TISTA' TISSOTTOMETTI L-ILMENT TIEGĦEK LIL sOLVIT PERMEZZ TAL-FORMOLA ELETTRONIKA GĦALL-ILMENTI (JEKK JOGĦĠBOK IKKLIKKJA HAWNHEKK) ONLAJN
Qabel ma tissottometti każ lil solvit, jekk jogħġbok aqra dan it-tagħrif bir-reqqa:
-
Inħeġġuk biex taqra l- istqarrija tal-privatezza qabel ma tibgħatilna l-ilment tiegħek.
-
Jekk jogħġbok innota li jekk skont il-liġi nazzjonali għandek issegwi d-dati tal-iskadenza, meta tissottometti każ lil SOLVIT dawn l-istess dati mhumiex se jiġu affettwati.Per eżempju, meta l-liġijiet nazzjonali jippermettulek li tappella kontra d-deċiżjoni amministrattiva fi żmien tliet xhur, tista' tibgħat l-ilment tiegħek lil SOLVIT dwar id-deċiżjoni meħuda iżda trid tiftaħ l-ilment tiegħek sad-data tal-iskadenza biex ma titlifx dak id-dritt formali.
-
SOLVIT mhuwiex netwerk informattiv jew għall-pariri legali.
(Għal tagħrif jew parir dwar drittijietek fl-Ewropa, ikklikkja hawnhekk. Jekk jogħġbok innota li jekk inti ċittadin li qed titlob parir dwar drittijietek, se nibagħtu l-mistoqsija tiegħek lin-netwerk imsieħeb tagħna s-Pariri tal-Ewropa tiegħek)
-
SOLVIT ma jieħux ħsieb problemi bejn in-negozji jew bejn il-konsumaturi u n-negozji u lanqas ilmenti dwar l-istituzzjonijiet tal-UE.
(Għal netwerks li jieħdu ħsieb problemi li mhumiex taħt il-kompetenza ta' SOLVIT, jekk jogħġbok ikklikkja hawnhekk)
-
JEKK TIPPREFERI TUŻA L-EMAIL, FAKS JEW IL-POSTA, TISTA' SSIB IL-FORMOLA U L-INDIRIZZI HAWNHEKK.
Stqarrija ta' politika dwar it-trattament tal-każijiet mil-partijiet intermedjarji
Is-servizzi pprovduti mis-SOLVIT huma b'xejn. Is-SOLVIT jittratta lmenti mressqa minn ċittadini jew impriżi, jew minn partijiet intermedjarji li jaġixxu f'isimhom. F'dan il-każ ta' l-aħħar, jekk il-partijiet intermedjarji jitolbu l-ħlas mill-klijenti tagħhom għas-servizzi pprovduti, is-SOLVIT jista' jinsisti li l-klijent isir jaf li s-SOLVIT huwa servizz b'xejn u jista' jkun irid jikkuntattja lill-klijent direttament. Barra minn hekk, jekk il-parti intermedjarja hija konsulent legali, is-SOLVIT jista' jinsisti li l-ilmenti jitressqu flimkien ma' analiżi legali u deskrizzjoni sħiħa tal-fatti rilevanti. SOLVIT jista' jirrifjuta jittratta l-każijiet jekk dawn il-kriterji m'humiex milħuqa jew ma jistgħux jintlaħqu.
