Min jista' jiġi?

Gruppi biss – 15-il persuna jew aktar fl-età ta' 15-il sena jew aktar (eż. tfal tal-iskola, studenti, gruppi ta' professjonisti u msieħba soċjali jew kwalunkwe grupp ta' interess ieħor).

Il-Kummissjoni ma tistax tirranġa żjajjar pubbliċi għal individwi.

L-uffiċċju tal-Kummissjoni fil-Lussemburgu jorganizza wkoll żjajjar ta' informazzjoni .

X'tip ta' żjajjar huma disponibbli?

Jeżistu 3 tipi ta' żjajjar:

Żjara ta' Informazzjoni Ġenerali

• Maħsuba għal persuni li ftit li xejn jafu dwar l-UE inklużi gruppi tal-iskola sekondarja għolja.
• Tikkonsisti f'taħdita ġenerali dwar l-UE (fil-lingwa tal-grupp meta jkun possibbli) segwita minn sessjoni ta' mistoqsijiet u tweġibiet.
• Iddum 90 minuta.

Żjara ta' Informazzjoni Speċifika

• Maħsuba għal studenti universitarji u gruppi b'interess speċifiku.
• Tinkludi introduzzjoni dwar ir-rwol tal-istituzzjonijiet tal-UE u speċjalment dak tal-Kummissjoni segwita minn preżentazzjoni dwar politika speċifika tal-UE ta' interess dirett għall-grupp.
• Iddum tliet sigħat.

Żjara ta' Informazzjoni Mfassla Apposta

• Maħsuba għall-ġurnalisti, ir-rappreżentanti tal-gvern nazzjonali u lokali, l-assoċjazzjonijiet tan-negozju, il-gruppi professjonali mis-settur pubbliku u privat, it-trejdjunjins, l-akkademiċi inklużi l-istudenti b'lawrija u li qed jagħmlu riċerka.
• Tikkonsistu fi programm imfassal apposta skont l-interessi tal-grupp u tista' tikkonsisti f’introduzzjoni dwar l-UE segwita minn massimu ta' 4 preżentazzjonijiet dwar politiki speċifiċi tal-UE mogħtija minn uffiċjali tal-Kummissjoni li jittrattaw il-kwistjonijiet involuti.
• Iż-żjara ddum nofstanhar jew ġurnata sħiħa.

Kif tapplika?

Imla l-formola ta’ applikazzjoni onlajn . Minħabba l-għadd kbir ta’ applikazzjonijiet li nirċievu, ikollna bżonn tal-anqas 10 ġimgħat biex inħejju ż-żjara.

Fejn issir iż-żjara?

Fiċ-Ċentru tal-Viżitaturi tal-Kummissjoni Ewropea fi Brussell – rue de la Loi 170, 1040 Brussell.

Għal raġunijiet ta' sigurtà, ma norganizzawx żjajjar gwidati tal-bini tal-Kummissjoni.