Mur fil-path tan-navigazzjoni, billi taqbeż is-site tools u s-selettur tal-lingwa

Kura medika mhux mistennija - Il-Finlandja

Nota: Ir-residenti tal-pajjiżi Nordiċi (id-Danimarka, l-Iżlanda, in-Norveġja u l-Iżvezja) jridu sempliċiment juru karta tal-identità valida biex juru l-eliġibbiltà għall-kura tas-saħħa fil-Finlandja.

Emerġenza

  • Ċempel il-112
  • Kela (L-Istituzzjoni tal-Assikurazzjoni Socjali tal-Finlandja)

Kela għandha numri tas-servizz tal-konsumatur mal-pajjiż kollu għal benefiċċji differenti. Is-servizz hu miftuħ bejn it-8am u s-6pm mit-Tnejn sal-Ġimgħa.

In-numru tas-servizz tal-konsumatur għas-sigurtà soċjali meta tkun sejjer jew tkun se titlaq mill-Finlandja u f'sitwazzjonijiet internazzjonali oħrajn hu + 358 20 634 0200

Kura, kopertura u spejjeż

Tobba

  • Il-Karta tal-Assikurazzjoni tas-Saħħa tal-Unjoni Ewropea tintitolak għall-kura fi kwalunkwe istituzzjoni tal-kura tas-saħħa pubblika. Tista' tikkuntattja liċ-ċentru tas-saħħa muniċipali, fejn il-professjonisti tal-kura tas-saħħa jevalwaw x'tip ta' kura medika għandek bżonn.
  • Trid turi Karta tal-Assikurazzjoni tas-Saħħa tal-Unjoni Ewropea valida u passaport jew xi forma oħra ta' identifikazzjoni biex tieħu l-kura bl-istess prezz bħar-residenti.
  • Iċ-ċentru tas-saħħa jiċċarġjak biss tariffa tal-klijent skont skala fissa ta' tariffi.
  • Jekk int taħt it-18-il sena, il-kura hi bla ħlas matul is-sigħat normali tal-uffiċċju (barra dawn il-ħinijiet hemm tariffa tal-klijent skont skala fissa ta' tariffi).
  • Tista' wkoll tmur għand tobba u kliniċi privati. F'dan il-każ ikollok tħallas kollox int. Madankollu, tista' tagħmel talba għal rimborż aktar tard, mill-istituzzjoni tal-assikurazzjoni soċjali Kela.

Dentisti

  • Il-Karta tal-Assikurazzjoni tas-Saħħa tal-Unjoni Ewropea tintitolak għall-kura fi kwalunkwe istituzzjoni tal-kura tas-saħħa pubblika. Ikkuntattja liċ-ċentru muniċipali tas-saħħa jekk teħtieġ kura tas-snien.
  • Trid turi Karta tal-Assikurazzjoni tas-Saħħa tal-Unjoni Ewropea valida u passaport jew xi forma oħra ta' identifikazzjoni biex tieħu l-kura bl-istess prezz bħar-residenti.
  • Iċ-ċentru tas-saħħa jiċċarġjak biss tariffa tal-klijent skont skala fissa ta' tariffi.
  • Jekk int taħt it-18-il sena, il-kura tas-snien hi bla ħlas matul is-sigħat normali tal-uffiċċju (barra dawn il-ħinijiet hemm tariffa tal-klijent skont skala fissa ta' tariffi).
  • Tista' wkoll tmur għand dentisti u kliniċi privati. F'dan il-każ ikollok tħallas kollox int. Madankollu, tista' tagħmel talba għal rimborż aktar tard, mingħand Kela.

Kura fi sptar

  • Biex tiddaħħal fi sptar ikollok bżonn riferiment mingħand tabib.
  • Trid turi Karta tal-Assikurazzjoni tas-Saħħa tal-Unjoni Ewropea valida u passaport jew identifikazzjoni oħra.
  • Teżisti tariffa kuljum għall-klijenti li jieħdu l-kura in-patient.
  • Jekk għadek ma għalaqtx it-18-il sena, m'għandekx għalfejn tħallas it-tariffa ta' kuljum għal aktar minn sebat ijiem fl-istess sena kalendarja.
  • Jeżistu tariffi tal-klijent għall-kura fi sptar out-patient.
  • Jekk tmur fi sptar privat, ikollok tħallas kollox int. Madankollu, tista' tagħmel talba għal rimborż aktar tard, mingħand Kela.

Riċetti tat-tabib

  • Tista' tmur bir-riċetta tat-tabib f'liema spiżerija trid.
  • Fl-ispiżerija trid tħallas il-prezz kollu tal-mediċina.
  • L-ispiżerija għandha tagħtik irċevuta għan-nefqa kollha tar-riċetta, li mbagħad tkun tista' titlob rimborż għaliha mingħand Kela.

Ambulanza

  • Il-Karta tal-Assikurazzjoni tas-Saħħa tal-Unjoni Ewropea tagħtik id-dritt għal kura ta' emerġenza f'ambulanza. Trid turi l-Karta tal-Assikurazzjoni tas-Saħħa tal-Unjoni Ewropea lill-ħaddiema tal-ambulanza.
  • Tal-ambulanza jżommulek tariffa tal-klijent (€14.25) għall-kura.

