Additional tools

•  
•  

Tiftix Avvanzat

Trattament mediku barra l-pajjiż - Ċipru

NOTA: Il-Karta tal-Assikurazzjoni tas-Saħħa tal-Unjoni Ewropea (EHIC) mhijiex valida fin-naħa ta' fuq ta' Ċipru. Inħeġġuk tieħu polza tal-assikurazzjoni privata tas-saħħa qabel ma tmur f'din il-parti tal-pajjiż.

Emerġenza

Ċempel il-199

Ikkuntattjana

Ministeru tas-saħħa (Υπουργείο Υγείας)

Tel: +357 22 605300

Email: sstratis@moh.gov.cy

Kura u spejjeż

Tobba

• Tista' tmur għand tobba li jipprattikaw fiċ-ċentri tal-kura tas-saħħa tal-istat. Tiġi ċċarġjat miżata standard żgħira għal kull vista.

Dentisti

• Tista' tmur għand dentisti li jipprattikaw fiċ-ċentri tal-kura tas-saħħa tal-istat. Tiġi ċċarġjat miżata standard żgħira għal kull vista.

Kura fi sptarijiet

• Tista' tiddaħħal l-isptar għall-kura biss jekk jirreferik tabib jew jekk tidħol mid-dipartiment tal-inċidenti u l-emerġenza ta' sptar statali.

Riċetti tat-tabib

• Il-mediċini huma b'xejn jekk ir-riċetti jinħarġu minn tabib tal-istat u huma bla ħlas. Iridu jiġu ppreżentati fi spiżerija statali, inkella teħel il-flus.

Ambulanza

• It-trasport bl-ambulanza huwa bla ħlas jekk turi l-EHIC tiegħek.

Ambulanza bl-ajru

• M'intix kopert għat-trasport tal-ambulanza bl-ajru. Ma titħallasx lura tal-ispejjeż.

Rimborż

Ma jsirux rimborżi. Inti teħel biss is-sehem tiegħek tal-ispejjeż.

Jekk kellek tħallas għall-ispiża tal-kura tiegħek, għandek tikkuntattja lill-fornitur tal-assikurazzjoni tas-saħħa nazzjonali tiegħek meta tmur lura f'pajjiżek u titlob il-flus lura.