Tacaíocht na saoránach don ghníomhú ar son na haeráide

Beartas

Is ábhar mór imní do mhuintir na hEorpa an t-athrú aeráide agus tacaíonn siad le gníomhú ina choinne ar fud an Aontais, sin de réir suirbhé Eorabharaiméadair a tháinig amach le déanaí ón gCoimisiún Eorpach.

Suirbhé 2019

Príomhthorthaí an tsuirbhé

Measann 93% de shaoránaigh an Aontais gur fadhb thromchúiseach é an t-athrú aeráide agus is fadhb "an-tromchúiseach" é dar le 79%.
Ceapann 92% d’fhreagróirí an tsuirbhé go bhfuil sé tábhachtach go leagfadh a rialtas náisiúnta síos spriocanna chun úsáid fuinnimh ó fhoinsí in-athnuaite a mhéadú faoi 2030 agus ceapann 88% díobh gur cheart do na rialtais tacaíocht a thabhairt chun éifeachtúlacht fuinnimh a fheabhsú faoi 2030.
Creideann 84% díobh gur ceart tuilleadh tacaíochta airgeadais a thabhairt don aistriú chuig cineálacha glana fuinnimh, fiú má fhágann sin go laghdófar fóirdheontais do bhreoslaí iontaise.
Aontaíonn 92% de na freagróirí, agus níos mó ná ochtar as deichniúr i ngach Ballstát, gur cheart astaíochtaí gás ceaptha teasa a laghdú go dtí an leibhéal is ísle is féidir agus bearta cúitimh a dhéanamh do na hastaíochtaí atá fágtha, chun go mbeidh geilleagar an Aontais neodrach ó thaobh na haeráide de faoi 2050.

Borradh a chur faoin ngeilleagar agus faoin bhfostaíocht

Aontaíonn níos mó ná ochtar as deichniúr (81%) d’fhreagróirí an tsuirbhé gur féidir leis an Aontas Eorpach leas eacnamaíoch a bhaint as saineolas an Aontais ar theicneolaíochtaí glana a chur chun cinn lasmuigh den Aontas, agus creideann 79% díobh go gcabhróidh sé le gnólachtaí an Aontais a bheith níos nuálaí agus níos iomaíche ach beart a dhéanamh faoin athrú aeráide.

Aontaíonn tromlach mór (72%) gur féidir cinnteacht an tsoláthair fuinnimh a mhéadú agus go mbeidh leas eacnamaíoch ann don Aontas Eorpach má laghdaítear iompórtálacha breoslaí iontaise ó thíortha lasmuigh den Aontas.

An pobal ag gníomhú

Tá gníomh sonrach amháin ar a laghad i gcoinne an athraithe aeráide déanta ag 93% de na freagróirí, go háirithe dramhaíl a laghdú agus a athchúrsáil (75% de na freagróirí) agus úsáid na n-earraí indiúscartha a laghdú aon uair is féidir sin (62%).

Oiriúnú don athrú aeráide

Aontaíonn seachtar as deichniúr de na freagróirí (70%) gur féidir toradh dearfach a bheith ann do shaoránaigh san Aontas Eorpach ach oiriúnú do na drochiarmhairtí a bhíonn ag an athrú aeráide.

An tuarascáil ina hiomláine agus eolas faoi gach Ballstát

An tuarascáil ina hiomláine

Faigh amach faoi dhearcadh na ndaoine i leith an athraithe aeráide i dtíortha éagsúla ar fud an Aontais Eorpaigh:

Doiciméid

Eorabharaiméadar speisialta faoin athrú aeráide: Iúil 2017

An tuarascáil iomlán

An Ostair	An Ghearmáin	An Pholainn
An Bheilg	An Ghréig	An Phortaingéil
An Bhulgáir	An Ungáir	An Rómáin
An Chróit	Éire	An tSlóvaic
An Chipir	An Iodáil	An tSlóivéin
An tSeicia	An Laitvia	An Spáinn
An Danmhairg	An Liotuáin	An tSualainn
An Eastóin	Lucsamburg	An Ríocht Aontaithe
An Fhionlainn	Málta
An Fhrainc	An Ísiltír

Eorabharaiméadar speisialta faoin athrú aeráide: Samhain 2015

An tuarascáil iomlán

An Ostair	An Ghearmáin	An Pholainn
An Bheilg	An Ghréig	An Phortaingéil
An Bhulgáir	An Ungáir	An Rómáin
An Chróit	Éire	An tSlóvaic
An Chipir	An Iodáil	An tSlóivéin
Poblacht na Seice	An Laitvia	An Spáinn
An Danmhairg	An Liotuáin	An tSualainn
An Eastóin	Lucsamburg	An Ríocht Aontaithe
An Fhionlainn	Málta
An Fhrainc	An Ísiltír