Ambulanza bl-ajru

  • Il-Karta tal-Assikurazzjoni tas-Saħħa tal-Unjoni Ewropea tagħtik id-dritt għal kura ta' emerġenza f'ambulanza tal-ajru. Trid turi Karta tal-Assikurazzjoni tas-Saħħa tal-Unjoni Ewropea valida lill-ħaddiema tal-ambulanza tal-ajru.
  • Il-ħtieġa għal trasport bl-ajru jiġi deċiż meta jintuża n-numru tal-emerġenza 112.

Rimborż

  • Is-sistema tal-assikurazzjoni tas-saħħa nazzjonali troddlok parti mill-ispejjeż ta':
    • servizzi tal-kura tas-saħħa privati, skont skeda ta' tariffi stipulati,
    • vjaġġar marbut ma' kura u testijiet,
    • ċerti mediċini.
  • Ma jsir l-ebda rimborż għat-tariffi standard li jiċċarġjaw iċ-ċentri muniċipali tas-saħħa jew l-isptarijiet.
  • Ir-rimborż tista' tagħmel talba għalih mill-istituzzjoni tal-assikurazzjoni soċjali Kela billi tibgħat il-formola SV 127(e), li ssibha fil-kliniċi privati. Il-formola tista' ssibha wkoll fis-sit web ta' Kela.
  • Imla l-formola u ffirmaha. Għandek bżonn timla informazzjoni li tinkludi l-indirizz permanenti, id-data u d-dettalji tal-bank (isem il-bank u n-numru tal-kont, inkluż Numru Internazzjonali tal-Kont tal-Bank (IBAN) u l-Kodiċi tal-Identifikazzjoni tal-Bank BIC).
  • Inkludi kopji tad-dokumenti relevanti meta tibgħat il-formola lil Kela. Dawn jinkludu l-irċevuti, il-Karta tal-Assikurazzjoni tas-Saħħa tal-Unjoni Ewropea u l-passaport jew identifikazzjoni oħra.
  • Kela tqiegħed ir-rimborż direttament fil-kont tal-bank tiegħek.
  • It-talbiet għar-rimborż iridu jintbagħtu fi żmien sitt xhur minn meta ħallast.
  • Ara d-dettalji tar-rimborż fuq is-sit web ta' Kela.

In-numru tas-servizz għar-rimborż ta' spejjeż mediċi
Tel: +358 20 692 204 (bil-Finlandiż)
Tel: +358 20 692 224 (bl-Isvediż u l-Ingliż)

Jekk ikollok tħallas għall-kura medika iżda ma rnexxilekx tibgħat talba għar-rimborż waqt li kont fil-Finlandja, ikkuntattja lill-fornitur tal-assikurazzjoni tas-saħħa tiegħek meta tasal lura f'pajjiżek.

Informazzjoni dwar il-kopagament

 

  • Fil-Finlandja s-servizzi soċjali u tas-saħħa pubbliċi huma:
    • bla ħlas, jew
    • it-tariffa tal-klijent hi l-istess għal kulħadd jew
    • it-tariffa tal-klijent hi determinata skont l-introjtu u l-familja.
  • It-tariffi massimi ċċarġjati għas-servizzi soċjali u tas-saħħa muniċipali huma stipulati fl-Att u d-Digriet dwar it-tariffi tal-klijent tal-kura tas-saħħa u soċjali. Il-muniċipalitajiet jistgħu jagħżlu li jużaw tariffi aktar baxxi jew li jipprovdu s-servizz relevanti bla ħlas. Il-muniċipalitajiet m'għandhomx permezz jiġbru tariffi għal servizzi ogħla mill-ammont li jkun il-prezz attwali tas-servizzi.
  • It-tariffi għas-servizzi pubbliċi għandhom limitu massimu kull sena kalendarja li meta jintlaħaq il-klijent ma jkollux għalfejn ikompli jħallas. Dan ma japplikax għall-kura istituzzjonali fuq żmien qasir Għal aktar informazzjoni ħares lejn il-paġni web tal-Ministeru tal-Affarijiet Soċjali u tas-Saħħa.
  • L-ispiża ta' kura minn tabib jew dentist fi klinika privata hi rimborżata minn Kela skont skeda ta' tariffi. Kela tagħti rimborż għal parti mit-tariffa ta' tabib privat u mit-tariffi tat-testijiet u l-kura skont skeda ta' tariffi fissi. L-iskeda ta' tariffi fissi tista' ssibha bil-Finlandiż fil-paġna web ta' Kela. It-tariffa massima rimborżabbli speċifikata fl-iskeda ta' tariffi fissi ħafna drabi hi inqas mit-tariffa li fil-fatt ikollok tħallas lit-tabib.
  • M'hemm ebda rimborż għas-servizzi mediċi li tieħu mingħand fornituri tas-settur pubbliku u lanqas għall-perjodi fejn persuna tkun qed tieħu l-kura fi sptar jew istituzzjoni pubblika (bħal dar tax-xjuħ)
  • Ir-rimborżi mingħand Kela huma disponibbli wkoll għall-mediċini bir-riċetta.

Dijaliżi, ossiġenu u kimoterapija

Jekk ikollok bżonn kura bħal din, ikkuntattja minn qabel lill-unità tal-kura tas-saħħa (pereżempju sptar), fejn tixtieq li tirċievi l-kura.

Kard mitlufa jew misruqa

Kuntatti għad-detenturi tal-EHICs li jinħarġu fil-Finlandja

Ikkuntattja ċ-Ċentru ta' Kela għall-Affarijiet Internazzjonali

Tel: +358 20 634 0200

Fax: +358 20 634 1599

Email: inter.helsinki@kela.fi


    Aqsam

  • Twitter Facebook Ixxerja fuq Google+