×

Grazzi talli żort is-sit web il-ġdid tal-Edukazzjoni u t-Taħriġ.  Bħalissa l-maġġoranza tal-paġni huma disponibbli bl-Ingliż.  Madankollu, bħalissa qiegħda ssir it-traduzzjoni tas-sit fit-23 lingwa l-oħra tal-UE.  Naġġornaw il-paġni jekk kif ikollna f’idejna t-traduzzjonijiet.

Dwar l-inizjattivi fil-qasam tal-edukazzjoni

L-inizjattivi joffru lill-istudenti u l-professjonisti tal-edukazzjoni l-opportunità li jsibu kors, jakkwistaw il-finanzjament u jifhmu aħjar is-sistemi tal-edukazzjoni fl-UE kollha.

L-UE toffri lill-istudenti, l-apprendisti u t-trainees prospettivi l-possibbiltà ta’ esperjenza vibranti f’xi wħud mill-aktar istituzzjonijiet ta’ tagħlim progressivi. L-inizjattiva Studja fl-Ewropa tista’ toffri lil dawk li qed ifittxu li jieħdu l-pass li jmiss fl-edukazzjoni, l-għodod li jeħtieġu biex jifhmu aħjar liema opportunitajiet huma disponibbli. L-istudenti u l-professjonisti fil-qasam tal-edukazzjoni jistgħu wkoll ikollhom aċċess għal SELFIE, u b’hekk jikber il-fehim tagħhom ta’ kif iċ-ċentri tat-tagħlim qed jiżviluppaw ir-riżorsi tagħhom biex jikkompetu f’suq dejjem aktar diġitali u globali. 

It-tkabbir tal-opportunitajiet fl-edukazzjoni u t-taħriġ jibqa’ ta’ importanza kbira għall-UE u l-Istati Membri tagħha. Permezz ta’ dawn l-inizjattivi, nistgħu nifhmu aħjar kif nistgħu nilħqu l-potenzjal sħiħ tagħna bl-aħjar mod - sew jekk ikun student li qed jieħu l-pass li jmiss lejn kors f’università fl-UE jew uffiċjal li jrid itejjeb il-kapaċità f’faċilità partikolari. Ikseb informazzjoni essenzjali dwar l-edukazzjoni li għandha x’toffri l-UE.