Mur fil-path tan-navigazzjoni, billi taqbeż is-site tools u s-selettur tal-lingwa

Kura medika mhux mistennija - Il-Polonja

Emerġenza

Ċempel id-999 jew il-112

Centrala Narodowego Funduszu Zdrowia (NFZ) - (Uffiċċju Ċentrali tal-Fond Nazzjonali tas-Saħħa – Dipartiment għall-Affarijiet Internazzjonali)
Telefown: +48 (22) 572 62 68
Email: mailto:ca17@nfz.gov.pl

Kura u spejjeż

Fittex il-logo tal-Fond tas-Saħħa Nazzjonali NFZ biex tara jekk il-fornitur tal-kura tas-saħħa tiegħek jaħdimx fis-sistema tal-istat:

Tobba

  • Il-kliniki tat-tobba jiftħu mit-Tnejn sal-Ġimgħa, mit-8 ta' filgħodu sas-6 ta' filgħaxija.
  • Wara s-6 matul il-ġimgħa, kif ukoll waqt tmiem il-ġimgħa u fil-vaganza, il-kura medika hija pprovduta lejl u nhar mis-servizzi tas-saħħa b'kuntratt mal-NFZ.
  • Issib l-indirizzi tagħhom kif ukoll in-numri tat-telefown fuq is-sit tal-NFZ (bil-Pollakk biss).

Dentisti

  • Id-dentisti ħafna drabi joffru kemm kura pubblika tal-NFZ u kif ukoll kura privata. Jiġifieri s-servizzi koperti mill-NFZ jistgħu ma jkunux "disponibbli" kuljum. Iċċekkja mal-klinika minn qabel.
  • Lista ta' servizzi bla ħlas u materjali, stipulata mil-leġiżlazzjoni Pollakka, hi disponibbli fil-klinika tad-dentist. Il-fornituri tal-Kura tas-Saħħa ma jistgħux jiċċarġjaw flus għall-benefiċċji elenkati, imma jkollok tħallas għall-benefiċcji li mhumiex fuq il-lista. Dawn ma jiġux rimborżati fil-Polonja.

Kura fi sptar

  • Ikollok bżonn referenza mit-tabib biex tiddaħħal l-isptar, ħlief f'każijiet ta' mard għal għarrieda, aċċidenti u emerġenzi oħra.
  • Mur fi sptar li jkollu kuntratt mal-NFZ (il-parti l-kbira tal-isptarijiet). Il-logo tal-Fond tas-Saħħa Nazzjonali normalment ikun jidher fuq il-bini.
  • Tista' wkoll tistaqsi l-fergħa reġjonali tal-Fond tas-Saħħa Nazzjonali għall-għajnuna biex issib il-fornitur xieraq tal-kura tas-saħħa jew tfittxu fuq is-sit tal-NFZ.
  • L-operazzjonijiet, testijiet djanjostiċi u mediċini huma bla ħlas waqt li tkun fl-isptar.

Riċetti tat-tabib

  • Normalment it-tobba affiljati mal-NFZ jordnawlek biss mediċini li jiġu rimborżati.
  • Uri r-riċetta u l-Karta Ewropea għall-assikurazzjoni tas-Saħħa fl-ispiżerija.
  • Għall-biċċa l-kbira tal-mediċini bażiċi jkollok tħallas ammont b'rata fissa. Mediċini oħra jiġu rimborżati b'rati differenti sa ċertu limitu. Il-bqija trid tħallsu int.
  • Għal mediċini li mhumiex fuq il-lista ta' mediċini rimborżabbli trid tħallas il-prezz kollu.

Ambulanza

  • Is-servizz tal-ambulanza huwa bla ħlas f'każ ta' emerġenza.

Ambulanza bl-ajru

  • Is-servizz tal-ambulanza bl-ajru huwa bla ħlas f'każ ta' emerġenza

Rimborż

Jekk kellek tħallas għall-kura, ikkuntattja l-fornitur tal-assikurazzjoni tas-saħħa nazzjonali tiegħek meta tasal lura f'pajjiżek biex titlobhom ir-rimborż.

    Aqsam

  • Twitter Facebook Ixxerja fuq Google+