Maoiniú

Fiacla meaisín in éineacht le bratach AE

Tugann an Coimisiún Eorpach maoiniú as tionscadail a bhaineann le fostaíocht, le gnóthaí sóisialta is le cuimsiú sóisialta trí na cláir seo a leanas.

Ciste Sóisialta na hEorpa (CSE)

Maoiníonn an CSE tionscadail le cabhrú le daoine a gcuid scileanna oibre agus ionchas ar phost a fheabhsú. Le cur isteach, ba cheart d'eagrais phoiblí is phríobháideacha dul i dteagmháil le húdaráis bhainistíochta CSE ina dtír féin. Socraíonn an Coimisiún tosaíochtaí don mhaoiniú, agh níl aon bhaint dhíreach aige le roghnú na dtionscadal.

Breis i dtaobh an CES
An CSE i do thírse

An Clár PROGRESS

Tacaíonn PROGRESS le hobair ar bheartais a fhorbairt maidir le fostaíocht, coinníollacha oibre, comhionannas inscne, cuimsiú sóisialta agus cosaint shóisialta, neamh-idirdhealú agus éagsúlacht.

Le cur isteach ar mhaoiniú, ní mór d'eagrais incháilithe - ina measc údaráis phoiblí, forais oideachais is taighde, eagrais fostóirí agus ENRanna - freagairt ar ghlao ar thairiscintí nó ar ghlao ar thograí.

Breis i dtaobh an chláir PROGRESS

An Ciste Eorpach um Choigeartú don Domhandú (CECD)

Cabhraíonn an CECD le hoibrithe a rinneadh iomarcach de dheasca na bpátrún domhanda trádála a bheith ag athrú chun post nua a fháil chomh tapa agus is féidir. Ba cheart do dhaoine ar leith nó do chuideachtaí atá faoi thionchar iomarcaíochta dul i dteagmáil lena n-údaráis náisiúnta más fúthu cur isteach ar mhaoiniú.

Breis i dtaobh an CECD

An tSaoráid Eorpach um Micrimhaoiniú Foráis

Bhunaigh an tAontas Eorpach saoráid nua um micrimhaoiniú a thugann micri-chreidmheas do mhionghnóthais is do dhaoine a chaill a bpost is a bhfuil fúthu mionghnóthas a bhunú.

Breis faoi Mhicrimhaoiniú Foráis

Cúnamh Réamhaontachais (IPA)

Tugann an IPA cúnamh airgid do thíortha is iarrthóirí agus iarrthóirí ionchasacha chun na leasuithe polaitiúla is institiúideacha is gá do bhallraíocht san AE a thabhairt isteach.

Rud is sainiúla, bíonn rannóg um Acmhainní Daonna a fhorbairt san IPA ag ullmhú tíortha le cistí CSE a chláreagrú, a bhainistiú is a chur chun feidhme. Ar nós an CSE, cabhraíonn an IPA chun scileanna a fheabhsú, breis post agus poist níos fearr a chruthú, agus cur le cuimsiú sóisialta is le comhionannas.