Aġenziji deċentralizzati
L-aġenziji deċentralizzati tal-UE jwettqu kompiti tekniċi, xjentifiċi jew maniġerjali li jgħinu lill-istituzzjonijiet tal-UE jfasslu u jimplimentaw il-politiki.
L-aġenzji jappoġġjaw ukoll il-kooperazzjoni bejn l-UE, il-gvernijiet nazzjonali u l-imsieħba soċjali billi jiġbru għarfien espert tekniku u speċjalizzat.
L-aġenziji deċentralizzati jitwaqqfu għal perjodu indefinit u huma mifruxa madwar l-UE. Kull aġenzija hija unika u taqdi funzjoni individwali.
Id-Direttorat Ġenerali għall-Impjiegi, l-Affarijiet Soċjali u l-Inklużjoni tal-UE jaħdem flimkien ma’ dawn l-erba’ aġenziji deċentralizzati tal-UE:
- Il-Fondazzjoni Ewropea għat-Titjib tal-Kondizzjonijiet tal-Ħajja u tax-Xogħol (EUROFOUND) tipprovdi u xxerred għarfien importanti dwar kwistjonijiet soċjali u relatati max-xogħol biex tikkontribwixxi għal politiki tajbin u bbażati fuq evidenza f’dawk l-oqsma.
- L-Aġenzija Ewropea għas-Sigurtà u s-Saħħa fuq il-Post tax-Xogħol (EU-OSHA) hija impenjata biex tagħmel l-Ewropa post aktar sikur, aktar adattat għas-saħħa tal-bniedem u aktar produttiv fejn wieħed jaħdem. Pereżempju tidentifika u tevalwa riskji ġodda u emerġenti fuq il-post tax-xogħol.
- Iċ-Ċentru Ewropew għall-Iżvilupp ta’ Taħriġ Vokazzjonali (CEDEFOP) jappoġġja l-iżvilupp Ewropew ta’ edukazzjoni u taħriġ vokazzjonali u politiki ta’ taħriġ fis-servizz u jikkontribwixxi għall-implimentazzjoni tagħhom.
- Il-Fondazzjoni Ewropea għat-Taħriġ (ETF) tgħin pajjiżi fi tranżitu u dawk li qed jiżviluppaw biex jiġi sfrtuttat il-potenzjal tal-kapital uman tagħhom permezz tar-riforma tal-edukazzjoni, it-taħriġ u s-sistemi tas-suq tax-xogħol fil-kuntest tal-politika tar-relazzjonijiet esterni tal-UE.