Faigh cúnamh don rannóg seo

AG EARCÚ THAR LEAR

Trí oibrithe as tíortha eile de chuid an Limistéir Eorpaigh Eacnamaíoch (LEE), tá deis ag gnóthaí oibrithe oilte tiomanta a aimsiú, go háirithe i gcás ganntanas náisiúnta a bheith ann san fhórsa saothair in earnálacha sonracha den gheilleagar. Thig le fostú den sórt sin a bheith ina chabhair i leith nuálaíochta agus iomaíochais freisin.

Ach d’fhéadfadh sé tarlú gur tasc deacair é oibrithe as tír Eorpach eile a aimsiú i gcás nach bhfuil a leithéid déanta agat roimhe.  Conas a chuireann tú tús leis an bpróiseas? Cad iad na nithe atá le breithniú? Cé atá ann chun cabhair agus tacaíocht a thabhairt duit?

Tabharfaidh an seicliosta tríchodach anseo thíos leide duit faoi na bearta is gá a dhéanamh roimh (na bearta taighde), le linn (an próiseas earcaíochta i dtír eile de chuid an LEE) agus tar éis (an próiseas coinneála) earcaíocht a dhéanamh thar lear.

 Seicliostaí

Má tá ceist agat faoi earcaíocht a dhéanamh thar lear, cliceáil ar an gcnaipe “Contact a EURES adviser[“Déan teagmháil le Comhairleoir EURES”] chun an comhairleoir EURES is gaire duit a aimsiú.
Mar inspioráid duit, seo a leanas roinnt tuairimí ó fhostóirí a fuair tairbhe as earcaíocht a dhéanamh thar lear, le cúnamh ó Chomhairleoirí EURES nó ag aontaí earcaíochta arna n-eagrú ag EURES:

AN RÍOCHT AONTAITHE

‘Tá ’Jacaranda Recruitment’ i mbun oibre le EURES ar bhonn rathúil le roinnt blianta anois. Táthar tar éis tacú linn maidir le hiarrthóirí oiriúnacha a aimsiú le haghaid hearcaíochta buan san earnáil shóisialta sa Ríocht Aontaithe agus táimid ag súil go mór le himeachtaí na bliana seo chugainn agus comhoibrithe eile lenár gcomharsana Eorpacha.’

Rene Mantik, Sainchomhairleoir Margaíochta Idirnáisiúnta
Jacaranda Recruitment, An Ríocht Aontaithe

 AN ÍSILTÍR

‘Táimid i mbun oibre le EURES ón mbliain 1996 i leith. Bliain i ndiaidh bliana cabhraíonn go leor comhairleoirí i dtíortha éagsúla linn thart ar 370 fostaí séasúrach a earcú. Bíonn Comhairleoirí EURES i gcónaí an-chairdiúil, ar an eolas agus bíonn a fhios acu conas ár gcuideachta a lonnú ina dtír siúd. Tá go leor muiníne againn i EURES agus is mor an phribhléid dúinn a bheith ag obair leo.’

Isabelle van Aarle, Bainisteoir Ghinearálta,
Cosmo Entertainment, An Ísiltír

MÁLTA

Ba mhór an pléisiúr a bhí ann do MISCO Málta páirt a ghlacadh san Aonach Fostaíochta Eorpach sa Bhruiséil. Ba é seo an chéad uair gur ghlac MISCO páirt in aonach fostaíochta idináisiúnta agus ba dhearfach an t-eispéireas é a bhfuilimid ag súil le páirt a ghlacadh ann arís amach anseo. Chuir EURES le rathúlacht an aonaigh fhostaíochta seo agus ba mhaith linn buíochas a ghabháil leo as ucht a gcuid cabhrach.

Ms Joanne Scerri
Feidhmeannach AD, MISCO
Málta

AN GHRÉIG

‘Ag ‘Climax’ is maith linn foireann idirnáisiúnta a bheith againn chun déileáil lenár gcustaiméirí idirnáisiúnta ioamdúla. Mar sin soláthraíonn EURES an tseirbhís fhoirfe le haghaidh ár mbialann agus soláthraítear amhail i mbealach éifeachtúil agus cabhrach. Tá a fhios ag ár gComhairleoir EURES áitiúil go díreach cad a bhíonn á lorg againn nuair a earcaímid foireann agus bíonn sí i gcónaí an-tapa ag dul i dteagmháil linn nuair a thagann sí trasna ar CV suimiúil.’

Papangelis Polyhronis, Úinéir,
Climax Restaurant and Bar, An Ghréig

Fáiltímid roimh theachtaireachtaí ríomhphoist faoi mholtaí le haghaidh topaicí nua a chuirfear leis an seicliosta (seoladh ríomhphoist: empl-eures@ec.europa.eu).