Mur fil-path tan-navigazzjoni, billi taqbeż is-site tools u s-selettur tal-lingwa

Kura medika mhux mistennija - Id-Danimarka

Nota:

  • Ir-residenti tal-pajjiżi Nordiċi (id-Danimarka, il-Finlandja, l-Islanda u l-Isvezja) iridu sempliċiment juru karta tal-identità valida biex juru l-eliġibbiltà għall-kura tas-saħħa fid-Danimarka.
  • Iċ-ċittadini Britanniċi jridu juru biss il-passaport Britanniku biex ikollhom aċċess għall-kura tas-saħħa fid-Danimarka.

Emerġenza

  • Ċempel il-112

Wara l-ħinijiet tal-uffiċċju
Servizz ta' emerġenza ('lægevagt') minn tabib lokali (bid-Daniż biss)

Informazzjoni ġenerali dwar il-kura tas-saħħa fid-Danimarka
Se tkun fid-Danimarka? Kif tikseb l-għajnuna jekk timrad

Jew ikkuntattja:

Patientombuddet
L-Aġenzija Nazzjonali għad-Drittijiet u l-Ilmenti tal-Pazjenti
Assikurazzjoni tas-Saħħa Internazzjonali
Finsensvej 15
2000 Frederiksberg
Telefown: +45 72 26 94 90
Faks: +45 72 28 66 01
Email: pob@patientombuddet.dk

Kura u spejjeż

Sib tabib, speċjalista, dentist jew sptar (sygehuse) b'kuntratt mas-sistema tas-saħħa pubblika

Tobba

  • Il-kura tingħata bla ħlas mit-tobba b'kuntratt mas-sistema tas-saħħa pubblika.
  • Il-konsultazzjonijiet għand speċjalista huma bla ħlas jekk ikollok riferiment minn tabib li jaħdem mas-sistema pubblika.

Dentisti

  • L-ispiża tkun iktar baxxa jekk tara dentist b'kuntratt mas-sistema tas-saħħa pubblika.
  • Ċerti kuri preventivi u fillings jiġu rimborżati sa 40%.
  • Id-dentaturi, il-crowns, eċċ. ma jiġux rimborżati.

Kura fi sptar

  • F'każijiet ta' emerġenza tista' tikkuntattja lis-sala tal-emerġenza (skadestue) ta' sptar pubbliku.
  • F'uħud mill-5 reġjuni tad-Danimarka, trid tagħmel appuntament għal konsultazzjoni. Tista' ssib l-informazzjoni dwar kif tikseb kura ta' emerġenza fi sptar fis-sit www.borger.dk taħt 'Skadestue' (bid-Daniż biss).
  • Meta ma tkunx emerġenza, irid ikollok referenza mit-tabib.
  • Il-kura hi bla ħlas.

Riċetti tat-tabib

  • Uri r-riċetta mit-tabib, mill-isptar jew minn speċjalist fi kwalunkwe spiżerija.
  • L-ewwel darba li tixtri mediċini fid-Danimarka, tirċievi kard speċjali b'numru uniku.
  • Uri din il-kard kull darba li tixtri mediċina, biex ikun jista' jiġi kkalkulat ir-rimborż tiegħek.
  • Ir-rimborż jiddependi fuq kemm tixtri mediċini bir-riċetta f'sena. Ma tiġix rimborżat jekk il-valur tal-konsum annwali tiegħek ma jaqbiżx ammont minimu fiss.

Ambulanza

  • Is-servizz tal-ambulanza (jew dak ta' 'Vettura Speċjali tal-Morda' særligt sygekøretøj) hi bla ħlas fl-emerġenzi.

Ambulanza bl-ajru

  • M'hemmx regoli speċjali għat-trasport bl-ambulanza bl-ajru

Rimborż

Jekk ħallast il-prezz sħiħ għall-kura (pereżempju għax ma wrejtx il-Karta tal-Assikurazzjoni tas-Saħħa Ewropea), tista' tikseb ir-rimborż mill-kura tas-saħħa pubblika fil-muniċipalità (kommunen) li tkun qed iżżur. Sib il-muniċipalità lokali fuq borger.dk, “Vælg kommune” (fin-naħa ta' fuq tal-paġna).

  • Uri l-irċevuti u r-riferimenti oriġinali
  • Uri l-Karta tal-Assikurazzjoni tas-Saħħa Ewropea
  • Agħti d-dettalji kollha tal-kont tal-bank tiegħek (IBAN u SWIFT / BIC code)

Jekk ma rnexxilekx tibgħat talba waqt li kont fid-Danimarka, ikkuntattja lill-fornitur tal-assikurazzjoni tas-saħħa tiegħek meta tasal lura f'pajjiżek.

    Aqsam

  • Twitter Facebook Ixxerja fuq Google+