Mur fil-path tan-navigazzjoni, billi taqbeż is-site tools u s-selettur tal-lingwa

Kura medika mhux mistennija - Il-Latvja

Emerġenza

Nacionālais veselības dienests (Servizz Nazzjonali tas-Saħħa Latvjan)
Tel: +371 67043700; +37180001234
Email: nvd@vmnvd.gov.lv

Kura, kopertura u spejjeż

Tobba

  • Il-Karta tal-Assikurazzjoni tas-Saħħa tal-Unjoni Ewropea (EHIC) ittik id-dritt għal kura tas-saħħa ffinanzjata mill-istat jekk ikollok bżonn kura medika urġenti/neċessarja waqt iż-żjara temporanja tiegħek fil-Latvja.
  • Il-kura tas-saħħa ffinanzjata mill-istat tingħata mill-fornituri tal-kura tas-saħħa b'kuntratt mas-Servizz Nazzjonali Latvjan tas-Saħħa.
  • Trid turi EHIC valida u passaport (jew dokument ta' identifikazzjoni ieħor) biex tirċievi kura tas-saħħa ffinanzjata mill-istat. Jekk ma tagħmilx dan, il-fornitur tal-kura tas-saħħa jista' jistaqsik biex tħallas l-ispiża kollha.
  • Trid tħallas it-tariffa tal-pazjent biex tara tabib. Ma jsir ebda ħlas minn
    • pazjenti taħt it-18-il sena
    • nisa tqal li qed jieħdu kura konnessa mat-tqala tagħhom
    • ċerti gruppi ta' pazjenti bi djanjosi partikolari.
  • Għal kura medika speċjalizzata, għandek bżonn riferiment mingħand tabib, normalment it-tabib tal-familja tiegħek.
  • Jekk qed issofri minn waħda minn lista ta' kundizzjonijiet, m'għandikx bżonn ta' riferiment biex tara wieħed minn dawn li ġejjin: ġinekologu, tabib tal-għajnejn, kirurgu tat-tfal, pedjatra, psikjatra, speċjalista tal-vizzji, speċjalista tal-mard tal-pulmun (li jispeċjalizza fit-tuberkulożi), dermatoveneroloġista (tabib tal-ġilda li jispeċjalizza f'mard trażmess sesswalment), endokrinologu, onkologu.
  • It-tariffa tal-pazjent mhijiex rimborżabbli fil-Latvja, iżda tista' titlob rimborż meta tmur lura d-dar.

Dentisti

  • Il-kura tas-snien iffinanzjata mill-istat hi disponibbli għat-tfal biss.
  • L-adulti jridu jħallsu għall-kura tas-snien, u din ma tiġix rimborżata fil-Latvja.
  • Jekk il-kura tas-snien hi koperta f'pajjiżek, ikkuntattja lill-fornitur tal-assikurazzjoni tas-saħħa nazzjonali meta tmur lura d-dar biex titlob rimborż.

Kura fi sptar

  • Jekk tiddaħħal l-isptar (f'emerġenza), uri l-EHIC u l-passaport tiegħek (jew identifikazzjoni oħra).
  • Ikollok tħallas tariffa tal-pazjent għal kura in-patient, li tibda mit-tieni jum minn meta tidħol l-isptar. Ma hemm l-ebda tariffa għall-kura in-patient għal:
    • pazjenti taħt it-18-il sena
    • pazjenti li jiddaħħlu l-isptar minħabba t-tqala jew biex iwelldu
    • pazjenti li qegħdin fuq id-dijaliżi jew xi tipi ta’ kura oħrajn (eż. għal mard infettiv, mard mentali).
  • Hemm tariffi addizzjonali għal:
    • skens CT (tomografija kompjutata)
    • skens MRI (immaġini ta' reżonanza manjetika).
  • Barra mit-tariffa tal-pazjent, il-fornitur tal-kura tas-saħħa jista' jiċċarġja kopagament għal proċedura kirurġika li ssir fis-sala tal-operazzjonijiet.
  • Dawn il-pagamenti mhumiex rimborżabbli fil-Latvja, iżda tista' titlob rimborż meta tmur lura d-dar.

Riċetti tat-tabib

  • Bħala xi ħadd li għandu EHIC, int intitolat għal mediċina fuq il-bażi ta' riċetta (formola speċjali tar-riċetti) miktuba minn tabib b'kuntratt mas-Servizz Nazzjonali tas-Saħħa Latvjan.
  • Mur fi spiżerija li topera b'kuntratt mas-Servizz Nazzjonali tas-Saħħa. Biex tixtri l-mediċina bir-riċetta, uri:
    • l-EHIC tiegħek,
    • il-passaport tiegħek (jew identifikazzjoni oħra)
    • ir-riċetta tiegħek.
  • L-istat jagħtik rimborż ta' 100%, 75% jew 50% tal-ispiża tal-mediċina bir-riċetta skont il-kundizzjoni fid-djanjożi.
  • L-ammont li tħallas minn qabel mhuwiex rimborżabbli fil-Latvja, iżda tista' titlob rimborż meta tmur lura d-dar.

Ambulanza

  • Tista' tuża ambulanza mingħajr ħlas jekk din tintbagħat mis-servizz tal-113.

Ambulanza bl-ajru

  • Japplikaw l-istess regoli bħal tal-ambulanza.
Rimborż
  • Il-Latvja topera sistema tal-kura tas-saħħa bbażata fuq l-għoti ta' servizz in natura. Għaldaqstant m’hemmx sistema ta' rimborż. Inti għandek tħallas biss is-sehem tal-pazjent tal-ispejjeż tal-kura.
  • Jekk ikollok tħallas għall-kura, ikkuntattja lill-fornitur tal-assikurazzjoni tas-saħħa nazzjonali tiegħek meta tirritorna f'pajjiżek biex titlob rimborż.
null
  • Eżaminazzjonijiet out-patient minn tabib tal-familja – €1.42.
  • Eżaminazzjonijiet minn speċjalista huma ċċarġjati bejn €4.27 u €35.57.
  • Il-kura in-patient tqum €10 kuljum u tibda mit-tieni jum tal-permanenza fl-isptar.
  • Il-kura in-patient fi sptar infermier jew unità tal-kura taħt infermiera hi ta' €7.11 u tibda mit-tieni jum tal-permanenza fl-isptar.
  • Il-pazjenti b'ċerti kundizzjonijiet iħallsu tariffi mnaqqsa.
  • Eżaminazzjonijiet ta' djanjożi addizzjonali huma ċċarġjati bejn €14.23 u €35.57.
  • Flimkien mal-kontribuzzjoni tal-pazjent, il-fornitur tal-kura tas-saħħa jista' jiċċarġja kopagament sa €31, skont l-ammont ta' ħin li l-pazjent idum fis-sala tal-operazzjonijiet.
Dijaliżi, ossiġenu u kimoterapija
  • Id-dijaliżi tad-demm, il-filtrazzjoni tad-demm u d-dijaliżi periteonali kroniċi huma bla ħlas jekk ikun hemm riferiment ta' speċjalista.
  • L-ispejjeż tat-terapija tal-ossiġenu mhumiex koperti mis-Servizz tas-Saħħa Nazzjonali.
  • Il-kimoterapija hi bla ħlas b'riferiment minn onkoloġista.
Kard mitlufa jew misruqa

Kuntatti għal min għandu EHIC li nħarġet fil-Latvja

Nacionālais veselības dienests (Servizz Nazzjonali Latvjan tas-Saħħa)

Tel: +371 67043700

Email: nvd@vmnvd.gov.lv


    Aqsam

  • Twitter Facebook Ixxerja fuq Google+