-pjan nazzjonali annwali għall-mewġa ta' sħana (PNC) kien attivat fl-1 ta' Ġunju, din is-sorveljanza tal-istaġun għandha tagħti informazzjoni dwar ir-riskji għas-saħħa matul it-temp jaħraq tas-sajf għall-pubbliku inġenerali, il-professjonisti, l-istituzzjonijiet tas-saħħa, l-awtoritajiet lokali eċċ
|
Il-Kummissjoni tal-UE u l-UEFA jaqblu li EURO 2012 "ħieles mit-tipjip" jagħti spinta għas-saħħa tal-Ewropa
Id-deċiżjoni tal-UEFA li tipprojbixxi t-tabakk mit-tielet l-akbar avveniment sportiv dinji timxi fuq l-istess linji tal-isforzi li għaddejjin bħalissa tal-Kummissjoni Ewropea biex jitwaqqaf u jkun ikkontrollat it-tipjip u biex jintbagħat messaġġ qawwi u spirat dwar il-valur tal-ħajja mingħajr tabakk.
L-Ombudsman isejjaħ għal aktar trasparenza li tikkonċerna l-mediċini għat-tfal
L-Ombudssman Ewropew, P. Nikiforos Diamandouros, sejjaħ lill-Aġenzija Ewropea għall-Mediċini (EMA) biex iżżid it-trasparenza tal-proċeduri tagħha biex jiġi żgurat li t-tfal ikunu jistgħu jibbenefikaw mill-mediċini l-ġodda.
L-1000 tismija ta' prodott mediċinali orfni: titjib fil-ħajja tal-pazjenti
L-għadd żgħir ta' pazjenti affettwati b'mard uniku u l-frammentazzjoni tat-tagħrif dwar mard rari jirriżultaw f'diffikultajiet għal persuni biex jingħataw dijanjosi korretta. L-1000 tismija tal-lum għall-prodott mediċinali orfni jimmarka suċċess tremend fit-titjib ta' din is-sitwazzjoni.
|
|
Konferenza Dinjija 2012 dwar l-Anzjanità Attiva b'Saħħitha u t-Teknoloġija (f'Eindhoven, mis-26 sad-29 f'Ġunju 2012)
Bit-tema "Min jibża' mix-xjuħija?", il-konferenza organizzata mis-Soċjetà Internazzjonali għall-Ġeronteknoloġija għandha tanalizza l-aspetti kollha tas-soċjetà li qed tixjiħ.
Partenarjat Ewropew għall-Forum ta' Diskussjoni Pubblika dwar l-Azzjoni Kontra l-Kanser (Ruma, 19-20 Ġunju)
Il-Forum ta' Diskussjoni Pubblika se jkun organizzat mill-Ministeru tas-Saħħa Taljan u se jkun ikkaratterizzat bit-temi tal-Promozzjoni u l-Prevenzjoni tal-Kanser u tal-Informazzjoni u d-Dejta dwar il-Kanser
It-22 Kungress ta' Kull Sentejn tal-Assoċjazzjoni Ewropea għar-Riċerka dwar il-Kanser (EACR-22) (f'Barċellona, mis-7 sal-10 ta' Lulju 2012)
L-EACR-22 se tipprovdi forum għal diskussjoni bejn ix-xjentisti li qed jaħdmu fl-oqma tar-riċerka dwar il-Kanser. Hu għandu jiffoka fuq l-aħħar żviluppi minn riċerka permezz ta' kura għall-kanser personalizzata.
Il-Ġejjieni tal-Istrateġija għall-Alkoħol tal-UE (fi Brussell, fis-27 ta' Ġunju 2012)
Organizzat mill-Alleanza Ewropea għall-Politika tal-Alkoħol – b'kooperazzjoni ma' Eurohealthnet, il-Kunsill tas-Sikurezza fit-Trasport Ewropew u l-Legi tal-Kunsilli Ewropej – dan l-avveniment se jkun opportunità biex jiġu indirizzati l-isforzi li jittrattaw il-ħsara relatata mal-alkoħol.
|
|
Proġett Ewropew ta' stħarriġ fl-iskejjel dwar l-alkoħol u drogi oħrajn (ESPAD)
Studju ġdid ta' ESPAD juri b'mod ġenerali użu stabbli tad-droga fost studenti u tnaqqis fix-"xorb episodiku qawwi", iżda ebda tnaqqis fit-tipjip tas-sigaretti.
