Fl-24 ta' Marzu, infakkru Il-Jum Dinji tat-TB. Nammettu li sar ħafna biex titwaqqaf it-TB iżda għad fadal ħafna xi jsir.
It-tuberkulożi affettwat soċjetajiet b'mod li ftit mard infettiv għamel. Barra min hekk tibqa' sfida prinċipali għas-saħħa pubblika. It-TB tista' titfejjaq iżda t-testijiet, il-prevenzjoni u l-kura attwali għadhom jagħtu problemi evidenti. Il-ġlieda biex tinqered it-TB teħtieġ riżorsi ġodda biex jinħolqu mediċini, apparti għad-dijanjostika u tilqim ġodda.
Fl-UE, fejn in-numru tal-każijiet tat-TB qed jonqos, l-istrateġija għandha tiffoka fuq iż-żoni metropolitani u l-popolazzjonijiet vulnerabbli fejn bħalissa l-okkorrenza tat-TB hija 'l fuq mill-medja nazzjonali. Pajjiżi li għandhom inċidenza ogħla tat-TB għandhom jiżviluppaw u jimplimentaw programmi nazzjonali bħala parti mill-pjan ta' azzjoni Ewropew għall-ġlieda kontra t-tuberkulożi.
Il-kontroll tat-TB fl-Istati Membri jeħtieġu investiment kemm fuq livell nazzjonali u tal-UE. Għandhom jiġu indirizzati żewġ kwistjonijiet prinċipali:
• It-TB hija kawża prinċipali ta' mewt fost persuni bl-HIV/AIDS
• In-numru tal-każijiet tal-MDR-TB qed jiżdied.
Id-dedikazzjoni u x-xogħol iebes min-naħa tal-uffiċjali tas-saħħa pubblika qed jgħin biex dawn ir-rati jiġu evitati milli jiżdiedu. L-involviment tas-soċjetà ċivili u s-sħubijiet pubbliċi-privati huma importanti fit-tfassil, l-implimentazzjoni u l-valutazzjoni tal-politiki dwar it-TB u t-TB/HIV fuq livell nazzjonali, reġjonali u internazzjonali.