Mogħdija tan-navigazzjoni

Tassazzjoni

Moda Portugiża fl-Italja

Assoċjazzjoni tal-industrija tal-moda Portugiża talbet l-awtoritajiet tat-taxxa Taljani biex tieħu lura l-VAT tagħha għal diversi fieri tal-moda fl-Italja.

Meta applikat għar-rifużjoni, l-assoċjazzjoni Portugiża bagħtet il-fatturi oriġinali lill-awtoritajiet Taljani tat-taxxa, kif kien rikjest.

Ir-rifużjoni tal-VAT ġiet ġustament miċħuda, iżda l-awtoritajiet Taljani żammew l-irċevuti oriġinali. Dan ħoloq problema għall-Assoċjazzjoni Portugiża li kellha bżonn l-irċevuti oriġinali għall-għanijiet ta’ kontabbiltà.

Meta intervjena ċ-ċentru SOLVIT fl-Italja, l-awtoritajiet bagħtu l-irċevuti oriġinali lura lill-applikant.

Każ solvut f'6 ġimgħat.


Sloven jieħu lura t-taxxa fuq it-tfaddil

Ċittadin Sloven li jaħdem u jgħix fi Spanja applika għal rifużjoni tat-taxxa fuq it-tfaddil tiegħu (€207.86), li kienu ġew awtomatikament miżmuma mill-bank.

Iżda l-awtoritajiet Spanjoli ma rrimborżawx l-ammont — bi ksur tal-liġi tal-UE maħsuba biex twaqqaf tassazzjoni doppja ta’ riżervi fuq id-dħul.

Wara intervent min-naħa ta’ SOLVIT, l-awtoritajiet Spanjoli tawh lura l-ammont miżmum mill-banek.

Każ solvut fi 8 ġimgħat.


Kumpanija Franċiża ġġib rimborż tal-VAT mill-Ġermanja

Kumpanija Franċiża talbet rifużjoni tal-VAT mill-awtoritajiet Ġermaniżi — iżda t-talba baqgħet mingħajr tweġiba għal 10 xhur.

Bis-saħħa tal-intervent ta' SOLVIT, il-proċedura tħaffet u l-kumpanija waslilha l-ammont dovut.

Każ solvut f'6 ġimgħat.


Klabb tal-futbol Portugiż jikseb rimborż tal-VAT

Klabb tal-futbol Portugiż xtara plejer minn klabb Rumen għal €2,500, 000 (inklużi €475,000 bħala VAT).

Il-klabb talab rifużjoni tal-VAT mill-awtoritajiet Rumeni, iżda 8 xhur wara kien għadu ma rċieva l-ebda risposta.

Wara intervent min-naħa ta’ SOLVIT, l-awtoritajiet tat-taxxa Rumeni rrifondew il-VAT.

Każ solvut fi 4 ġimgħat.