Interventi biex jitjiebu l-qari u l-kitba dwar is-saħħa
L-ECDC ippubblika dokument li jagħti ħarsa ta' malajr fuq l-evidenza dwar l-effettività ta' interventi biex jittejbu l-qari u l-kitba dwar is-saħħa.
L-ECDC jippubblika rapport ġdid li jivvaluta l-kura tal-HIV bħala prevenzjoni fil-kuntest Ewropew
Ir-rapport "Il-valutazzjoni tal-kura tal-HIV bħala prevenzjoni fil-kuntest Ewropew" jiġbor evidenza dwar l-effetti tal-użu tal-kura antiretrovirali biex tkun evitata l-infezzjoni tal-HIV, u jassoċja din l-evidenza mal-linji gwida attwali għall-kura tal-HIV.
|
Għid x'taħseb dwar il-portal Saħħa-UE
Għinna nivvalutaw il-portal billi tieħu sehem fis-servej tagħna onlajn.
|
14 ta' Ġunju 2012 – Il-Jum Dinji tad-Donaturi tad-Demm "Kull donatur tad-demm hu eroj"
Attivitajiet fil-livell ta' l-UE
Saħħa Pubblika – Demm
Il-Kummissjoni Ewropea – DĠ Saħħa u Konsumaturi
Aħbarijiet
Stqarrija permezz ta' filmat mill-Kummissarju John Dalli
Il-Kummissarju għas-Saħħa u l-Politika tal-Konsumaturi tal-UE jitkellem dwar l-għoti tad-demm f'messaġġ iffilmjat għall-Jum Dinji tad-Donaturi tad-Demm.
Il-Jum Dinji tad-Donaturi tad-Demm
Il-Jum Dinji tad-Donatur tad-Demm hu avveniment annwali li jsir kull sena fl-14 ta' Ġunju. L-għan li jingħażel dan il-jum tas-sena u li jgħaqqdu maċ-ċelebrazzjoni dinjija hu li jiġi promozz l-għoti ta' demm b'mod volontarju u bla ħlas mad-dinja kollha.
Premju tal-UE għall-ġurnaliżmu fil-qasam tas-Saħħa - Artikli
Kulħadd irid jgħix
Minn Majka Lisińska-Kozioł, il-persuna nominata mill-Polonja (2011).
Definizzjoni ġdida għad-donazzjoni
Minn Moira Mizzi, il-persuna nominata minn Malta (2011).
Proġetti tal-Programm għas-Saħħa
Il-proġett DOMAINE – Immaniġġjar tad-Donaturi fl-Ewropa
Dan il-proġett jikkontribwixxi biex tinħoloq provvista sikura u suffiċjenti ta' demm billi jqabbel u jirrikkmanda prattika tajba għall-immanniġġjar tad-donaturi.
EuBIS – Proġett Ewropew għall-Ispezzjoni tad-Demm
Il-proġett jindirizza l-kwalità u s-sikurezza tad-demm u hu mmirat għal dawk responsabbli għat-tħaddim ta' stabbilimenti tad-demm u għal dawk responsabbli li jispezzjonawhom.
Ħoloq interessanti oħra
Direttorat Ewropew għall-kwalità tal-Mediċini u l-Kura tas-Saħħa (EDQM) – xogħol tal-Kunsill tal-Ewropa fil-qasam tat-trasfużjoni tad-demm
L-Aħjar Użu tad-Demm fl-UE – il-promozzjoni tat-titjib għall-proċess tat-trasfużjoni klinika.
Il-Federazzjoni Internazzjonali tal-Organizzazzjonijiet tad-Donaturi tad-Demm
|
|
