Mogħdija tan-navigazzjoni

European Commission Visitors' Centre

Min jista' jiġi?

Gruppi – 15-il persuna jew aktar bl-età ta' 15-il sena jew aktar (eż. tfal tal-iskola, studenti, gruppi ta' professjonisti u msieħba soċjali jew kwalunkwe grupp ta' interess ieħor).

L-uffiċċju tal-Kummissjoni fil-Lussemburgu jorganizza wkoll żjarat ta' informazzjoni français (fr) .


X'tip ta' żjarat huma disponibbli?

Jeżistu 3 tipi ta' żjarat:

Żjara ta' Informazzjoni Ġenerali

  • Maħsuba għal persuni li ftit li xejn jafu dwar l-UE inklużi gruppi minn skejjel sekondarji għolja.
  • Tikkonsisti f’taħdita ġenerali dwar ir-rwol tal-Kummissjoni Ewropea fl-UE (fil-lingwa tal-grupp meta jkun possibbli) segwita minn sessjoni ta’ mistoqsijiet u tweġibiet.
  • Iddum 90 minuta.

Żjara ta' Informazzjoni Speċifika

  • Maħsuba għal studenti universitarji u gruppi b'interess speċifiku.
  • Tinkludi introduzzjoni dwar ir-rwol tal-Kummissjoni Ewropea fl-UE segwita minn preżentazzjoni dwar politika speċifika tal-UE ta’ interess dirett għall-grupp.
  • Iddum tliet sigħat.

Żjara ta' Informazzjoni Mfassla Apposta

  • Maħsuba għall-ġurnalisti, ir-rappreżentanti tal-gvern nazzjonali u lokali, l-assoċjazzjonijiet tan-negozju, il-gruppi professjonali mis-settur pubbliku u privat, it-trejdjunjins, l-akkademiċi inklużi l-istudenti b'lawrija u li qed jagħmlu riċerka.
  • Tikkonsisti fi programm imfassal apposta skont l-interessi tal-grupp u tista' tikkonsisti f’introduzzjoni dwar ir-rwol tal-Kummissjoni Ewropea fi ħdan l-UE segwita minn massimu ta' 4 preżentazzjonijiet dwar politiki speċifiċi tal-UE mogħtija minn uffiċjali tal-Kummissjoni li jittrattaw il-kwistjonijiet involuti.
  • Iż-żjara ddum nofstanhar jew ġurnata sħiħa.

Kif tapplika?

Minħabba l-għadd kbir ta' applikazzjonijiet li nirċievu, normalment ikollna bżonn ta' avviż ta' 10 ġimgħat biex nirranġaw iż-żjara. Sabiex timla l-formola ta’ applikazzjoni onlajn, l-ewwel għandek toħloq kont ECAS pdf - 120 KB [120 KB] български (bg) čeština (cs) dansk (da) Deutsch (de) eesti keel (et) ελληνικά (el) English (en) español (es) français (fr) hrvatski (hr) italiano (it) latviešu valoda (lv) lietuvių kalba (lt) magyar (hu) Nederlands (nl) polski (pl) português (pt) română (ro) slovenčina (sk) slovenščina (sl) suomi (fi) svenska (sv) .

Żjarat individwali

Iċ-Ċentru għall-Viżitaturi jorganizza żjarat għal viżitaturi individwali kull nhar ta’ Ħamis fin-12.30 pm. Din tkun Żjara ta’ Informazzjoni Ġenerali.

Individwi interessati għandhom iġibu magħhom il-passaport jew il-karta tal-identità tagħhom.


Fejn issir iż-żjara?

Fil-Kummissjoni Ewropea fiċ-Ċentru għall-Viżitaturi fi Brussell – rue de la Loi 170, 1040 Brussell (entratura għaċ-Ċentru għall-Viżitaturi f’rue du Taciturne).

Għal raġunijiet ta' sigurtà, ma norganizzawx żjarat gwidati tal-bini tal-Kummissjoni.

Agħżel kuluri li jikkuntrastaw Ara l-paġna fid-daqs normali tagħha Kabbar id-daqs b'200 fil-mija Ibgħat din il-paġna lil sħabek Stampa din il-paġna

 

Għina nitjiebu

Sibt l-informazzjoni li kont qed tfittex?

Iva LE

X'kont qed tfittex?

Għandek xi suġġerimenti?