Mur fil-path tan-navigazzjoni, billi taqbeż is-site tools u s-selettur tal-lingwa

Kura medika mhux mistennija - Is-Slovakkja

Is-Sistema Integrata ta' Salvataġġ

Ċempel il-112

Emerġenza

Ċempel il-155

Úrad pre dohľad nad zdravotnou starostlivosťou (L-Awtorità ta' Sorveljanza tas-Saħħa)
Žellova 2
SK - 829 24 Bratislava 25
Tel: +421 2 20 856 226


Kura, kopertura u spejjeż

Tobba

  • Biex tisfrutta tajjeb il-Karta tal-Assikurazzjoni tas-Saħħa tal-Unjoni Ewropea, trid tara tabib li jaħdem taħt is-sistema tal-assikurazzjoni tas-saħħa pubblika Slovakka.
  • Jista' jagħti l-każ li jkollok tħallas tariffa. Din ma tiġix rimborżata fis-Slovakkja, imma dejjem tista' titlob rimborż meta tasal lura f'pajjiżek.

Dentisti

  • Biex tisfrutta tajjeb il-Karta tal-Assikurazzjoni tas-Saħħa tal-Unjoni Ewropea, trid tara dentist li jaħdem taħt is-sistema tal-assikurazzjoni tas-saħħa pubblika Slovakka.
  • Il-kura ta' emerġenza tas-snien hi normalment bla ħlas, iżda dan jiddependi mill-materjal li juża d-dentist.
  • Għall-kura l-oħra tas-snien ikollok tħallas. Din ma tiġix rimborżata fis-Slovakkja, imma dejjem tista' titlob rimborż meta tasal lura f'pajjiżek.

Kura fi sptar

  • Il-kura ta' emerġenza hi disponibbli fid-dipartiment tal-aċċidenti u l-emerġenza ta' kwalunkwe sptar. M'hemmx bżonn ta' riferiment mit-tabib.
  • Is-servizzi u l-mediċini huma normalment bla ħlas, iżda jista' jkun hemm tariffi sostanzjali li mhumiex rimborżabbli għal proċeduri kumplessi. Dawn ma jiġix rimborżati fis-Slovakkja, imma dejjem tista' titlob rimborż meta tasal lura f'pajjiżek.

Riċetti tat-tabib

  • Trid tħallas tariffa standard għal kull riċetta.
  • Jista' jkollok tħallas parti mill-ispiża tal-mediċini jekk ma jkunux koperti mill-iskema tal-assikurazzjoni tas-saħħa pubblika. Din ma tiġix rimborżata fis-Slovakkja, imma dejjem tista' titlob rimborż meta tasal lura f'pajjiżek.
  • L-ispiżeriji għandhom lista ta' mediċini sussidjati.

Ambulanza

  • Bla ħlas

Ambulanza bl-ajru

  • Ċempel il-18155
  • Bla ħlas

Rimborż
  • Ma hemmx sistema ta' rimborż fis-Slovakkja.
  • Jekk ikollok tħallas għall-kura, ikkuntattja lill-fornitur tal-assikurazzjoni tas-saħħa tiegħek meta tirritorna f'pajjiżek biex titlob rimborż.

Kontribuzzjoni tal-pazjent

Min jakkumpanja lil xi ħadd fl-isptar

  • iħallas €3.32 kuljum, l-ewwel u l-aħħar jiem jgħoddu bħala ġurnata waħda.
  • Il-persuna li takkumpanja lil marid toqgħod b'xejn jekk il-persuna tkun:
    • qed tredda u jkollha tifel/tfal
    • qed takkumpanja tifel taħt it-tliet snin,
    • qed takkumpanja persuna taħt it-18-il sena li jkun qed jieħu l-kura għall-kanċer.

Spiżeriji

  • iżommu €0.17 għal proċessar statistiku ta' riċetta jew kupun għal apparat mediku.
  • Ma jkunx hemm tariffa ta' €0.17 jekk:
    • il-persuna assigurata tippreżenta estratt mir-riċetta,
    • il-persuna assigurata tippreżenta r-riċetta għal mediċini jew ikel djetetiku, li jitħallsu bi sħiħ mill-persuna assigurata,
    • ir-riċetta tkun għal tilqim immarkat b'"V" maħruġa f'riċetta waħda.

Dipartiment tal-inċidenti u l-emerġenzi

  • Jekk iżżur id-dipartiment tal-inċidenti u l-emerġenzi (L-Ewwel Għajnuna Medika jew Servizz tal-Emerġenza fi Sptar) hemm tariffa ta' €1.99
  • Jekk ikollok tibqa' l-isptar bħala in-patient wara l-eżaminazzjoni, it-tariffa ta' €1.99 ma tapplikax.

Transportazzjoni

  • It-trasport b'ambulanza jiswa €0.07 kull kilometru.
  • Dan ma japplikax jekk il-persuna assigurata:
    • tkun inkluża fi programm ta' djaliżi kronika jew ta' trapjant,
    • tieħu l-kura kontra l-kanċer jew ta' operazzjoni kardijaka,
    • għandha diżabilità severa u hija dipendenti fuq it-trasport b'vetturi privati,
    • tiġi trasportata minn sptar għal ieħor abbażi ta' deċiżjoni tal-isptar.

Dijaliżi, ossiġenu u kimoterapija
  • Int intitolat għal djaliżi, terapija tal-ossiġnu u kimoterapija fis-Slovakkja meta tippreżenta l-EHIC.
  • Trid tirranġa għall-kurama' fornitur tas-saħħa fis-sistema Slovakka tal-kura tas-saħħa pubblika qabel ma tasal is-Slovakkja.
  • Ċertifikati mediċi li juru l-ħtieġa ta' dawn it-trattamenti jridu wkoll jiġu ppreżentati lill-fornitur tal-kura tas-saħħa.
  • Il-lista ta' fornituri tal-kura tas-saħħa skont is-sistema pubblika tal-kura tas-saħħa tinstab fis-siti web tal-istituzzjonijiet skont il-post fejn qed toqgħod:
  • List of dialysis centres (bis-Slovakk)

Kard mitlufa jew misruqa

Kuntatti għad-detenturi tal-EHICs li jinħarġu fis-Slovakkja

Úrad pre dohľad nad zdravotnou starostlivosťou
Žellova 2

SK - 829 24 Bratislava 25

Tel: +421 2 20 856 226