Mur fil-path tan-navigazzjoni, billi taqbeż is-site tools u s-selettur tal-lingwa

Kura medika mhux mistennija - L-Izvezja

Nota:Ir-residenti tal-pajjiżi Nordiċi (id-Danimarka, il-Finlandja, l-Islanda u n-Norveġja) iridu sempliċiment juru karta tal-identità valida biex juru l-eliġibbiltà għall-kura tas-saħħa fl-Isvezja.

Emerġenza

Ċempel il-112

Il-1177 huwa s-servizz nazzjonali għal pariri dwar is-saħħa onlajn jew bit-telefown, 24 siegħa kuljum, 365 jum fis-sena. Fuq il-1177, ikun hemm infermiera li jwieġbu l-mistoqsijiet, jiddeċiedu jekk hemmx bżonn ta' aktar kura, joffru pariri u/jew jirrikmandaw għajnuna oħra tal-kura tas-saħħa. Il-1177 joffri servizz bl-Ingliż.

Telefown: 1177
Sit web: www.1177.se informazzjoni b'ħafna ilsna

Kura u spejjeż

Tobba

Il-Karta Ewropea għall-Assikurazzjoni tas-Saħħa tintitolak għall-kura fi kwalunkwe istituzzjoni tal-kura tas-saħħa pubblika.

Il-kura tas-saħħa privata ġeneralment mhijiex koperta bil-Karta, iżda f'ċerti każi t-tobba privati jkunu affiljati mal-iskema tal-assikurazzjoni pubblika u jaċċettaw il-Karta Ewropea għall-Assikurazzjoni tas-Saħħa. Qabel tmur għand it-tabib jew l-isptar kun ċert li jaċċettaw il-karta ħalli tevita spejjeż mhux ippjanati.

  • Għandek tikkonsulta tabib affiljat mal-iskema tal-assikurazzjoni pubblika.
  • Ikollok bżonn tippreżenta l-Karta għall-Assikurazzjoni tas-Saħħa Ewropea u passaport jew ID nazzjonali valida.
  • Meta jkollok EHIC valida, int intitolat tħallas miżata ssussidjata għal kura neċessarja medikament bl-istess mod bħar-residenti tal-Isvezja. Il-miżati jvarjaw u ma hemmx rimborż għalihom.
  • Il-pazjenti ta' taħt l-20 jieħdu l-kura b'xejn fil-biċċa l-kbira tal-każi.
  • Mingħajr il-karta EHIC, ikollok tħallas il-miżata tal-kura kollha kemm hi.

Dentisti

Il-maġġoranza tad-dentisti jipprovdu kura skont l-iskema tal-kura tas-saħħa pubblika.

Kura fi sptar

  • Il-kura inpatient ġeneralment tkun bla ħlas, ħlief għal miżata standard ta' kuljum li ma titħallasx lura.
  • Għal kura ambulatorja tħallas miżata ssussidjata. Il-miżati jvarjaw u ma hemmx rimborż għalihom.
  • Il-kura mingħand speċjalista trid titħallas. Dan il-ħlas ma jiġix rimborżat fl-Isvezja, imma dejjem tista' titlob rimborż mingħand il-fornitur tal-assikurazzjoni tas-saħħa.

Riċetti tat-tabib

  • Ikollok bżonn tippreżenta l-Karta għall-Assikurazzjoni tas-Saħħa tal-Unjoni Ewropea fl-ispiżerija biex tħallas bil-prezz issussidjat.
  • Il-prezzijiet jistgħu jvarjaw.

Ambulanza

  • Is-servizz tal-ambulanza huwa bla ħlas fil-maġġoranza tal-postijiet.

Ambulanza bl-ajru

  • Is-servizz tal-ambulanza huwa bla ħlas fil-maġġoranza tal-postijiet.

Rimborż

Ma hemmx sistema ta' rimborż fl-Isvezja. Bil-Karta għall-Assikurazzjoni tas-Saħħa Ewropea għandek tiġi ċċarġjat biss il-miżata standard tal-pazjenti. Din ma tiġix rimborżata.

Jekk kellek tħallas għall-kura, ikkuntattja lill-fornitur tal-assikurazzjoni tas-saħħa meta tirritorna f'pajjiżek biex titlob rimborż.

    Aqsam

  • Twitter Facebook Ixxerja fuq Google+