Ilna għexieren sħaħ ta' snin nużawhom ħażin l-antibijotiċi. Minħabba f'hekk, qed jitilfu l-effett tagħhom b'pass allarmanti. Fl-istess ħin, ftit li xejn qed jiġu żviluppati antibijotiċi li kapaċi jegħlbu r-reżistenza. Diġà huwa rrappurtat li infezzjonijiet b'batterji reżistenti għall-antibijotiċi qed joqtlu mhux inqas minn 25,000 ruħ fis-sena fl-UE.
Bosta pajjiżi tal-UE ffukaw fuq aspetti differenti tar-reżistenza għall-antibiotiċi waqt il-presidenzi tagħhom. Il-presidenza Żvediża tal-UE dan l-aħħar ospitat konferenza dwar "Inċentivi innovattivi għal antibatterji effiċjenti". L-għan kien li jiġu esplorati modi kif jinħolqu inċentivi għall-iżvilupp ta' antibijotiċi ġodda, inklużi l-mekkaniżmi regolatorji u strumenti finanzjarji innovattivi biex jitnaqqas id-distakk bejn it-toqol tar-reżistenza għall-antibijotiċi u l-iżvilupp ta' mediċini antibatteriċi.
L-użu għaqli u responsabbli tal-antibijotiċi huwa essenzjali biex titrażżan l-emerġenza u l-firxa ta' batterji reżistenti. Eżempju tal-problema huwa l-preskrizzjoni żbaljata tal-antibijotiċi fil-kura ewlenija għall-infezzjonijiet tan-nifs. Dan l-aħħar, ir-riċerkaturi tan-netwerk =ta' eċċellenza ffinanzjata mill-UE GRACE ħarset lejn varjazzjonijiet madwar l-Ewropa fl-użu tal-antibijotiċi fit-trattament ta' sogħla akuta u l-effetti tal-irkupru. Sabu distakki qawwija bejn il-pajjiżi li ma kinux iġġustifikati klinikament.
Il-preskrizzjoni tal-antibijotiċi fil-kura primarja hija waħda mill-oqsma importanti waqt it-tieni Jum Ewropew tal-Għarfien dwar l-Antibijotiċi fit-18 ta' Novembru 2009. Kien miftiehem ukoll waqt is-samit bejn l-UE u l-Istati Uniti fit-3 ta' Novembru li tiġi stabbilita taskforce transatlantika dwar kwistjonijiet ta' reżistenza antimocrobjali urġenti. Jinħtieġ rispons magħqud dinji biex jiġu indirizzati r-rati dejjem jiżdiedu ta' reżistenza għall-antibijotiċi. Jekk ma jsirx hekk, nispiċċaw immorru lura għall-era ta' qabel ma kellna l-antibijotiċi.