Il-firxa tal-HIV u ż-żieda fl-użu tad-droga b'injezzjoni (IDU) f'ħafna pajjiżi tal-Ewropa tal-Lvant, ħolqu grupp ta' riskju ġdid għat-tuberkulosi (TB).
Minn jieħu d-droga ġol-vini huwa vulnerabbli għat-TB. Isibu ostakli biex jingħataw aċċess għall-kura marbuta mat-TB u l-HIV u jistgħu ma jfittxux kura. Hemm bżonn li nindirizzaw dawn l-ostakli biex intejbu l-aċċess għall-kura. Id-dipendenza u problemi oħra jistgħu jagħmlu sfida ikbar biex wieħed isegwi kors ta' kura għat-TB sal-aħħar, u l-pazjenti għandhom bżonn l-għajnuna kollha li nistgħu nagħtuhom.
Minkejja dijanjosi u kura aħjar, il-ġlieda kontra t-TB tkompli, u sfidi ġodda għandhom bżonn azzjoni koordinata li tinvolvi l-imsieħba kollha possibbli – mhux biss is-sistemi u l-atturi tal-kura tas-saħħa tradizzjonali. L-istitut tagħna jaħdem biex itaffi l-piż tat-TB fuq il-pajjiżi u l-individwi biex inaqqas ir-rati ta' mortalità tal-pazjenti.
L-imsieħba ewlenin tagħna huma l-fornituri tal-kura tas-saħħa, iżda f'dawn l-aħħar snin organizzazzjonijiet ibbażati fil-komunità (CBO) qed jinvolvu ruħhom iktar. Huwa assolutament importanti d-dijanjosi bikrija u l-kura effettiva fil-ġlieda kontra l-HIV u t-TB marbuta mal-IDU u s-CBO għandhom l-opportunitajiet uniċi biex jedukaw lill-gruppi fir-riskju, jindentifikaw il-każijiet, jittraċċaw il-kuntatti tal-pazjenti u jgħinuhom jibqgħu fil-kura.
Biex jingħata iktar poter lis-sistemi tas-saħħa u s-CBO u tiżdied il-kooperazzjoni fost il-partijiet interessati, imsieħba minn għadd ta' pajjiżi tal-Ewropa tal-Lvant se jniedu proġett TUBIDU, bl-appoġġ mill-programm tas-saħħa tal-UE 2008-0213.
