Mur fil-path tan-navigazzjoni, billi taqbeż is-site tools u s-selettur tal-lingwa

Kura medika mhux mistennija - L-Italja

Emerġenza

  • Għal emerġenzi mediċi: ċempel il-118 (bla ħlas)

Il-Ministeru tas-Saħħa

Email: urpminsalute@sanita.it


Kura, kopertura u spejjeż

Tobba

  • Tista' tuża l-kard tal-EHIC biex tara tabib li jaħdem mas-servizz tas-saħħa pubblika (Servizio Sanitario Nazionale – SSN)
  • Tobba privati ma għandhomx għalfejn jaċċettaw l-EHIC.
  • Is-surgeries tat-tobba pubbliċi jkunu miftuħin mit-Tnejn sal-Ġimgħa. Il-ħinijiet tal-ftuħ ivarjaw imma normalment ikun hemm sessjoni filgħodu (eż. 8.00 sa 10.00) u sessjoni wara nofsinhar (eż. 15.00 sa 17.00)
  • Teħtieġ kura urġenti? Is-surgeries tat-tobba fl-Isptarijiet pubbliċi jiftħu kuljum.
  • Għal servizzi mediċi, jista' jkollok tħallas miżata (imsejjħa ticket).
  • Il-miżati ma jistgħux jiġu rimborżati fl-Italja, għalhekk staqsi l-fond tal-assigurazzjoni tas-saħħa nazzjonali tiegħek dwar rimborż meta tasal lura f'pajjiżek.

Dentisti

  • Normalment ikollok tħallas biex tara dentist. Ħafna dentisti huma privati u ma jaċċettawx l-EHIC.
  • F'każijiet eċċezzjonali, it-tabib tiegħek għandu mnejn jirreferik għal kura dentali b'xejn fi sptar pubbliku jew ċentru tas-saħħa.

Kura fi sptar

  • Għal lista ta' sptarijiet li joffru kura b'xejn, staqsi lill-awtorità tas-saħħa lokali tiegħek (Azienda sanitaria locale jew ASL).
  • Uri l-kard tal-EHIC tiegħek fl-isptar.

Riċetti tat-tabib

  • Tista' tixtri xi mediċini mingħajr riċetta tat-tabib - staqi lill-ispiżjara tiegħek.
  • Uri l-EHIC tiegħek meta jkunu se jiktbulek riċetta.
  • Għandek tħallas miżata għall-biċċa l-kbira tal-mediċini bir-riċetta.
  • L-ispejjeż tar-riċetta ma jiġux rimborżati fl-Italja. Staqsi lill-fond tal-assigurazzjoni tas-saħħa nazzjonali tiegħek dwar rimborż meta tasal lura f'pajjiżek.
  • Il-mediċini bla riċetta mhumiex rimborżabbli.

Ambulanza

  • B'xejn f'każ ta' emerġenza.
  • Għal trasport mhux urġenti, jista' jkollok tħallas biċċa mill-ispejjeż jew kollha.
  • Il-miżata għall-ambulanzi mhumiex rimborżabbli fl-Italja.

Ambulanza bl-ajru

  • B'xejn f'każ ta' emerġenza.
  • Għal trasport mhux urġenti, jista' jkollok tħallas biċċa mill-ispejjeż jew kollha.
  • Il-miżata għall-ambulanzi mhumiex rimborżabbli fl-Italja.

Rimborż
  • Ebda miżati mhuma rimborżabbli fl-Italja.
  • Tħallas biss kontribuzzjoni għall-ispejjeż mediċi (imsejħa ticket).
  • Jekk ikollok tħallas għall-kura, ikkuntattja l-fond tal-assigurazzjoni tas-saħħa tiegħek meta tirritorna f'pajjiżek għar-rimborż.

Kontribuzzjoni tal-pazjent
  • Jista' jkollok tħallas kontribuzzjoni (imsejħa ticket) għall-kura. L-ammont jiddependi fuq it-tip ta' kura u r-reġjun.
  • Jista' jkollok tħallas għall-kura ta' emerġenza jekk ma tiġix ospitalizzat wara l-kura. Staqsi għand l-eqreb ASL għal aktar tagħrif.

Dijaliżi, ossiġenu u kimoterapija Iċċekkja d-disponibbiltà bosta ġimgħat qabel ma tivvjaġġa - ikkuntattja l-eqreb ASL fiż-żona fejn se tkun qed toqgħod.

Kard mitlufa jew misruqa

Kuntatti għad-detenturi tal-EHICs li jinħarġu fl-Italja

  • Jekk il-kard tiegħek tintilef jew tinsteraq, ikkuntattja l-pulizija.
  • Tista' tikseb ċertifikat temporanju minflok il-kard mill-eqreb ASL (Azienda Sanitaria Locale)
  • F'emerġenza, dan iċ-ċertifikat jista' jintbagħat b'fax jew b'email fil-pajjiż fejn qed toqgħod.