Il-fuljett "Fatti u ċifri dwar il-PKS" u l-verżjoni onlajn jiddeskrivu s-settur tas-sajd u tal-akkwakultura f'ċifri. Hu bbażat l-iktar fuq dejta miġbura mill-Eurostat, l-Uffiċċju tal-Istatistika tal-Unjoni Ewropea, iżda wkoll fuq ċifri miġbura mill-Kummissjoni Ewropea u l-FAO. Jeżamina l-aħħar żviluppi fis-settur tas-sajd fis-28 pajjiż tal-UE u l-pajjiżi kandidati. Huma koperti s-setturi kollha: il-qabdiet, l-akkwakultura, il-kummerċ, l-għajnuna tal-Komunità, l-ipproċessar u l-indikaturi soċjo-ekonomiċi relatati kollha, bħall-impjieg, il-flotta u l-konsum.

L-għan tal-Atlas Ewropew tal-Ibħra hu li joffri firxa wiesgħa ta' informazzjoni dwar l-ibħra tal-Ewropa inklużi:

• Siti marittimi protetti ta' Natura 2000
• il-kwoti tal-ħut għal kull speċi u għal kull żona
• il-flotta tas-sajd Ewropea

Hu disponibbli bl-Ingliż, il-Ġermaniż u l-Franċiż.

L-Osservatorju tas-Suq Ewropew għall-prodotti tas-Sajd u tal-Akkwakultura (EUMOFA) huwa bażi tad-dejta multilingwi onlajn bil-għan li jtejjeb l-għarfien tas-suq u t-trasparenza tas-suq tas-sajd u tal-akkwakultura fl-UE. Jipprovdi aċċess għal dejta komprensiva f’ħin reali dwar il-prezz, il-valur u l-volum tal-produzzjoni madwar l-Unjoni Ewropea kollha kif ukoll informazzjoni u analiżi tas-suq.