Xi funzjonijiet tal-portal ta’ WiFi4EU, inkluża l-funzjonalità “applika”, mhumiex disponibbli bil-verżjoni tiegħek ta’ Internet Explorer: jekk jogħġbok biddel jew aġġorna l-brawżer tiegħek qabel tapplika.

Il-Kummissjoni Ewropea tixtieq tippromwovi konnettività Wi-Fi b’xejn għaċ-ċittadini u l-viżitaturi fl-ispazji pubbliċi bħall-parks, il-pjazez, il-bini pubbliku, il-libreriji, iċ-ċentri tas-saħħa, u l-mużewijiet kullimkien fl-Ewropa permezz ta’ WiFi4EU.
BG | CS | DA | DE | EL | EN | ES | ET | FI | FR | GA| HR | HU | IT | LT | LV| NL | PL | PT | RO | SK | SL | SV

L-inizjattiva WiFi4EU – Pjan Direzzjonali Indikattiv

Il-baġit għall-iskema WiFi4EU hu ta’ EUR 120 miljun bejn l-2017-2019. Dan se jappoġġja l-istallazzjoni ta’ tagħmir tal-Wi-Fi tal-ogħla livell fiċ-ċentri tal-ħajja komunitarja.

Li kulħadd jibbenefika minn konnettività jfisser li m’għandhiex tagħmel differenza fejn toqgħod jew kemm taqla’ flus. Għalhekk illum nipproponu li f’kull villaġġ u f’kull belt Ewropea jkun hemm tagħmir għal aċċess għall-internet bla fili b’xejn madwar iċ-ċentri ewlenin tal-ħajja pubblika sal-2020.
Jean-Claude JUNCKER - Diskors tal-Istat tal-Unjoni, Settembru 2016

Min se jibbenefika?

L-Ewropej kollha

L-iskema WiFi4EU se titqassam b’mod ġeografiku bbilanċjat, sabiex kemm ir-residenti kif ukoll il-viżitaturi ta’ eluf ta’ komunitajiet lokali fl-UE kollha jkunu jistgħu jibbenefikaw minn konnettivitajiet b’veloċità għolja, tal-inqas minn 6,000 sa 8,000 komunità lokali sal-2020.

Korpi pubbliċi lokali

L-iskema WiFi4EU se tkun miftuħa għal entitajiet tas-settur pubbliku – tipikament muniċipalitajiet, libreriji, ċentri tas-saħħa lokali, eċċ... Se tiffinanzja l-ispejjeż għat-tagħmir u għall-installazzjoni (punti ta’ aċċess għall-internet), filwaqt li l-benefiċjarju se jħallas għall-konnettività (abbonament għall-internet) u ż-żamma tat-tagħmir f’qagħda tajba għal tal-inqas 3 snin.

L-awtoritajiet lokali se jiġu mħeġġa jiżviluppaw u jippromwovu s-servizzi diġitali tagħhom stess f’oqsma bħall-gvern elettroniku, is-saħħa elettronika u t-turiżmu elettroniku eċċ... f’app apposta.

Kif tapplika għall-WiFi4EU?

L-iskema WiFi4EU se titwassal permezz ta’ proċeduri sempliċi u mhux burokratiċi bħall-applikazzjonijiet onlajn, ħlas bil-vawċers u rekwiżiti ta’ monitoraġġ mhux stretti.

Il-proġetti se jintgħażlu fuq bażi ta’ “min jiġi l-ewwel, jinqeda l-ewwel”. Il-promoturi tal-proġetti li japplikaw għall-iskema għandhom jipproponu li t-tagħmir jitpoġġa f’żoni fejn ma jeżistix hotspot tal-Wi-Fi pubbliku jew privat bla ħlas li joffri karatteristiċi simili.

WiFi4EU — Mistoqsijiet u Tweġibiet

L-aħħar aħbarijiet

L-ewwel sejħa għall-applikazzjonijiet ġiet ikkanċellata. Sejħa ġdida għall-applikazzjonijiet se titnieda fil-ħarifa tal-2018 (id-data preċiża għad trid titħabbar).

Il-Kummissjoni nediet konsultazzjoni pubblika (skadenza fil-5 ta’ Ottubru) biex twettaq riċerka tas-suq dwar Servizz Uniku ta’ Awtentikazzjoni u ta’ Monitoraġġ ta’ WiFi4EU: Konsultazzjoni Preliminari tas-Suq.

Dokumenti relatati:

Ikkuntattjana bl-email

WiFi4EU Newsletter

To receive information about the steps of the WiFi4EU initiative as soon as they are made public, you may subscribe to our mailing list by inserting your email address below: